Mateo 4:24 - Dios Iwene

²⁴ Jejenö ja̧iawö̧, ba̧jekwadö tja̧ja̧kwinobe jo̧banöma, ja̧danö Siria niji bakwameachibanö jojodöbi jo̧banö tja̧ja̧kwinobe. Jo̧kwajabetjö̧, jo̧ba ö̧jobekwö tje'ewinobe okobe jwiinö tjö'wöchi̧tenia ja̧danö nitji̧tenia usula emawadönöbi, ja̧danö tjo̧'wo̧ luwo̧nö sulabedönö juna̧ladönöbi, ja̧danö nijinö mebö 'dö̧bachabidönöbi, ja̧danö 'wabadönöbi. Jejenö tjichejebiökwe, Jesúsma okobe deinö jobadönö tjö̧bibajinö otidö loinobe.

Mateo 4:24 Iomraidhean Croise

2 Samuel 8:6

Ikenama, juluwajo̧, Damasco comunidadtjö iteda ömöayedö ölakwabikwawa jojodö tju̧ju̧kwemi ujuninobe, siria jojodönö wetjobö. Jo̧kwajabetjö̧ jobadö siria jojodöbi David ömöayedö batjibinobe, o̧bakwena tjiteatjö Davidnö midadö batjibanö. Okobe jwiinö David ölakwabikwawö ö̧ji̧ma, Isabenö Jo̧ma Davidnö pjaatinobe, ja̧danö okobe deinö öpöjojodönö ujuluwobö weinobe.

1 Reyes 10:1

Ja̧danö, Saba niji inesö la'aka luwujuma Salomonnö ja̧ja̧kwinobe, —Isabenö Jo̧ pjaatökwe, jwiinö waisanö omukwato̧ Salomonma, —jö̧ba̧lö. Jejenö a̧ja̧kwaju, Salomon ö̧jobekwö israel nijibe jichinobe, waiyi̧ aekwa jo̧banö abebö ja̧ja̧kwobö, Salomon isabenö waisanö atadakwojobö jö̧balö.

1 Reyes 4:31

Ezraita jojo Etan mikwo̧bi, Majol itji̧mu Heman mikwo̧bi, Calcol mikwo̧bi, Darda mikwo̧bi, okobe deinö yötja̧linawö̧, inesö waisanö omukwatadö, jö̧ba̧lö, jo̧kwaijayonö jobadötjöbi bajalekwönönö waisanö omukwato̧ ö̧jinobe Salomonma. Ja̧danö, jejenö waisanö omukwato̧ ö̧jiawö̧, okobe deinö israel niji ö'öbötenia tjitebotenia jojodöma, Salomonnö tja̧ja̧kwinobe, —Inesö jwiinö waisanö omukwato̧ma, Salomonda, —jö̧ba̧lö.

1 Crónicas 14:17

Ja̧ baledaja̧ wene tja̧ja̧kwinobe tjitebokwena jojodöma, ja̧danö a̧ja̧kwajadö yetjabinobe, —Davidma isabenö juluwo̧tö, —jö̧ba̧lö. Ja̧danö, Davidnö pjabatö, Isabenö Jo̧ma weinobe, okobe deinö tjitebokwena jojodönö Davidnö yetjabobö.

1 Crónicas 29:2

Jo̧kwajabetjö̧, pjatatobö chujuna̧li̧danö, okobe jwiinö o̧do jawa cho̧ko̧ko̧dobö chisakwajabe chömöledö, otiwanö chösödökwe Dios eju otidakobetjö̧. Orotjö otikwa jawa orotjö otidakobetjö̧, oro cho̧ko̧kodajabe. Ja̧danö platatjö otikwa jawa platatjö otidakobetjö̧, plata jawa cho̧ko̧kodajabe. Ja̧danö broncetjö otikwa jawa broncetjö otidakobetjö̧, bronce jawa cho̧ko̧kodajabe. Ja̧danö 'dii jawatjö otikwa jawa 'dii jawatjö otidakobetjö̧, 'dii jawa cho̧ko̧kodajabe. Ja̧danö towi o'obiyatjö otikwa jawa towi o'obiyatjö otidakobetjö̧, towi o'obiya cho̧ko̧kodajabe. Ju'wibi nöinö inawiya jawa onice jawabi, ju'wi mikwawi̧ inawiyabi, ju'wi inawiya jawabi, marmol ötjabi̧ inawiya jawabi 'da̧batö chujunajabe, ja̧ jawatjö otiwanö otidakobetjö.

