Mateo 5:30 - Dios Iwene

³⁰ Ja̧danö, kwömamu, kwöwaisobekwöchobesamu sulabenö Dios weökö jawa ja̧köbobö weitjö̧ma, ja̧mu bulatö loköbo. Jau chömöledö, kwiteba'o jawa jwiinö kwö̧jijayonö o̧penönö otiwena, okobe jwiinö kwiteba'o jawakwö ökwöla nöolanö kwö̧japji jö̧ba̧lö—. Jejenö yöawinobe Jesúsma, okobe jwiinö Dios weökö jawa ja̧köbaduwobö weitjöma 'da̧bachibö kakatibaduwo jö̧ba̧lö.

Mateo 5:30 Iomraidhean Croise

Mateo 11:6

Ja̧danö tupakwö yökawaduwonö Juannö: Aaa, Jesúsma isabenö Dios weinökwe jö̧ba̧lö ötjönö ösödö kabatiböködöma, isabenö tjo̧'wo̧ ösöwanö ja̧dö jö̧ba̧lö— atadinobe Jesúsma.

Mateo 13:21

Jobadöma ajayinö tjo̧'wo̧ ösöwachibanö tja̧ja̧kwijayonö, okwanö söibokobe a̧ja̧kwadö, ja̧danö lekwema ösödöködö. Wene baibena, ja̧danö usula tjemawenama, juluwanö kabatibadö.

Mateo 16:23

Yöa̧lökwe, Jesúsma jalachibö Pedronö yöa̧linobe: —¡'Da̧bachibö da̧ji Pedro!, sulabenö Awetja yöa̧li̧da yöka̧lobetjö̧, ja̧danö jweinö Dios ösödi̧danö chi̧'yapji jö̧ba̧lö tjökeba̧lobetjö̧. Jau Pedro, biya̧ kwomukwati̧ma Diostjö ichökö ji̧, jojodö tjo̧mukwatida— jö̧ba̧lö yöa̧linobe.

Mateo 17:27

Jo̧kwaijayonö bidö jojodö ökwödönö tjöpöjödapji jö̧ba̧lö, o̧pesobube 'ya̧nö, ba̧i̧ lö̧'a̧waji. Ja̧danö, abönö do̧katajökwe ba̧i̧so̧ aa kwalebenama, baladasapi̧ kwöbadekwajakobe. Ja̧ baladasapi̧nö Dios eju jawa impuesto kwimido, ökwöbi, ötjöbi dimido jö̧da̧li̧ma— jö̧ba̧lö jö̧a̧linobe Jesúsma, Pedronö.

Mateo 18:8

Tupakwö yöawinobe Jesúsma: —Jau chömöledö, sulabenö ja̧köbaduwobö ja̧awatjö 'da̧bachibaduwi. Baikwö wanedö yötawa: Kwömamubi, kwömasapabi Dios weökö jawa ja̧köbobö weitjö̧ma, 'wibekwö loköbaduwo. Jau chömöledö, o̧penönö otiwena, kwömamubi 'wibekwo̧, kwömasapabi 'wibekwo̧ Dioskwö ja̧kwawa kwujuna̧laduwobö, kwömamiju domulataja juna̧lo̧, ja̧danö kwömasapiya döpalataja juna̧lo̧ ökwöla nöolabe ba̧kwȩlö̧jatebö ubakwolabe tekachapji jö̧ba̧lö.

Mateo 22:13

Ikenama, la'aka luwo̧ma iteda ömöayedönö weinobe, Bite sulabo̧nö ömamijubi, ömasapiyabi nu'yibö, a̧petube ikwö lobaduwinö, yȩa'wo okwa ba̧nö, budekwabinö o'ye kikiso ja̧bö usula emawo, jö̧ba̧lö weinobe.

Mateo 25:20

Ja̧danö, cinco mil oro ö̧pi̧biya iyinökwema, ichö yöawinobe: Chuluwo̧, cinco mil ö̧pi̧biya kwiyinobe, ja̧danö edi, cinco mil kwiyinatjö, diez mil baibanö chotidajabe, jö̧ba̧lö.

Mateo 26:31

Ikenama Jesúsma iteda öba̧ja̧di̧ waisachadönö yöawinobe: —Chömöledö, makö yö̧te ökwödö okobe deinö ötjönö le'dedibö dökibajaduwakwedöja, Dios iwene laebi̧danö. Baikwö laebobe Dios iwene: Diosma o̧bȩja̧dönö te'ada̧lo̧nö kwabö loakobe, ja̧danö o̧bȩja̧döma wainökwena dötjibajakwedö, jö̧ba̧lö laebobe.

