Mateo 5:32 - Dios Iwene

³² Jo̧kwaijayonö, babema baikwö yötawaduwakwö chömöledö: Bakwo̧ iteda ilekwo sulabenö jelo̧kwö jö̧jököjayonö jobujunö kaatibitjö̧ma, jilekwebö̧kö̧kwö jö̧jobö ja̧obe ilekwonö, ja̧danö kaatibinokonö ilekwo bajibanö emo̧ma, jelo̧ ilekwonö ö̧jobe— jö̧ba̧lö yöawinobe Jesúsma.

Mateo 5:32 Iomraidhean Croise

Mateo 5:28

Jo̧kwaijayonö babema jemi bajalekwönönö baikwö yötawaduwakwö ötjöma chömöledö: Sule kwi̧lȩkwa̧muböködökwö kwö̧jitjö̧damaökö, bakwo̧ ilekwobökujunö edö, Aaa, isujunö chö̧jowe, jö̧ba̧lö omukwatitjö̧ma, omajadenö ilekwobökujunö ida̧ökö ö̧jajabe.

Lucas 16:18

Jau chömöledö, isabenö Dios ajayitjöda yöawina mikwawobe, ja'yubebi söbebö loawokobe. Baikwö yötawa: Diosma ajayinö yöawinobe, bakwo̧ ilekwokwöda ö̧jobö jo̧be, jobujunö kabatibökönö, ¿jö̧tö? Jo̧kwajabetjö̧ bakwo̧ iteda ilekwonö kabatibö jelujunö emitjö̧ma, ilekwobökujukwö sulabenö ja̧obe, ja̧danö bakwo̧ jelo̧ kaatibinokonö emitjö̧ma, jelo̧ ilekwokwö sulabenö ja̧obe. Jau chömöledö, ju'wedöma, Aaa, isabenö bakwo̧ ilekwonö kaatibobö otiwa, jö̧ba̧lö yötja̧lijayonö, Dios ajayinö yöa̧linada mikwawobe, ja'yubebi söbebö lobö wainö balewö lotjoböma jwiobe— jö̧ba̧lö yöawinobe Jesúsma.

Lucas 9:30

Ja̧danö, ömadö du̧ju̧taja dewinö dejatadö öwawachö jo̧bakwö yötja̧lakwawinobe, damötjö ji̧nadö Moisésbi, Elíasbi. Jobadöma Jesúskwö yötja̧lakwawinobe ja'yubenö lekwajabetjö Jerusaléntjö baledakwa̧ jawama, Dios badedö ujuninadanö Jesús midawö woakwa̧ jawama.

Lucas 9:35

Ja̧danö ojwio'wotjö Dios iwene ökwöinobe: —Bitema ötjöda Chitji̧, ötjöda omudawö chujunökwema. Jo̧ba yöawi̧ a̧ja̧kwaduwi— jö̧ba̧lö.

Romanos 7:3

Ja̧danö, jilekwe ina ö̧jayi jelo̧nö jemenama, Jilekwebö̧kö̧kwö sulabenö ja̧buju, yötja̧lena jobujunöma. Jo̧kwaijayonö, jilekwenö wobekwinujuma, wene jwibuju, jelo̧nö jemijayonö. Ja̧danö, jilekwenö wojekwinobetjö̧, jelo̧nö jemijayonö, jobujunö yötja̧lökena, Jilekwebö̧kö̧kwö sulabenö ja̧buju, jö̧ba̧lö.

1 Corintios 7:4

Jau chömöledö, ilekwonö jo̧ma, itedamaö̧kö̧ iteba'o luwo̧ma, ilekwoda iteba'o luwujuma, jo̧bakwö bakobe bajibo jö̧ba̧lö, ja̧danö jilekwenö ju̧juma, isujudamaökö jiteba'o luwujuma, jilekweda jiteba'o luwo̧ma, jobujukwö bakobe baibo jö̧ba̧lö.

Deuteronomio 24:2

ja̧danö labebaju, jelo̧nö jemena, jelo̧ ilekwo bajibanö.