Mateo 6:13 - Dios Iwene

¹³ Ja̧danö, sulabenö ja̧dakwojobö jö̧ba̧lö ja̧i̧ jawa döbaledenama, dujuluwachibanö pjabati, sulabenö ja̧dapji jö̧ba̧lö. Ja̧danö inesö sulabo̧ ujulutjö dö̧jibinö pjabati, Dabe'do jö̧ba̧lö akebaduwo Kwabe'doduwi Diosnöma— jö̧ba̧lö yöawinobe Jesúsma.

Mateo 6:13 Iomraidhean Croise

Génesis 22:1

Ja̧danö, Abrahamkwö Abimeleckwö tjiwene yöbawö tjujunina tupakwö Diosma, Abraham ötjönö o̧'wo̧ wa̧na̧lö weti̧ a̧ja̧kwojobö chedo, jö̧ba̧lö, jwöbijetö Abrahamnö: —Abraham— jwöökwe: —Chuluwo̧, yöba̧li cha̧ja̧kwo— atadijetö Abrahamma.

1 Reyes 1:36

Jejenö weiökwe, Benaiasma atadinobe, —Otiwa, ja̧danö ökwö la'aka chuluwo̧ kwösödökwe, duluwo̧ Isabenö Jo̧ Diosbi, yöka̧lala̧danö weobö chösöda.

1 Crónicas 16:36

Isabenö Jo̧ ökwödö israel jojodö dösödökwe Diosma ba̧kwelöjatebö jo̧, ajayitjödabi, 'dö̧bibajökönöbi ba̧kwelöjatebö jo̧. Jo̧banö dösödaduwo chömöledö, —Otiwo̧ja duluwo̧, —jö̧ba̧lö, Levisaso jojodö lo̧tjobö weinobe Davidma. Ja̧danö lo̧tjaja̧ a̧ja̧kwajadö, okobe deinö jobe ju̧kwadö israel jojodöma ösödö yötja̧linobe, —Otiwa, Amen, —jö̧ba̧lö, ja̧danö Isabenö Jo̧nö tjösödinobe.

1 Crónicas 29:11

Ökwödaja inesö dejatinö juluwo̧ma, ökwödaja inesö kwöpöjojodönö juluwo̧ma, ökwödaja okobe deinö tjuluwo̧ma chuluwo̧. Jau chuluwo̧, okobe deinö mölȩjȩnö ju̧kwadöbi, bö̧jȩnö ju̧kwadöbi ökwöda kwö̧möayedö, ja̧danö okobe jwiinö mölȩjȩnö ji̧bi, bö̧jȩnö ji̧bi ökwöda kwiteaobe chuluwo̧. Ja̧danö ökwöda inesö la'aka luwo̧köbobetjö̧, ökwönö ösödö yöda̧lakwö chuluwo̧.

1 Crónicas 4:10

Jo̧bada Israel jojodö tjösödökwe Diosnö abebinama: —Chuluwo̧ Dios, otiwanö pjakatobö atebakwö, ja̧danö chitebo jalobe baibanö pjakatobö atebakwö. Okobe jwiinö otidö chö̧ji̧ma, bakobe ötjökwö kwö̧jobö atebakwö, ja̧danö okobe jwiinö wene chöbaledi̧tjöbi, inia tjöbö chö̧jitjöbi chö̧jibanö pjakatobö atebakwö chuluwo̧, —jö̧ba̧lö. Ja̧danö, jobekwö aebökwe, aebaja̧danö Jabesnö pjaatinobe Diosma.

Éxodo 15:18

Isabenö Jo̧, ökwöma ba̧kwȩlö̧jatebö inesö la'aka luwo̧köbakwo̧ja— jejenö lo̧bijetö Moisésma.

Proverbios 30:8

Pjabatitjö jweinö yötawobö, ja̧danö jojodönö jelobekwö tjo̧mukwatinö ö'öbönö yötawokobö. Ja̧danö, ju'wibi pjabatitjö: Jwibö chö̧joböma weköboko, ja̧danö, nöinö juna̧lö chö̧joböbi kwiyoko. Sule kwanö chö̧ji̧da chujuna̧linö pjabatitjö.

