Mateo 6:2 - Dios Iwene

² Jo̧kwajabetjö̧, jwibadönö kwiyaduwenama, sulabenö dötölajatanö omukwatadö ja̧tji̧danöma ja̧köbaduwa. Jobadöma jwibadönö tjiyakwa̧ abönö, tjiyakwa̧ yöbawadö, judío jojodö ba̧nö tja̧ja̧kwa̧lakwawejubiyatjöbi, comunidad ö'wejetjöbi, okobe deinö tjiyi̧ edö, Aaa, bidöma otiwanö jwibadönö iyö pjabatadö, jö̧ba̧lö tjomukwatobö. Isabenö yötawaduwakwö chömöledö: Tjiyaja̧ mikwa baibanöma iyökakwo̧ Diosma, otiwanö iyadöja jö̧ba̧löma, ida̧ökö okobe jwiinö tjiyaja̧ mikwa tjeminobetjö̧.

Mateo 6:2 Iomraidhean Croise

Proverbios 19:17

Ja̧danö, ju'wibi yötawa wanedö: Bakwo̧ma jwibo̧nö lȩ lö̧jinö edö iyobe. Ja̧danö, jo̧ba jwibo̧nö iyi̧ma Isabenö Jo̧nöda öbalewobedanö jo̧be. Ja̧danö, ja̧ öbalewaja̧tjö̧ mikwa baibanö tjebatö iyakwo̧ Isabenö Jo̧ma iyo̧nöma.

Proverbios 20:6

Ja̧danö, ju'wibi yötawa: Isabenö, ba̧jȩkwadö yötja̧lena ömöledöso̧nö, ökwönö ba̧kwȩlö̧jatebö pjatatakwo̧sa, la'akatjöda chile'dedibökakwo̧sa, jö̧ba̧lö. Jobekwö yötja̧lijayonö omöna yötja̧lena. Isabenö bakwo̧, ba̧kwȩlöjatebö pjatatakwo̧sa, jö̧ba̧lö yöa̧li̧danö badekwachinö i̧sebo̧ma deobe.

Isaías 10:6

Jobadönö wetajabe, israelsaso Diosnö tjösödököso jojodönö metjibobö. Jwiinö chödameakwawö̧nö metjibobö wetobe Asiria jojodönö, israel jojodönö juluwajadö, söbebö lobö tjitea 'döbebö tjemakobetjö̧, ja̧danö manatjö lete'o ja̧tö lotji̧danö, jobadönö ja̧tö lotjakobetjö̧.

Isaías 58:7

Ja̧danö ju'wibi, kwu̧kwaduwitjö a̧wi̧chi̧ tjöbadönö iyabikwawö pjakataduwobö, ja̧danö tjeju jwibanönö pjabatö, kwejuduwinö tekataduwobö, ja̧danö tjökamisi jwibadönö 'dukataduwobö, ja̧danö kwömöledöduwi tjöba a'o ju̧kwawökönö, otiwanö jobadönö pjakataduwobö. Jobekwö laebobe isabenö chösödi̧danö ö̧tö̧chö ja̧kwawa chömöledö, ökwödö kwisȩbaduwi̧danömaökö.

Isaías 9:17

Jobekwö sulabenö tjö̧jiökwe, o̧'wo ösöwanöma omukwatö̧kö̧ Isabenö Jo̧ma, israel jojodötjö möayedödanö juluwadönöma, ja̧danö lȩlöinö edö̧kö̧ löyödönöbi, tjilekwamu wobekwinadönöbi. Jau, okobe deinö israel jojodöma bakwainö Diosnö ösödökönö ju̧kwadö, ja̧danö bakobe sulabenö ja̧badö, ja̧danö bakobe sulabenö mikwawökö ji̧ jawada yöba̧ladö. Jo̧kwajabetjö̧, jobekwö ina sulabenö tjö̧jiökwe, ina jobadönö inesö ödameakwi̧ma kabatibö̧kö̧ Diosma, ja̧danö ina ömamu debatö jo̧, tupakwönönö jobadönö kwaakobetjö̧.

