Mateo 5:15 - Dios Iwene

¹⁵ Ja̧danö, jojodö dejewa'yu̧ tjönötedenama, ¿wi̧lȩyu̧ teebe tjujunenaji̧? Junöködö, mesasöte wame junadö, okobe deinö o̧do okwa ju̧kwadö otiwanö tjedobö, ¿jö̧tö?

Mateo 5:15 Iomraidhean Croise

Éxodo 25:37

Ja̧danö öjabiya ji̧na bajale bakwöjakwena o̧'di̧ju̧ ja̧kobe, okobe jwiinö jelemutjö do'do̧latajanö, o̧tesobu okwakwa̧ o̧'di̧ju̧. Ja̧ o̧'di̧ju̧tjö̧ jȩko̧ okwa dewinö dejatakobe ubemi badeibö.

Marcos 4:21

Ikenama ju'wi wanedö yöawakwawa yöbawijetö: —Ju'wi wanedö yötawa. La̧pa̧la̧yu̧ nötediböma ¿isapjonö mu'dudö kwujuna̧lenaji̧, okwa baibanö? Ja̧danö nötediböma ¿kamapjo teebe kwujuna̧lenaji̧? Jejenömaökö. Mö junawa la̧pa̧la̧yu̧ junawötenö, otiwanö dewinö öwawakobetjö̧.

Lucas 11:33

Tupakwö wanedö yöawinobe Jesúsma jojodönö: —Chömöledö, bakwo̧ dejewa'yu̧ önötedenama, nötedajo̧ ¿dejewa'yu̧ tojö ujunenaji̧? ¿Wi̧lȩyu̧ teebe ujunenaji̧? Ja̧maökö chömöledö, mesasöte wameda ujunena, okobe deinö o̧do okwa ju̧kwadö otiwanö tjedobö, ¿jö̧tö?

Lucas 8:16

Ju'wibi Jesúsma wanedö yöawinobe: —Chömöledö, bakwo̧ dejewa'yu̧ önötedenama, ¿wi̧lȩyu teebe ujunenaji̧? ¿Kamapjo teebe ujunenaji̧? Ja̧maökö chömöledö. Mesasöte wameda ujunena, okobe deinö o̧do okwa ju̧kwadö otiwanö tjedobö, ¿jö̧tö?

Filipenses 2:15

ökwödöma wene jwiinö, ja̧danö sulabe jwiinö böjȩnö kwö̧jaduwakobetjö̧. Jau chömöledö, ökwödöma sulabedö tjö'da̧detjö, jwaikwöda sulabenö ja̧badö tjö'da̧detjö kwö̧jaduwijayonö, Dios i̧tji̧mu sulabe jwibadö kwö̧jaduwo. Jau chömöledö, wanedö yötawa, böjȩ jojodö tjö'da̧de ja̧nö, ökwödöma dejewa'yu̧ ubi̧danö kwidejataduwo,

Hebreos 9:2

Ja̧danö jejuma, okwi'iju junabinö, isa̧di̧ju debatö tjotidineju. Ja̧danö, dȩko̧lataja ji̧nö tjöekwineju. Ajayisȩko̧, Inesösȩko̧, jö̧ba̧lö, ötjabinȩko̧. Jȩko̧nö la̧pa̧la̧yu̧ junawa ji̧nobe. Ja̧danö, mesasötebi ji̧nobe, pan ö̧pji̧ya tjöwanöte, Diosnö tjiyi̧ pan. Jȩko̧, inesösȩko̧nöma okobe deinö teachakwawökȩko̧. Sule Diostjö jojodötjö ö'weje pjabatadöda tebachiatjinobe.

Apocalipsis 2:5

Ja̧danö chömöledö, babe kwomukwataduwi̧ kabatibö balewachaduwi, ajayi otiwanö omukwatö kwö̧jinaduwadanö, ötjönö jwiinö ile nibebö kwö̧jaduwo. Jejenö kwomukwataduwi̧ kwöbalewachaduwökötjö̧ma ötjöma kwö̧jaduwobekwö ichö, la̧pa̧la̧yu̧ junawa'do̧ma emibö tje'ewi̧danö che'ewakwo̧sa, ökwödönö lȩbebö.