Daniel 4:25

Diosma ökwönö weobe, jojodö tjö̧'da̧detjö a'dewö lotjobö, ja̧danö mejȩnö ju̧kwadö tebonö ju̧kwadökwö kwö̧jobö. Ja̧danö jelemutjö döbalataja o̧biya baledibanö pa̧ka̧yö̧ tjukwi̧danö meje'ye kwukwakwo̧ja, ja̧danö si̧li̧'idö tji'olitjö kwi̧'bȩkwakwo̧ja, otiwanö Diosnö kwöwaisachibenanö kabatö. Jau chuluwo̧, okobe jwiinö yötawaja̧danö baledaja̧ ikena, bajalianö kwöwaisachibakwo̧ja, Okobe jwiinö Juluwo̧ Diosda tjitebotenia ju̧kwadö inesö la'aka tjuluwo̧ma, jo̧bada iteda ösödi̧danö la'aka luwedönö juno̧ma, iteda omudawö ujunawö̧nöda jö̧ba̧lö. Ja̧danö, jejenö kwöwaisachibenama, yemidanö la'aka luwo̧ kwö̧jakwo̧ja.

Daniel 7:18

jo̧kwaijayonö jemi ikenama bajalianö Mölejȩbe Jo̧ Diosma iteda ömöledönö iyakobe, böjȩtjö yöbawö wetjobö. Ja̧danö, Dios ömöledö yöbawö wetjakwa̧ma, ba̧kwȩlö̧jatebö 'dö̧ibajökenanö yöbawö wetjakobe— jö̧ba̧lö yöawinobe.

Mateo 26:41

Abökönö te'ada̧lö Diosnö akebaduwo, sulabenö ja̧köbaduwojobö jö̧ba̧lö balediawö̧, sulabenö ja̧köbaduwapji jö̧ba̧lö. Kwo̧'wo̧ luwo̧duwitjö isabenö otiwanö ja̧köbaduwobö ösödadöja chömöledö, jo̧kwaijayonö kwiteba'oduwitjö juluwöködöja— jö̧ba̧lö.

Mateo 28:20

Ja̧danö, jobadö 'yabayedö chöba̧ja̧di̧ waisachadönö ba̧ja̧daduwi, okobe jwiinö ökwödönö wetinama, jobadöbi ja̧bö tjö̧jakobetjö̧. Ja̧danö chömöledö, isabenö ökwödökwö chö̧jakwo̧sa, böjȩ 'dö̧ibenanö kabatö— jö̧ba̧lö weinobe Jesúsma.

Mateo 5:37

Jau chömöledö, ju'wi jaye wanedö yöbawökönö, jweinö ja̧köbaduwakwa̧da yökawaduwo. Jau, ja̧takwo̧sa jö̧ba̧lö yökawitjö̧ma, yökawaja̧danö ja̧bi, ja̧danö ja̧tökakwo̧sa jö̧ba̧lö yökawitjö̧ma, ja̧bökönuwi. Jau chömöledö, ju'wi jaye wanedö yöbawö junawama, Diostjöma ichökö ji̧. Awetjatjö ichi̧— jö̧ba̧lö yöawinobe Jesúsma.

Mateo 6:10

Ja̧danö ju'wibi la'aka luwo̧ kwö̧jakwa̧ möle juluwanö baibobö dösöda. Mölejȩbe ju̧kwadö jwaikwöda kwösödi̧danö ja̧bö tjö̧ji̧danö, böjȩnö ju̧kwadönöbi kwösödi̧danö ja̧bö tjö̧jobö dösöda.

Juan 17:15

Ina aebinobe: —Chabe'do, ökwönö atebi̧ma, Bidönö kwite'ada̧lo, jö̧ba̧lö, babema mölejȩbe tjichoböma atebökö. Biya̧da ateba: Awetja, böjȩnö ja̧nö webo̧nö tjöbeba̧lö kwite'ada̧lo bidönö, ötjönö ösödadönöma.

1 Corintios 10:13

Ja̧danö chömöledö, nöinö baledobe otiwanö ja̧köbaduwojobö sulabenö ja̧köbaduwojobö jö̧ba̧lö. Ja̧danö, jejenö ökwödönö baledi̧ma, ju'wedö jojodönö baledi̧danö baledobe ökwödönöma. Ja̧danö, ökwödönö baledenama, Dios jö̧a̧linadanö ökwödönö pjaatakobe ja̧ baledi̧ma ökwödönö juluwapji jö̧ba̧lö chömöledö. Jau chömöledö, ja̧ jawa baledenama, ju'wibi Diosma ujulu iyobe ökwödönöma, kwo̧'wo̧ 'dibachibö waekwökönö kwöbaledaduwo jö̧ba̧lö.