Mateo 15:7

Ökwödö dötölatajanö omukwatadönö badekwachobe Dios yöawi̧ yöbawo̧ Isaías damötjö iwȩyudinama:

Mateo 16:3

Jo̧kwaijayonö yȩayi mölejȩ duwitjö̧ma, ja̧danö yȩitjö̧ma, Aaa, ojwiyo o̧bena, jö̧ba̧lö kwöwaisaduwena, ¿jö̧tö? Jau, mölejȩ edö, ojwiyo o̧bakwa̧ waisadöja, ja̧danö babe baledi̧ edö, ötjönö kwöwaisaduwobö jo̧be. Baikwö yötawa: Mölejȩ i̧sebi̧danö, kwöba a'oduwitjö chi̧sebi̧ jawama öwaetjöda i̧sebobe ötjönö kwöwaisachibaduwobö. Jo̧kwaijayonö babe chi̧sebi̧ jawa badekwachi̧ma öwaetjöda öwawijayonö waisachiböködöja.

Mateo 22:18

Jejenö atjebijayonö, Jesúsma sulabenö tjomukwati̧ öwaisinobe, ja̧danö jobadönö atadinobe: —Ökwödöma sulabenö dötölatajanö omukwatadöja. ¿Tajawedö sulabenö chatadojobö jö̧ba̧lö abebö kwa̧ja̧kwaduwobeda?

Mateo 23:5

Okobe jwiinö jobadö ja̧tji̧ma, jojodö jobadönö tjedo jö̧ba̧lö ja̧badö. Jau chömöledö, jobadöma Dios iwene jawatjö wȩyukwöja isapjo nöapjo okwa anö, tjöbanöbi tjöjanöbi di̧batakwawedö, ja̧danö tjökamijido̧ ö'öbönö isa'ye ödöa'ye di̧batadö, isabenö jwaikwöda Diosnö ösödadösa jö̧ba̧lö.

Mateo 23:6

Ja̧danö pjiesta tjukwenama, luwedö tjö̧bena tjö̧bobö jwiinö ösödadö, ja̧danö ba̧nö tja̧ja̧kwa̧lejutjöbi luwedö tjö̧bena tjö̧bobö ösödadö.

Mateo 24:51

Ja̧danö chömöledö, iteda ömöayo̧ weinöködanö ja̧bo̧nö jejenö öbadekwajitjö̧ma, ömöayo̧nö labinö lȩebakobe chömöledö, ja̧danö jo̧banö ikwö loakobe, dötölatajanö omukwatadökwö budekwabinö o'ye kikisö ja̧bö usula emawobö—, jö̧ba̧lö yöawinobe Jesúsma, iteda öba̧ja̧di̧ waisachadönö.

Mateo 5:18

Isabenö yötawaduwakwö chömöledö, böjȩbi, mölejȩbi ina ja̧yi, ja̧ tjiwȩyudina jawatjö ja'yubebi söbebö lotjökakobe, okobe jwiinö tjiwȩyudinama badekwachenanö kabatö.

Mateo 6:16

Tupakwö yöawinobe Jesúsma: —Ja̧danö, Diosnö omukwatö kwökönö ö̧tö̧chö kwö̧jaduwenama, dötölatajanö omukwatadö ja̧tji̧danöma ja̧köbaduwa. Jobadöma o̧'wo̧ tjo̧achö tjöba dichawökönö, kamijido̧ sulabado̧ 'dutjawobe, okobe deinö edadö ö̧tö̧chö tjö̧ji̧ edö, Aaa, bidöma otiwanö Diosnö omukwatö ö̧tö̧chö ju̧kwadö, jö̧ba̧lö tjomukwatakobetjö̧. Isabenö yötawaduwakwö chömöledö: Jobadöma ida̧ökö okobe jwiinö ö̧tö̧chö tjö̧ji̧ mikwa emajadö jojodötjö chömöledö, Diosma jobadönö iyökakobe.

Mateo 6:3

Ökwödö jwibadönö kwiyaduwenama, ju'wedö wajwitjonö kwiyaduwo, bakwo̧bi kwiyi̧ edapji jö̧ba̧lö.

Mateo 6:5

Tupakwö yöawinobe Jesúsma: —Ja̧danö, Diosnö akebaduwenama, jobadö dötölatajanö omukwatadö atjebi̧danöma akebaduwa. Jobadöma tjösödobe, judío jojodö ba̧nö tja̧ja̧kwa̧lakwawejubiyatjö jamatö labinö Diosnö atjebobö, ja̧danö ba̧jekwadö jojodö kwetjachemi ö'öbönö ja̧nö, labinö Diosnö atjebobö, böjȩ jojodö Diosnö atjebi̧ tjedobö. Isabenö yötawaduwakwö chömöledö: Atjebaja̧ mikwa baibanöma iyökakwo̧ Diosma otiwanö abebadöja jö̧ba̧löma, ida̧ökö okobe jwiinö atjebaja̧ mikwa tjeminobetjö̧.

