Mateo 5:43 - Dios Iwene

⁴³ Tupakwö yöawinobe Jesúsma: —Yötjawi̧ kwa̧ja̧kwinaduwobe chömöledö, kwömöledö kwipjeanö ju̧kwadönö kwösödo, jo̧kwaijayonö kwöpöjojodönö kwöpöjödo, jö̧ba̧lö yötjawi̧ kwa̧ja̧kwinaduwobe, ¿jö̧tö?

Mateo 5:43 Iomraidhean Croise

Mateo 19:19

kwabe'donöbi, kwojo'donöbi otiwanö omukwataduwi Dios weinabi, ökwödada kwösödakwawi̧danö kwipjeanö ju̧kwadö kwömöledöduwinö ösödaduwi Dios weinabi. Ja̧ Dios weinadanö ja̧bö kwö̧jo— jö̧ba̧lö yöawinobe Jesúsma.

Mateo 5:21

Tupakwö yöawinobe Jesúsma: —Ökwödöma kwa̧ja̧kwinaduwobe da'dödöminenö weinama, jojodönö kwabö lobökönaduwi, ja̧danö, jojonö kwabö loköbitjö̧ma, lȩekwa jo̧be jö̧ba̧lö weinama kwa̧ja̧kwinaduwobe, ¿jö̧tö?

Mateo 5:27

Tupakwö yöawinobe Jesúsma: —Ökwödöma weawa kwa̧ja̧kwinaduwobe, kwi̧lȩkwa̧muböködökwöma ja̧bökönaduwi jö̧ba̧lö laebi̧ weawama, ¿jö̧tö?

Deuteronomio 23:3

—Ja̧danö ju'wibi wetaduwakwö, Amonitas jojodöbi, Moabitas jojodöbi la'akatjöda Isabenö Jo̧ öba a'o ko̧ko̧kwadökwö tjo̧ko̧kokwobö jwitjakobe. La'akatjöda jobadöbi, tji̧tji̧mu tupadanö jojodöbi Isabenö Jo̧ öba a'o ko̧ko̧kwadökwö tjo̧ko̧kokwobö jwitjakobe, idöda tjö'dö̧dö tjö̧'dödötjö tupadanösaso bajaliasaso baibenanö.

Deuteronomio 23:6

Ja̧danö, Amonitas jojodöbi, Moabitas jojodöbi jejenö ökwödönö pjabatökönö, suli̧ tjöwaedobö tjisakwinobetjö̧, la'akatjöda jobadönö pjakataduwobö jwiakobe. La'akatjöda wene jwiinö tjö̧joböma kwisakwaduwoko, ja̧danö la'akatjöda nöinö tjujuna̧loböma kwisakwaduwoko.

Deuteronomio 25:17

—Ju'wibi yötawaduwakwö chömöledö, kwo̧'woduwi jwikibaduwoko, Egiptotjö lakebaduwena Amalecitas jojodö ökwödönö sulabenö ja̧tjinama.

Santiago 2:8

Chö̧ja̧wo̧dö, Dios iwenetjö iteda wei̧ma nöinö laebobe, ökwödö dö̧jobö wei̧ma. Ja̧danö, okobe jwiinö Dios wei̧tjö o̧penönö mikwawi̧ wei̧ma biya̧: Ökwödödada ile nikekwaduwakwawi̧danö kwömöledöduwinö ile nibebö ja̧duwi, jö̧ba̧lö. Isabenö chö̧ja̧wo̧dö, jejenö Dios wei̧ a̧ja̧kwö kwö̧jaduwitjö̧ma otiwanö omukwatö kwö̧jaduwena.

1 Juan 4:21

Chö̧ja̧wo̧dö, Dios wei̧ma biya̧: Ötjönö ösödö ju̧kwadöma tjö̧ja̧wo̧dökwö ösödabikwawö tjö̧jobö jo̧be. Jo̧kwaobetjö̧ chömöledö, ökwödöma dö̧ja̧wo̧dökwö ösödabikwawö dö̧jaduwo.