1 Corintios 14:16

Jau chömöledö, kwo̧'wo̧ luwo̧nöda Diosnö otiwanö kwiyajabe jö̧ba̧lö Diosnö akebitjö̧ma, yöka̧li̧ wene wajwibo̧ma a̧ja̧kwökena. Ja̧danö, Diosnö otiwanö kwiyajabe jö̧ba̧lö Diosnö akebijayonö, jo̧bama a̧ja̧kwökena, ja̧danö jau, ötjöbi jobekwö chösöda jö̧a̧loböma jwiena chömöledö.

2 Corintios 1:20

Jau chömöledö, okobe jwiinö Dios ja̧tocha jö̧a̧lina, badekwachinö ja̧bo̧ma Jesucristoda, ja̧danö öwaetjöda öwawobe jö̧a̧li̧danö ja̧bo̧ jö̧ba̧lö. Ja̧danö, ju'wibi chömöledö, Jesucristoda Dios jö̧a̧lina badekwachinö ja̧bo̧obetjö̧, ökwödö jo̧banö dötewadöma amen jö̧ba̧ladösa, jejenö otiwa jö̧ba̧lö. Jau chömöledö, jejenö jo̧be, okobe deinö Diosnö otiwanö tjomukwatakobetjö̧. Ja̧danö chömöledö, Dabe'do Diosbi, Duluwo̧ Jesucristobi ba̧kwȩlö̧jatebö jweinö yötja̧lobetjö̧, ötjöbi jweinöda yöta̧lobö jo̧be.

Gálatas 1:4

Böjȩ sulaböjȩtjö dö̧jibobö, jo̧ba Jesucristoma ökwödö dusula midawö woinobe, Dabe'do Dios ajayitjöda omukwatö ujuninadanö.

Deuteronomio 8:16

ja̧danö jo̧bada kwa'dödö wajwitjina kwakwawa Mana ötjabi̧ jawa mölejebetjö tjoduwobö webinama, kwakwawa jwiena kwukwaduwobö. Jejenö ökwödönö pjabatinama, kwuluwo̧duwi Diosda chömöledö, ja̧danö jejenö ökwödönö öbibö ö̧ba̧jadinobe ökwödönö, –Juluwöködösa, –jö̧ba̧lö kwöwaisachibaduwakobetjö̧, ja̧danö jo̧ba wei̧ kwa̧ja̧kwaduwakwojobö jö̧ba̧lö öwawakobetjö̧. Ja̧danö, jejenö öbibö ba̧ja̧dajo̧, inesö otiwanö ökwödönö pjaatakobetjö̧, jobekwö öibinobe kwuluwo̧duwi Diosma chömöledö.

Deuteronomio 8:2

Ja̧danö kwo̧'wo jwikibaduwoko chömöledö, kwuluwo̧duwi Isabenö Jo̧ Dios cuarenta o̧biya baledibanö jojodö deobe ökwödönö öibinama. Jejenö ökwödönö öibinobe chömöledö, ökwödönö ö̧ba̧ja̧dobö, –Juluwöködösa, Diosnö do̧'wo döwana̧lobö jö̧ba̧ladösa, –jö̧ba̧lö kwöwaisachibaduwakobetjö̧. Ja̧danö ju'wibi jejenö öibinobe, kwomajadeduwinö kwomukwataduwi̧ öwawakobetjö̧, isabenö jo̧ba wei̧ kwa̧ja̧kwaduwakwojobö, kwa̧ja̧kwaduwökakwojobö, jö̧ba̧lö.

1 Tesalonicenses 1:10

Ja̧danö, Dios Itji̧ mölejȩtjö ichakwa̧ te'ada̧lö ju̧kwadötö jö̧ba̧lö yötjawobe. Jau chömöledö, Diosma iteda Itji̧ Jesúsnö woawatjö tjeachajinö ja̧inobe, ja̧danö jo̧ba Jesúsda Dios lȩebakwa̧tjö dö̧jibinö ja̧bo̧ma.

2 Tesalonicenses 3:3

jo̧kwaijayonö Duluwo̧ma jö̧a̧li̧danö ja̧bo̧, ja̧danö ökwödö Tesalónicanö ju̧kwadönö tjöeba̧lakobe, inesö sulabo̧ ökwödönö suli̧ öwaedapji jö̧ba̧lö.

1 Timoteo 1:17

Inesö la'aka luwo̧, wobökönö ba̧kwȩlö̧jatebö jo̧, jojodöbi dedökökwe Diosma bakwo̧da, jelo̧ma deobe, jo̧banöda otiwanö domukwatobö jo̧be, ja̧danö jo̧banöda dösödobö jo̧be, otiwo̧ja̧, juluwo̧ja, jö̧ba̧lö. Jejenö kabatökönö dösödobö jo̧be.