Mateo 7:5

Jejenö ja̧bo̧ dötölatajanö omukwato̧nö baikwö yötawa: Abönö ökwöda kwöbajaletjö towisöte emö loköbo. Ikenama lobajo̧, otiwanö kwedena, kwömöledöso̧ öbajaletjö i̧so̧pja emö loköbobö— jö̧ba̧lö wanedö yöawinobe Jesúsma.

Marcos 12:39

Ja̧danö, ba̧nö tja̧ja̧kwa̧leju okwabi, pjiesta junö tju̧kwa tjukwelöbi inesö la'aka luwedö otiwaökiyanö tjöba̧jobö jö̧ba̧ladö, Edaduwi, ökwödöma la'aka luwedösa, jö̧ba̧lö.

Marcos 7:6

Jejenö abebö tja̧ja̧kwökwe Jesúsma atadijetö: —Ökwödöma dötölatajanö omukwatadöja. Diosnö ösödadösa, jo̧ba wei̧da a̧ja̧kwadösa, jö̧ba̧lö, yöka̧laduwijayonö omöna, kwaaduwitjöda yöba̧ladöja. Damötjö Dios yöawi̧ yöbawo̧ Isaías mikwo̧ma jweinö wȩyudijetö ökwödödajayedönöma. Jo̧ba iwȩyudina baikwö laebobe: Bidöma Diosnö ösödadösa, jö̧ba̧lö, yötja̧lijayonö tjomajadenö otiwanö omukwatöködö ötjönöma.

Lucas 11:41

Ökwödöma jwaikwöda kwujuna̧laduwotö jö̧ba̧lö omukwatadöja, ja̧danö jejenö omukwatö ja̧nö, okwanö yȩbadöja. Jo̧kwajabetjö̧ okwanö yȩi̧ kwidichawaduwakobetjö̧ kwujuna̧laduwi̧ a̧'dȩlökönö jwibadönö kwiyaduwo, wamenöbi okwanöbi kwidichawaduwakobetjö̧.

Lucas 11:43

¡Isabenö usula kwemawaduwakwedöja ökwödö fariseo jojodöma! Ökwödöma ba̧nö tja̧ja̧kwa̧lejutjö luwedö tjö̧bena kwö̧baduwobö ösödadöja, ja̧danö kwakwawa iyawejube kwekachaduwenama, jojodö otiwanö edö, ba̧ja̧dakwawa luwo̧ jö̧ba̧lö jojodö ökwödönö yötja̧lobö ösödadöja.

Lucas 12:33

Isabenö mikwawi̧ma böjȩ jawadamaökö chömöledö, mölejȩ jawada. Jo̧kwajabetjö̧ kwujuna̧laduwi̧ iyö lobö, jwibadönö kwiyaduwo, jejenö ja̧bö mölejȩbetjö kwujuna̧laduwakwa̧ ko̧ko̧dö kwödaduwakobetjö̧. Jau chömöledö, böjȩtjö baladasa'woma damö jawa jwöbachö suli̧ jwöachobe, ¿jö̧tö? Ja̧danö, böjȩ jawa nöinö mikwawi̧ma suli̧ jwöachobe, ¿jö̧tö? Ja̧danö naukwabidö tjö̧naukwobe, ja̧danö pjȩlȩbö̧ma suli̧ tjöwaedobe, ¿jö̧tö? Jo̧kwajabetjö̧ mölejȩbetjöda nöinö mikwawi̧ ko̧ko̧dö kwödaduwobö kwisakwaduwo chömöledö, mölejȩbe jawa baladasa'woma, damö jawa babibö suli̧ waekwokobetjö̧, ja̧danö jobe nöinö mikwawi̧ jawama, suli̧ waekwokobetjö̧, ja̧danö naukwabidö tetjachokobetjö̧, ja̧danö pjȩlȩbö suli̧ tjöwaedokobetjö̧.

