Mateo 5:40 - Dios Iwene

⁴⁰ Ja̧danö, jelo̧ lȩekwa luwo̧ öba a'otjö kwökamisi 'döebobö isakwitjö̧ma, ja̧bi, wamesado̧bi kwiyonö.

Mateo 5:40 Iomraidhean Croise

Mateo 5:39

Jo̧kwaijayonö, wainö wetaduwakwö chömöledö baikwö: Sulabenö ja̧badönö kwölabikwawaduwoko jö̧ba̧lö. Jelo̧ kwibekasa'wonö 'bȩitjö̧ma, jalachibi bakwachobesa'wobi 'bȩobö, balekwa mikwama jo̧banö 'bȩköboko.

Mateo 5:41

Ja̧danö, guardia jojo itea bakwöta kilómetro kwe'ewobö weitjö̧ma, dötölataja kilómetro öpöjödökönö kwe'ewo.

Lucas 6:29

Ja̧danö, jelo̧ kwibekasa'wonö 'bȩitjö̧ma, jalachibö bakwachobesa'wobi kwi̧sebo, ja'wobi 'bȩobö, balekwa mikwama jo̧banö 'bȩbökönö. Ja̧danö, jelo̧ kwökamijido̧ tiyuwena 'duawado̧ 'döebobö isakwitjö̧ma, ja̧bi, jeledo̧ okwanösado̧bi kwiyonö.

1 Corintios 6:7

Jau chömöledö, Jesúsnö öpöjödadötjö lȩekwa jojodö tjöba a'otjö ja̧nö ökwödö Jesúsnö ösödadö jawa wene yökawaduwenama, kwi̧sebaduwobe, waekwadöja jö̧ba̧lö, Dios ömöledö ja̧bö tjö̧jo jö̧tja̧li̧danö ja̧bö kwö̧jaduwokobetjö̧. Jau chömöledö, kwömöledöso̧ Jesúsnö ösödo̧ ökwönö sulabenö ja̧ijayonö, jo̧kwada jö̧ba̧lö kwo̧'wo̧ 'dibachibö Jesúsnö öpöjödadötjö lȩekwa jojodönö yöbawökönö kwö̧jitjö̧ma, babe ja̧köbi̧tjö o̧penönö otiwo jö̧a̧lena. Ja̧danö, ökwönötjö önaukwijayonö, jo̧kwada jö̧ba̧lö kwo̧'wo̧ 'dibachibö Jesúsnö öpöjödadötjö lȩekwa jojodönö yöbawökönö kwö̧jitjö̧ma, babe ja̧köbaduwi̧tjö o̧penönö otiwo jö̧a̧lena.

1 Corintios 7:36

Ja̧danö, tji̧lȩkwa̧munö debadönö, tupakwö tjemakwawö̧nö yöbawö juninadönö yötawa. Bakwo̧ Aaa, tupakwö bisunö chemocha jö̧ba̧lö yöbawö juninama, jwaikwöda Duluwo̧ wei̧ ja̧bö ö̧jo jö̧ba̧lö, ilekwonö emokobö omukwatena. Jo̧banö baikwö yötawa: Omajadenö omukwati̧danö ja̧obö jo̧be. Aaa, chemakwuju jö̧ta̧lokonö chemökötjö̧ma, jobujunö sulabenö ja̧tena jö̧ba̧lö omukwatitjö̧ma, ilekwo bajibanö emobö jo̧be. Ja̧danö, jobujukwö bakobe baibo jö̧ba̧lö, nöinö jobujunö emobö ösöditjö̧ma, wene jwia, jobujunö emobö jo̧be ilekwo bajibanö. Jejenö emoböma öpöjödö̧kö̧ Diosma chömöledö.