Hebreos 11:36

Ja̧danö ju'wedöbi tjuju̧kwinobe, Diosnö tjo̧'wo̧ wana̧ladöma. Jobadönö oböbi, kwakwaböbi kwakwatjinobe. Ja̧danö, di̧batö tjödinobe ka̧lena ba̧kwawejunö.

1 Pedro 5:8

Jweinö omukwatö eda̧lö kwö̧jaduwo chömöledö, kwöpöjojo Awetjama, ökwödönö suli̧ öwaedobö isakwobetjö̧. Kwöpöjojonö baikwö wanedö yötawa chömöledö: Didiba nöbo̧ma tulubö kwebacho̧, ukwakwo̧nö isakwö, ¿jö̧tö? Ja̧danö, Awetjama ökwödönö suli̧ öwaedobö isakwo̧ chömöledö, jo̧kwajabetjö̧ jweinö omukwatö eda̧lö kwö̧jaduwobö jo̧be.

2 Pedro 2:9

Ja̧danö baikwö yötawaduwakwö chömöledö, ja̧ wene edö, baikwö döwaisachibobö jo̧be, Diosma ökwödö jo̧banö ösödadönö isabenö usula demawi̧tjö dö̧jibinö pjaatobö waiso̧, jö̧ba̧lö. Ja̧danö, ju'wibi waiso̧ chömöledö, Diosnö öpöjödadö iteda lȩebakwa̧tjö dötjibapji jö̧ba̧lö ite'ada̧lobö waiso̧, inesö jojodö ja̧tji̧ otiwojobö sulojobö jö̧ba̧lö yöawakwa̧ möle baibenanö kabatö.

1 Juan 3:8

Jau, sulabenö ja̧bökönö 'yo̧ma Dios wei̧ a̧ja̧kwö i̧'yobe. Jo̧kwaijayonö sulabenö ja̧bö 'yo̧ma Awetjada öibökwe, Awetjakwöda dötewinö 'yo̧. Isabenö chömöledö döwaisa, ajayitjöda babe baibanö Awetjama sulabenö ja̧böda jo̧, jö̧ba̧lö. Jo̧kwaobetjö̧ sulabenö ja̧bö 'yo̧ma ¿tikwö i̧'yobeda? Awetjakwöda dötewinö 'yo̧, Awetja sulabenö ja̧i̧danö ja̧bö. Ja̧danö chö̧ja̧wo̧dö, Dios Itji̧ma böjȩkwö ichinobe Awetjanö ujuluwobö, jo̧ba jojodönö sulabenö ja̧tjobö öibi̧ma juluwokobö.

Apocalipsis 1:18

Ja̧danö, ötjödasa ba̧kwȩlö̧jatebö jo̧ma. Wotinajayonö edi, 'yaba̧lo̧sa. Ötjöma wobajaletjö tjetachajinobetjö̧ ba̧kwȩlö̧jatebö 'yaba̧lo̧sa. Yemidanöma wobö̧kö̧sa. Wanedö yötawa: Ötjöma wobajale uluwo̧danö webo̧sa, wobajaletjö o̧penönö juluwo̧chobetjö̧. Ja̧danö, wobajale uluwo̧danö chö̧jobetjö̧ ötjödasa wobinadö tjö̧bajemi yawepi̧ juna̧lo̧ma. Ja̧danö, wobinadö jobetjö latjebobö po̧beböbi po̧bebo̧sa. Ja̧danö, latjebokobö yö̧beböbi yö̧bebo̧sa— jejenö wanedö yöawijatö ötjönöma, Ötjödasa wobajale webo̧ma, jö̧ba̧lö.

Apocalipsis 19:1

Ikenama mölejȩbetjö labinö ökwöi̧ cha̧ja̧kwijatö, ba̧jekwadö jwötjeba̧li̧ ökwöi̧, baikwö: Do̧'wo̧ Döwana̧lökwe Diosnö dösödaduwo. Jo̧bada dö̧jibinö iyo̧. Jo̧bada jwiinö otiwo̧, jweinö lȩbebo̧. Jo̧bada jwiinö juluwo̧. Dösödaduwonö.

Apocalipsis 19:4

Ikenama mölejȩnö ju̧kwadö damö la'aka luwedö, veintecuatronö, ju'wedö tjöbajalebiya a̧tja̧bayedöda ju̧kwawö̧kwö, tju̧yu̧ju̧ki̧junö bamatö, tjuu nijakwö bȩtjachibö Diosnö, inesö ba̧kwawakanö bo̧nö tjösödobe chedijatö, Diosnö dösödaduwo, isabenö otiwanö omukwatö ja̧bo̧, jö̧ba̧lö.