Lucas 12:56

Ja̧danö, ojwiyo'wobi, jwa̧lȩ'epjobi i̧sebi̧danö, babe kwöba a'oduwitjö chi̧sebi̧ jawama öwaetjöda ötjönöbi i̧sebobe, edö ötjönö kwöwaisachibaduwobö. ¿Tajawedö ja̧ edö kwomukwataduwokobeda? ¡Ökwödöma isabenö dötölatajanö sulabenö omukwatadöja! Mölejȩ baledi̧bi böjȩnö baledi̧bi edö, ojwiyo o̧bakwa̧bi, tubakwa̧bi kwöwaisachibaduwi̧danö, kwöba a'oduwitjö chi̧sebi̧ jawa edö isabenö ötjönö kwöwaisachibaduwo jö̧ka̧laduwajabe— jö̧ba̧lö yö̧awinobe Jesúsma.

Lucas 13:15

Jo̧kwaijayonö jejenö yöa̧liökwe Duluwo̧ma atadinobe: —Ökwödö jejenö omukwatadöma sulabenö dötölatajanö omukwatadöja. Ökwödöma okobe deinö kwa̧jwi̧muduwinö ejatadöja, ¿jö̧tö? Otikwökö mölejayonö, kwajwi bulönöena, pakayaso̧nöena ejatö, öbibadöja ojwiyo owobö, ¿jö̧tö?

Lucas 20:46

—Chömöledö, te'ada̧lönö kwö̧jaduwo, Moisés iwȩyudina ba̧ja̧dadöma isabenö labidö tjö̧jobetjö̧. Jobadöma mikwawadösa jö̧ba̧lö kamijido̧ otiwado̧ ödöado̧ 'dubawö kwetjachobö ösödadö, ja̧danö kwakwawa iyawejube kwetjachenama, jojodö otiwanö edö, ba̧ja̧dakwawa luwo̧ jö̧ba̧lö jojodö yötja̧lobö ösödadö, ja̧danö ba̧nö tja̧ja̧kwa̧lejutjö luwedö tjö̧bena tjö̧bobö ösödadö, ja̧danö pjiestatjö luwedö tjö̧bena tjö̧bobö ösödadö.

Lucas 6:24

Ja̧danö ju'wibi yöawinobe Jesúsma: —Ja̧danö ökwödötjö nöinö juna̧ladöma, Ayö, isabenö o̧'wo̧ tjo̧achö tjö̧jakwedö, tjo̧'wo̧ ösöwachibanö ji̧ jawama ida̧ökö okobe jwiinö tjujuna̧lajabetjö̧.

Lucas 6:42

Jejenö ösöte kwöbajalenö a̧jijayonö, kwömöledöso̧nö yöba̧ladöja, Kwöbajaletjö iso̧pja̧ loköbobö pjatatakwö, jö̧ba̧lö. Jo̧kwaijayonö ösöte kwöbajalenö a̧jöte kwedökötjö̧ma, ¿dakwö otiwanö edö kwömöledöso̧nö pjakatobö? Jejenö ja̧bo̧ dötölatajanö omukwato̧nö baikwö yötawa: Abönö ökwöda kwöbajaletjö towisöte emawö loköbo, ikena emö lobajo̧, otiwanö kwedena, kwömöledöso̧ öbajaletjö iso̧pja̧ emö loköbobö— jö̧ba̧lö wanedö yöawinobe Jesúsma.

Juan 13:29

Jobadötjö ju'wedöma Judasda balada te'ada̧lö ö̧jobetjö̧ tjomukwatinobe, Pjiesta jawa emobö wea, jö̧ba̧lö. Ja̧danö jobadötjö ju'wedöma tjomukwatinobe, Usulasedönö iyobö wea, jö̧ba̧lö.

Juan 5:41

Ina yöawinobe: —Ja̧danö, böjȩ jojodö ötjönö ösödö otiwanö yötja̧loböma chisakwokobe— yöawinobe—.

Juan 5:44

Ja̧danö, ökwödöma ¿dakwö kwöwaisachibaduwobö ötjönöma? Ju'wi jawa kwisakwaduwobe. Jojodö ökwödönö tjösödi̧da, pjatjati̧da kwisakwaduwobe. Dios jawa, bakwo̧da Dios jwiinö otiwi̧ jawama kwisakwaduwokobe— yöawinobe Jesúsma judío jojodö la'aka luwedönöma.