Éxodo 15:26

yöba̧lijetö jobadönö: —Ötjöma Isabenö Jo̧sa, ökwödö kwuluwo̧duwi Diossa. Ökwödöma ötjö yötawi̧ma tjöbeba̧lakwawö a̧ja̧kwö kwö̧jaduwitjö̧ma, ja̧danö, ötjö jweinö omukwatö kwö̧jaduwobö chösödi̧danö ja̧bö kwö̧jaduwitjö̧ma, ja̧danö ötjö weti̧ tjöbeba̧lakwawö omukwatö, ja̧ weawa a̧ja̧kwö kwö̧jaduwitjö̧ma la'akatjöda Egipto jojodönö wotjinö lȩtebinadanöma lȩtebökakobe ökwödönöma. Kwo̧'wo jwikibaduwoko. Ötjödasa Isabenö Jo̧ma, ökwödö kwö'wöchaduwiökönö otiwanö bakibaduwinö pjabato̧sa—yöba̧lijetö Isabenö Jo̧ma Israel jojodönöma.

Mateo 12:22

Jemi ikenama, ju'wedö bakwo̧ o̧'wo̧ luwo̧nö sulabo̧ ö̧jökwenö tjichejebinobe Jesús ö̧jobekwö, sulabo̧ ö̧jiökwe öbajale tjewawo̧, ja̧danö yöba̧lö̧kö̧. Jesúsma jo̧banö otidö loinobe, ja̧danö otidö loaja̧ ikenama edöbi edinobe, ja̧danö yöba̧löbi yöa̧linobe.

Mateo 14:1

Galilea nijitjö la'aka luwo̧ Herodes mikwo̧ma Jesúsnö a̧ja̧kwinobe, ja̧danö Jesúsnö a̧ja̧kwenama,

Mateo 15:22

Jobe kweachonö, bakwuju judío jojobökuju, cananea jojosuju jobe jö̧juma, Jesús ö̧jobekwö ichö jo̧banö jwöjinobe: —David itji̧ tupadanö jojo, lȩlö̧jinö edö pjakatobö ateba. Chitjijuma jo̧'wo̧ luwo̧nö sulabo̧ ö̧joko nöinö usula emawuju— jö̧ba̧lö jwöbeba̧lö ajebinobe.

Mateo 17:15

—Chuluwo̧, chitji̧nö lȩlö̧jinö edö pjabati. Jo̧bama nöinö mebö bulukanö 'dö̧bachibö usula emawo̧, ja̧danö ju'wikwenama ökwölanöbi mebo̧, ja̧danö ju'wikwena ojwe okwa mebo̧ chitji̧ma.

Mateo 17:18

Ikenama, Jesúsma tjemu o̧'wo̧ luwo̧nö sulabo̧nö weinobe, tjemutjö laebobö, ja̧danö laebenama, juluwanö otiwanö baibinobe tjemuma.

Mateo 4:23

Galilea niji bakwameachibanö kweachinobe Jesúsma. Judío jojodö ba̧nö tja̧ja̧kwa̧lejubiya tebachiabö öba̧ja̧dinobe, ja̧danö otiwa jawa wene yöbawö kweachinobe, Dios la'aka luwo̧ ö̧jakwa̧ jawa wenema, ja̧danö okobe jwiinö jojodö tjö'wöchi̧, ja̧danö tjime'dawi̧ otidö loinobe.

Mateo 8:28

Jesúsma o̧pesobu bakwachobe ichibinobe, gadarenos niji ötjabobe. Jobe ichibenama, du̧ju̧taja tjo̧'wo̧ luwo̧nö sulabedönö juna̧ladöma i̧lȩdi̧ju wobiako i̧lȩdi̧jutjö latjebinobe. Jobadöma wobiakonö tjö̧jinobe, ja̧danö okobe deinö yetjabiwö̧ tjö̧jinobe, okobe deinö jobe baledadönö labinö metjiba̧lobetjö̧.

Mateo 8:33

Jejenö baibiawö̧, ku̧si̧dönö te'ada̧ladöma jobetjö dötjibajinobe, jobetjö yöne comunidadbe, ja̧danö okobe deinö jojodönö yötjawinobe tjo̧'wo̧ luwo̧nö sulabedönö juna̧lajadönö baledaja̧ma.

Mateo 8:6

—Chuluwo̧, chömöayo̧ma chejubetjö nöinö ö'wöchobe. Kamapjonöda 'dö̧bachö usula emawö bo̧. ¿Pjakatakwa̧ji̧?— jö̧ba̧lö aebinobe.