Apocalipsis 2:10

Yötawaduwakwö lekwokobetjö inia tjököbaduwinö baledakobe ökwödönöma. Jejenö baledi̧ma yekabiduwoko, chömöledö. Kwo̧'wo̧ 'dibachibö kwö̧jaduwo. A̧ja̧kwaduwitjö. Awetjama ökwödötjö ju'wedönö ka̧lena ba̧kwawejunö tjödobö weakobe, ötjönö kwo̧'wo̧ kwöwana̧laduwi̧ma kakatibaduwojobö edobö. Ja̧danö, jo̧bama inia tjököbaduwinö ja̧tjobö weakobe, ja'yubeda lekwe, domulataja möle baibanö. Ja̧danö, chömöledö, kabatibökönö kwo̧'wo̧ kwöwana̧laduwotjö, kwabö lotjobö jö̧tja̧lenabi. Yekabiduwoko chömöledö. Ö'wö bakibaduwaja̧ ikena, chöba a'o kwichibaduwena, ba̧kwȩlö̧jatebö ja̧kwawa chiyakwo̧sa, Otiwanö kwujuluwaduwajabe, jö̧ba̧lö.

Apocalipsis 21:4

Diosma, ömöledönö otiwanö ite'ada̧lakobe. Jobadöma belöma budekwabinö tjuju̧kwinajayonö, tjo̧wi̧, babema budekwaböködö. Ja̧danö, yemidanö wotjökakwedö. Ajayi suli̧ baledinama, la'akatjöda yemidanöma suli̧ma baledökakwawö̧. Ja̧danö, tjo̧'wo̧ tjo̧ebi̧bi yemidanöma baledökakwawö̧. Budekwöbi, nii̧bi niökakwawö̧ ajayinö baledinadanö— jö̧ba̧lö cha̧ja̧kwijatö.

Apocalipsis 3:10

Chömöledö, yötawaduwakwö. Ökwödönö wetijatö, Sulabenö baledonöbi kwo̧'wo̧ luwo̧duwi 'dibachibö te'ada̧lö kwö̧jaduwo, jö̧ba̧lö. Ja̧ wetinama otiwanö a̧ja̧kwö kwö̧jinaduwobe. Jejenö otiwanö a̧ja̧kwö kwö̧jinaduwobetjö̧ pjatatakwo̧sa ökwödönöma. Ju'wedö böjȩnö ju̧kwadönö lȩbebö weti̧ baledonö, böjȩtjö jwiinö inia tjötjinö baledonöma, ökwödönö te'ada̧lö pjatatakwo̧sa, ja̧ inia tjötji̧tjö baledökönö.

Apocalipsis 3:14

Ja̧danö, chedökwema ina chiwȩyudobö weijatö: —Juan, biya̧ yötawi̧ma wȩyudi weköbo, Laodicea jojodötjö ötjönö ko̧ko̧kwa̧lö ösödadönö te'ada̧lakwawa jojonöma. Jo̧banö weköbo, jobe ju̧kwadö ötjönö ösödadönö biya̧ yötawi̧ yöawo. Baikwö wȩyudi weköbo: Biya̧ chiwȩyudi̧ma Isabenö Yöbawo̧, jö̧ba̧lö, ötjabökwe yöawi̧. Ja̧danö, jo̧bama Dios iwene ba̧kwȩlö̧jatebö jweinö yöbawo̧. Ja̧danö, jo̧bada Dios ajayi otidi̧ baibobö ja̧binama. Jo̧bama baikwö yöawobe ökwödö Laodicea jojodönö, jo̧banö ösödadönöma:

Apocalipsis 5:13

Jemi ikenama cha̧ja̧kwijatö okobe deinö, mölejȩnö ju̧kwadöbi, böjȩnö ju̧kwadöbi, böjȩ teebe ju̧kwadöbi, ojwe nöödö okwa ju̧kwadöbi, inesö ba̧kwawakanö bo̧nöbi, Obeja Itji̧danö Jo̧nöbi ösödö lo̧tji̧ma. Biya̧ lo̧awa lo̧tji̧ma cha̧ja̧kwijatö: Ösödö lo̧daduwo inesö ba̧kwawakanö bo̧nöbi, ja̧danö, obeja itji̧danö jo̧nöbi. Dösödodönö, Jwiinö otiwadöja, jwiinö mikwawadöja, jö̧ba̧lö. Jwiinö dewinö dejatadöja, jwiinö juluwadöja, jö̧ba̧lö, dösödodönö, jö̧ba̧lö lo̧tjijatö.