Juan 7:18

Bakwo̧ iteda ösödi̧, iteda omukwati̧ yöbawo̧ma o̧'wo̧ luwo̧ okwa sulabenö omukwato̧, itedada ösödi̧ma. Jojodö itenöda ösödö, Bitema jwiinö waiso̧, jö̧ba̧lö, tjomukwatobö isakwo̧. Jo̧kwaijayonö bakwo̧, jo̧banö webo̧ ösödi̧da ja̧bo̧ma, o̧'wo̧ luwo̧ okwa otiwanö omukwato̧, jojodöma webo̧nöda tjösödobö isakwö. Jobama jweinöda yöbawo̧— yöawinobe—.

Hechos 10:2

Ja̧danö, Cornelioma Diosnö ösödö ji̧abijetö. Jo̧babi jo̧ba ömöledöbi Diosnö otiwanö yebabinö omukwatö ji̧abijadötö. Jo̧bama judío jojodötjö tju̧kwa jwibadönö pjabatiabijetö. Ja̧danö, Cornelioma kabatökönö Diosnö abebö ji̧abijetö.

Hechos 10:31

Jo̧bama öwawachö jö̧a̧lijatö, baikwö: Cornelio, Diosma ökwö akebi̧ma a̧ja̧kwö omukwato̧, ja̧danö usula jojodönö pjakati̧bi edö omukwato̧.

Hechos 10:4

Ja̧danö, Cornelioma jo̧banö edö jwiinö yebaibijetö. Atadijetö: —¿Tajida Chuluwo̧?— jejenö atadökwe ángelma jö̧ba̧lijetö: —Cornelio, Diosma ökwö akebi̧ma a̧ja̧kwö omukwato̧, ja̧danö usula jojodönö pjakati̧bi edö omukwato̧.

Hechos 11:29

Ikenama Dios yöawi̧ yöbawo̧ Agaboma, jejenö yöawiawö̧: —Balada pjabatakwawö wedo— jö̧ba̧lijadötö Jesúsnö ösödadöma. Jejenö jö̧ba̧lajadö balada ko̧ko̧dijadötö, bakwo̧nökwena tjujuna̧li̧tjö Judea nijibe wetjobö.

Hechos 24:17

Ina atadijetö: —Jemi ikenama, ötjöma ja'yubeda lekwe o̧biya baledibanö Jerusalénbe chi̧'yijökötö. Ikenama lekwajabetjö chi̧'yijatö Jerusalénbe balada iyö pjabatö chömöledönö. Diosnö juwö iyöbi chi̧'yijatö.

Hechos 9:36

Jobetjö Lidanö jejenö baledonö jelobe, Jope mikwobe, jobe jujuma, Tabita mikwujuma ö'wöchaju ö'wö babibijotö. Ja̧danö, jobujuma Jesúsnö ösöduju. Jobujuma, griego tjiwenenö Dorcas mikwuju. Jobujuma ina 'yajayi otiwanö pjabatö ji̧abijotö. Kabatökönö pjabatiabijotö usula jojodönö. Ja̧danö ö'wö baibajajunö ju'wedöma dichijadötö jobujunöma, wobajadönö dichajitjadanö. Dichajadöma mösȩko̧nö lödijadötö, Jojodö edö tjichakobe, jö̧ba̧lö.

Romanos 12:8

ju'wedönö tjujuluwachibanö yöawo jö̧ba̧lö iyinatjö̧ma, tjujuluwachibanö yöawobö jo̧be. Ja̧danö, ju'wedönö iyo jö̧ba̧lö iyinatjö̧ma, a̧'dȩlökönö iyobö jo̧be, luwo̧ jawa otidö ö̧jo jö̧ba̧lö iyinatjö̧ma, otiwanö te'ada̧lönö luwo̧ jawa otidobö jo̧be, ju'wedönö lȩlö̧jinö edo jö̧ba̧lö iyinatjö̧ma, o̧'wo̧ ösöwanö lȩlö̧jinö edobö jo̧be.

1 Corintios 13:3

Ja̧danö, okobe jwiinö chujuna̧li̧ma a̧'dȩlökönö iyö lotena jwibadönö pjabatö, ja̧danö chiteba'o Diosnö juwö iyawa'o baibanö chiyawena, jo̧kwaijayonö ju'wedönö ösödakwabikwawökönö jejenö ja̧titjö̧ma, ja̧ti̧ma mikwawokobe ötjönöma chömöledö.