Mateo 9:26

Ja̧danö, ja̧ ja̧ina wenema okobe jwiinö tjitebo bakwameachibanö jojodö tja̧ja̧kwinobe.

Mateo 9:35

Jesúsma okobe jwiinö ja̧ niji bakwameachibanö kweachinobe, okobe jwiinö jobe comunidadtenia 'ya̧nö. Ba̧nö tja̧ja̧kwa̧lejutenia ba̧jadö, ja̧danö jelobetenia yöbawö kweachinobe, otiwa jawa wene Dios la'aka luwo̧ ö̧jakwa̧ jawa wene yöbawö, ja̧danö okobe jwiinö tjö'wöchi̧, ja̧danö usula tjemawi̧ otidö loinobe.

Marcos 1:28

Ikenama, ju'wedöbi ju'wedöbi Jesús otidaja̧ yöba̧lakwawijadötö. Ja̧danö, juluwanö okobe deinö Galilea niji ju̧kwadöma ja̧ yötja̧lakwawi̧ a̧ja̧kwijadötö, Jesúsnö yötja̧lakwawi̧ma.

Marcos 1:32

Ikenama, yi̧bena, ja̧wo̧ ida̧ökö meaja̧ tupakwö, jobe nijinö ju̧kwadöma, Jesús otidaja̧ yötjawi̧ a̧ja̧kwajadö, ba̧jekwadö tjömöledö ö'wöchadönöbi, tjo̧'wo̧ luwo̧nö sulabo̧ öjawö̧nöbi ichejebijadötö Jesús ö̧jobekwö.

Marcos 2:3

Ja̧danö, Jesús jobe ja̧nö yöawonö ju'wedö ichijadötö, ö'wejemu luwama, 'wabo̧nö, wa̧kwawapjonö ö̧wonö e'ewö ichejebadöma.

Marcos 2:4

E'ewö ichajadöma, jojodö ba̧jekwadö tjuju̧kwobetjö̧ Jesús ö̧jobekwö tetjachoböma jwiijetö. Jejenö jwiiawö̧ Jesús ö̧jeju wa̧pekwejube mö nöchijadötö. Nöchajadö wa̧pekwejubenö sobö 'da̧bebijadötö o̧do okwa tjichibobö. Sobö 'da̧bebajadöma, ida̧ökö okwa ichibanö sobö 'da̧bebajadö, 'wabo̧nöma, 'wa̧kwawapjonö ö̧wonö jwibatijadötö o̧do okwa, Jesús ö̧jena.

Marcos 2:9

Ja̧danö, jobadönö jö̧ba̧lijetö: —A̧ja̧kwaduwitjö. Bite 'wabo̧nö jö̧ta̧li̧ma, ökwö kwo̧'wo̧ luwo̧nö kwusuli̧ma söbebö lotakwö, jö̧ba̧lö, jö̧ta̧li̧ma, jweinö jö̧ta̧latö. Ötjöma tjo̧'wo̧ luwo̧nö tjusuli̧ söbebö loawama ¿wajwitiji̧? Waiyökökwesa. Ötjöma, Kwo̧'wo̧ luwo̧nö kwusuli̧ söbebö lota, jö̧ta̧li̧danö baibobe. Waiyökökwesa. Babema ju'wi yöta̧laduwakwö. Jo̧ba 'wabo̧nö a̧laibö wa̧kwawapjo emibö da̧ji, jö̧ta̧lena jweinö baibobe kwedaduwakwedöja. Ötjöma jojodönö otiwanö batjibobö otidö loawama ¿wajwitiji̧? Ja̧bi waiyökökwesa yöta̧la. Jö̧ta̧li̧danö baibobe, otiwanö baibanöma— jö̧ba̧lijetö Jesúsma Moisés iwȩyudina yöbawadönöma.

Lucas 2:2

Jejenö weiawö̧, okobe deinö bakwo̧nökwena tja'dödömine tjitebobekwena tji̧'yinobe tjiwȩyukwobö. Ja̧ tjiwȩyukwinama, ajayinö tjiwȩyukwina, Quirinio mikwo̧ma Siria nijibi, José itebo Judea nijibi gobernador ö̧jayi.

