Mateo 6:27 - Dios Iwene

²⁷ Ja̧danö chömöledö, Aaa, dakwö ja̧bö lekwe chö̧jakwa̧jö, jö̧ba̧lö kwomukwataduwi̧ma, ¿ajayitjö bajalekwönönö lekwe kwö̧jaduwobö pjaatenaji̧? Pjaatokobe chömöledö.

Mateo 6:27 Iomraidhean Croise

Mateo 5:36

Ja̧danö, ju'wibi yöbawökönaduwi chömöledö, Aaa, chuu isabenö ji̧danö, baikwö isabenö ja̧takwa̧ yöbawö chujuna jö̧ba̧löma. Jau chömöledö, ökwödöma juluwöködöja, kwöwö'yebi balewö loköbaduwoböma, yȩinö baiboböbi, dewinö baiboböbi juluwöködöja, jo̧kwajabetjö̧ kwuubi wanedöma yöbawö kwujunaduwoko.

Mateo 6:25

Jo̧kwajabetjö̧ baikwö yötawaduwakwö chömöledö: Böjȩnö kwö̧jaduwi̧ jawama omukwatö kwö̧jaduwoko, Aaa, ¿taji dukwakwa̧jö?, ¿taji dowakwa̧jö?, ¿taji 'dudawakwa̧jö? jö̧ba̧löma. Jau chömöledö, ja̧kwawa mikwawi̧ma, sule kwakwawadamaökö, ja̧danö sule kwiteba'oduwinö 'duawakwawadamaökö, ¿jö̧tö? Jo̧kwajabetjö̧ ja̧ jawa omukwatö kwö̧jaduwoko chömöledö.

Mateo 6:28

Ja̧danö, ¿tajawedö kamijido̧ jawa kwomukwataduwobö chömöledö? Mejetjö o̧bubiya kwomukwataduwo chömöledö. Otiwa, ¿jö̧tö? Jejenö otiwi̧ma, ¿'diinö otidajabetjö otiwobeji̧? ¿Kamijido̧ otiwado̧ 'dö̧ajabetjö otiwobeji̧?

Mateo 6:31

Jo̧kwajabetjö̧, ja̧ jawa kwomukwataduwoko chömöledö, Aaa, taji dukwakwa̧jö jö̧ba̧lö, ja̧danö taji dowakwa̧jö jö̧ba̧lö, ja̧danö taji 'dudawakwa̧jö jö̧ba̧lö.

Mateo 6:34

Jo̧kwajabetjö̧ itekwayi jawa omukwatöma kwö̧jaduwoko chömöledö, dakwö ja̧dakwa̧jö jö̧ba̧löma. Jau chömöledö, itekwayi möleda ja̧ möle jawa kwomukwataduwena, ja̧danö ju'wi möle jwiinö, iya̧da möle jawada kwomukwataduwobö jo̧be, ju'wi möle jawa omukwatökönö— jö̧ba̧lö yöawinobe Jesúsma.

Lucas 10:41

Yöja̧lökwe Jesúsma atadinobe: —Chömöledösuju chösödoko Marta, ju'wi jayebi, ju'wi jayebi nöinö kwo̧'wo̧ tjo̧kekwa, jo̧kwaijayonö ja̧ jayema isabenö mikwawökö ji̧ Marta.

Lucas 12:11

Ju'wibi yöawinobe Jesúsma: —Ja̧danö, ötjönö kwösödaduwobetjö̧, ökwödönö do̧batö öbibö tjujunena, judío jojodö ba̧nö tja̧ja̧kwa̧leju jojodö tjöba a'otjöbi, lȩekwa luwedö tjöba a'otjöbi, la'aka luwedö tjöba a'otjöbi. Ja̧danö tjöba a'otjö junajadö, ökwödönö sulabenö yötja̧lena, bidöma sulabedö jö̧ba̧lö. Jejenö baledenama kwo̧'wo̧ tjo̧kekwaduwa chömöledö, ¿dakwö datadakwajö? ¿taji yöda̧lakwajö? jö̧ba̧löma, Dios O̧'wo̧ Luwo̧da kwatadaduwakwa̧ pjaatakobetjö̧.

Lucas 12:22

Jemi ikenama Jesúsma iteda öba̧ja̧di̧ waisachadönö yöawinobe: —Böjȩ jawama nöinö mikwawokobetjö̧ baikwö yötawaduwakwö chömöledö: Böjȩnö kwö̧jaduwi̧ jawama omukwatö kwö̧jaduwoko, Aaa, ¿taji dukwakwa̧jö? ¿taji 'dudawakwa̧jö? jö̧ba̧löma.

1 Corintios 12:18

Jo̧kwaijayonö, okobe jwiinö bakwöta jawa baibanöma otidinokobe Diosma chömöledö, okobe jwiinö tjiteba'o jawa wainökwena iteda ösödi̧danö otidö ujuninobe.

Filipenses 4:6

Ja̧danö, okobe jwiinö baledi̧ma, kwo̧'wo̧ tjo̧kekwaduwa chömöledö, dakwö ja̧dakwajö jö̧ba̧löma. Kwo̧'wo̧ tjo̧bekwökönö, Diosnöda akebaduwo chömöledö, jo̧ba pjaatobö akebaduwonö, otiwanö pjabato̧ja jö̧ba̧lö.

1 Pedro 5:7

Ja̧danö chömöledö, ökwödöwe, dakwö ja̧dakwajö jö̧ba̧lö yekabiduwenama, Diosnö abebö yekabiduwi̧ iyö loköbaduwo chömöledö, jo̧bama isabenö ökwödönö ösödö ite'ada̧lobetjö̧.