Gálatas 2:10

Sule bakwöta jawada atjebinobe ökwödönöma chömöledö, balada jwibadö usula jojodönö omukwatö pjadatobö, ja̧danö jejenö atjebi̧ma chösödijatö, jwibadönö pjadatobö chösöda jö̧ba̧lö.

Efesios 4:28

Ja̧danö, ökwödötjö bakwo̧ naukwabo̧ma naukwabikwawatjö kabatibö, Otiwanö chotido, jö̧ba̧lö, itedada naukwabökönö u̧kwa emawabi, jwibadönö iyöbi iyö ö̧jobö jö̧ba̧lo̧.

1 Tesalonicenses 2:6

Ja̧danö jojodö ökwödönö otiwanö tjomukwatoböma yödawijökötö. Jau chömöledö, ökwödö otiwanö kwomukwataduwobö, ja̧danö ju'wedöbi otiwanö tjomukwatoböma yödawijökötö. Ja̧danö, Cristo webawedödobetjö̧, ökwödönö adebo jö̧da̧linena, ökwödönö pjabatö kwite'ada̧laduwo jö̧ba̧lö. Jo̧kwaijayonö, jejenö abebökönö dösölö̧jinö te'ada̧lö pjadatijatö ökwödönö, bakwuju ji̧tji̧munö jite'ada̧li̧danö.

1 Timoteo 6:18

Ja̧danö, balada luwedönö otiwanö ja̧tjobö yöbawidönö, baikwö wanedö yötawa: Otiwanö ja̧awa luwedö baibanö tjuju̧kwobö yöbawidönö, a̧'dȩlökönö ju'wedönö pjabatö.

Filemón 1:7

Jau Filemón, isabenö Dios ömöledö tjo̧'wo̧ ösöwachibanö pjakatajabe, ja̧danö jejenö pjakatobetjö̧ ötjönöbi pjakatajabedanö ichejekwa, ötjöbi cho̧'wo̧ ösöwachibanö, ja̧danö ötjöbi cho̧'wo̧ luwo̧ ujuluwachibanö. Ja̧danö, jejenö pjakataja̧ omukwatö, Diosnö ösödö atebobe, balekwa mikwa ökwönöbi pjaatobö.

Hebreos 13:16

Ja̧danö ju'wibi yötawa. Babe möle Diosnö diyobedanö diyi̧ma, biya̧: Jojodönö ju'wi jawabi, ju'wi jawa pjadatobö jo̧be chömöledö. Ja̧ pjadati̧ma Diosnö diyobedanö diyi̧. Ja̧danö ju'wibi, ökwödö dujuna̧li̧tjö jwibadönö pjabatö diyaduwo chömöledö. Ja̧ pjadati̧bi Diosnö diyobedanö diyobe. Chömöledö, jejenö, jojodönö pjadatena Diosma jwiinö ösödobe, o̧'wo̧ ösöwanö edö.

1 Pedro 4:11

Baikwö yötawa: Yöbawadöma, Dios yöawi̧ yötjawobö jo̧be, ja̧danö pjabatadöma, Dios ujulunö pjabatö tjö̧jobö jo̧be. Jejenö Dios iyinadanö ja̧bö kwö̧jaduwenama, Diosda ökwödönötjö pjaatobe jojodönö chömöledö. Ja̧danö Dios pjaati̧ edö okobe deinö Diosnö tjösödakobe, Jesucristo midawö woinobetjö̧ otiwanö pjabato̧ja jö̧ba̧lö. Jau chömöledö, Dabe'do Diosda ba̧kwȩlö̧jatebö dejatinö juluwo̧ma ja̧danö jo̧bada inesö la'aka luwo̧ma, babebi ba̧kwȩlö̧jateböbi, jejenö otiwa.

1 Samuel 15:30

Yöawökwe, Saulma atadinobe, —Jau, isabenö sulabenö ja̧tajabe, jo̧kwaijayonö atebakwö, jojodö tjöba a'otjö tabakwö chö̧joböma ja̧bökönui jö̧ba̧lö. Jau Samuel, ötjökwö ichi, ökwökwö Kwuluwo̧ Isabenö Jo̧ Dios öba a'o bȩbachibö chösödobö, chömöledö israel jojodö tjuluwedö tjöba a'otjöbi, ju'wedö israel jojodö tjöba a'otjöbi tabakwö chö̧japji jö̧ba̧lö.