Mateo 5:22

Jo̧kwaijayonö jemi bajalekwönönö baikwö yötawaduwakwö ötjöma chömöledö: Sule kwömöledöso̧nö kwabö loköbitjö̧damaökö, kwömöledöso̧nö kwölabitjö̧bi, lȩekwa jo̧be jö̧ba̧lö. Ja̧danö, kwömöledöso̧nö sulabenö yöka̧litjö̧ma, lȩekwa luwedö tjöba a'o kwö̧jena, ja̧danö kwömöledöso̧nö wajwibo̧ja, mikwawö̧kö̧ja jö̧ba̧lö yöka̧litjö̧ma, ökwöla nöolatjö Dios lȩebakwa̧tjö kwemena, jö̧ba̧lö yötawaduwakwö.

Mateo 5:29

Jo̧kwajabetjö̧ baikwö wanedö yötawaduwakwö chömöledö: Kwöbajale otiwale sulabenö Dios weökö jawa ja̧köbobö weitjö̧ma, jale kelekwö loköbo. Jau chömöledö, kwiteba'o jawa jwiinö kwö̧jijayonö o̧penönö otiwena, okobe jwiinö kwiteba'o jawakwö ökwöla nöolanö kwö̧japji jö̧ba̧lö.

Marcos 9:43

Ina jö̧ba̧lijetö: —Chömöledö wanedö yötawaduwakwö: Kwömamu Dios weökö jawa ja̧köbobö weitjöma ja̧mu bulatö loköbo. Jau chömöledö, bakwamuda jonö Dios La'aka Luwo̧ ö̧jobe kwi̧'yobema domulataja jonö ökwöla la'akatjöda tiibokolabe kwi̧'yemitjö o̧penönö otiwa.

Lucas 12:5

Jelo̧nöda isabenö juluwo̧ Diosnöda yekabiduwobö jo̧be chömöledö. Diosma ökwödö kwiteba'oduwibi kwabö loobö juluwo̧, jo̧kwaijayonö ja̧damaökö. Jau chömöledö, Diosma tupakwöbi juluwo̧. La'aka luwo̧obetjö̧ kwabö lobajo̧ ökwöla nöolabe ikwö looböbi juluwo̧ chömöledö, jo̧kwajabetjö̧ jo̧banöda yekabiduwobö jo̧be, Diosnöda— jö̧ba̧lö yöawinobe.

Lucas 17:2

Jau chömöledö, isabenö jwiinö Dios lȩebakwo̧, jejenö jojodönö sulabenö öbibadönö. Baikwö wanedö yötawa: Jojo u̧lume'anö inawa ömökawa di̧batibö, ojwe okwa o̧ibobö jabö lotjitjö̧ma, nöinö usula emawena, ¿jö̧tö? Jo̧kwaijayonö, jabö lotjökwe usula emawi̧tjö bajalekwönönö yelösöda nöinö usula tjemawakwedö bidö tjemunö sulabenö ja̧tjobö öbibadöma chömöledö. Diosma isabenö labinö lȩebakobe.

1 Corintios 8:13

Jejenöobetjö̧, baikwö yötawaduwakwö chömöledö: Jejenö chu̧kwa kwakwawama chöjawo̧nö töbö meobö ja̧ena jö̧ba̧lö chomukwatitjö̧ma, ja'yubebi itebiya chukwökena wotenanö baibanö, chöjawo̧nö meobö ja̧tapji jö̧ba̧lö.

Gálatas 5:11

Chömöledö, ju'wedöma ötjönö yötjawena, Pablobi yöbawo̧, tjötade bajalesado̧ 'wibekwadöda tjö̧jibakwedö jö̧ba̧lö. Jo̧kwaijayonö jejenö yöbawö̧kö̧sa chömöledö. Isabenö jejenö yötawitjö̧ma, judío jojodötjö usula chemawoko jö̧ta̧lena chömöledö. Ja̧danö, isabenö jejenö yötawitjö̧ma, Jesús towisa'onö midawö woina wene yötawi̧ma judío jojodö tjöpöjödoko jö̧tja̧lena.

1 Pedro 2:8

Ja̧danö jelobe baikwö laebobe Dios iwene: Biwa inawama jojodö töbö metjakwawa baibanö ja̧kobe, jö̧ba̧lö laebobe. Jau chömöledö, jobadö Jesúsnö tjöpöjödijayonö, Diosma jo̧banöda ujuninobe inesö la'aka luwo̧ baibanö, ja̧danö jo̧banö öpöjödadöma Dios lȩebakwawö̧ tjö̧jobe. Jau chömöledö, Dios iwene tjöpöjödinobetjö̧, Jesúsnö öpöjödö töbö metjinobe, iteda iwene öpöjödadö töbö metjobö Dios omukwatö ujuninadanö.