Lucas 4:14

Jemi ikenama Jesúsma Galilea nijibe ȩwa̧jinobe, ja̧danö Dios O̧'wo̧ Luwo̧ ujulunö jojodönö yöawinobe. Judío jojodö ba̧nö tja̧ja̧kwa̧lejutenia techaiabö yöawinobe Jesúsma, ja̧danö isabenö otiwanö yöawobetjö̧, yöawi̧ a̧ja̧kwö okobe deinö jo̧banö otiwanö yötja̧lakwawinobe, isabenö Jesúsma otiwanö yöbawo̧, jö̧ba̧lö. Jejenö Galilea niji bakwameachibanö, ja̧danö jobe ö'öbö niji bakwameachibanö jojodö jo̧banö tja̧ja̧kwinobe.

Lucas 4:38

Jemi ikenama, ba̧nö tja̧ja̧kwa̧lejutjö labebajo̧ma, Jesúsma Simón eju okwa teachinobe, ja̧danö jobetjö bakwujunö öbadekwajinobe, nöinö nia'o tjö̧bawö 'dö̧bachujunö, Simón öja'unö. Okobe deinö jejunö ju̧kwadöma jo̧banö atjebinobe jö'wöchi̧ otidö loobö.

Lucas 5:15

Ajayitjö bajalekwönönö ba̧jekwadö jojodöma Jesúsnö tja̧ja̧kwinobe, jo̧kwajabetjö̧ yelösöda ba̧jekwadö jojodöma jo̧ba yöawi̧ tja̧ja̧kwobö tjichinobe, ja̧danö tjö'wöchi̧ Jesús otidö loo jö̧ba̧lö tjichinobe.

Lucas 5:24

Ja̧maökö, usula söbebö lotobö chujulu jwititjö̧ma, 'wabo̧ ö̧ji̧ otidö lotoböbi chujulu jwitena. Jo̧kwaijayonö, baikwö chi̧sebaduwakwö, ötjö jojo baibanö jeminökwema, isabenö tjusula söbebö lotoböbi juluwo̧sa— jö̧ba̧lö yöa̧linobe Jesúsma, ja̧danö jö̧ba̧lajo̧ jalachibö 'wabo̧nö weinobe: —A̧laibi. Wa̧kwawapjo do̧latibö e'ewibö da̧ji— jö̧ba̧lö.

Lucas 7:17

Ja̧danö, ja̧ Jesús wobajo̧nö tjeatajina wenema Judea niji bakwameachibanöbi, Judea niji tupakwöbi jojodöma yötjawinobe.

Juan 10:21

Ja̧danö ju'wedöma jejenö tjomukwatinokobe. Jö̧tja̧linobe: —Awetja ömöayo̧ teachibinökökwe. Awetja ömöayo̧ teachibinökwema jejenö yöba̧lö̧kö̧. Ja̧danö, Awetja ömöayo̧ teachibinökwema ¿öbajale tjewawökwe otiwanö edobö otidö loenaji̧? Jejenö otidö lobö̧kö̧ Awetja ömöayo̧ teachibinökwema— jö̧tja̧linobe judío jojodötjö ju'wedöma.

Hechos 10:38

Ja̧danö, kwöwaisaduwa Diosma webijetö iteda O̧'wo̧ Luwo̧nö Jesús, Nazaretnö da̧peachinakwö ö̧jobö. Ujulubi iyijetö Diosma Jesúsnöma. Ja̧danö, Diosma Jesúskwö ö̧jobetjö̧, Jesúsma okobe jwiinö i̧'yobema otiwanö pjabatö 'yi̧jetö. Otiwanö otidiabijetö okobe deinö Awetja sulabenö ja̧inawö̧nöma, Diosma jo̧bakwö ö̧jobetjö̧.

Hechos 15:23

Jobadöma kwialusöja e'ewijadötö Antioquíabe, judío jojodöböködö Jesúsnö ösödadönö iyö. Jöja kwialusöjama baikwö wȩyudö laebijetö: —Dokwa dömöledö. Ökwödöma, kwömöledöduwi Jerusalénnö ju̧kwadöma, Jesús webawedökwö, Jesúsnö ösödadönö te'ada̧lakwawa jojodökwö ökwödönö diwȩyuda böja kwialusöjama. Ökwödönö, judío jojodöböködö Jesúsnö ösödadönö, Antioquíanö ju̧kwadönöbi, Sirianö ju̧kwadönöbi, Cilicianö ju̧kwadönöbi diwȩyuda.

Hechos 15:41

Ikenama Pabloma, Silaskwö Siria nijibi, Cilicia nijibi kwebachö 'yi̧jetö. Jobe ju̧kwadönö, Jesúsnö ösödadönöma yöbawö pjabatijadötö, juluwachibanö tupakwö tji̧'yobö, tjo̧'wo̧ luwo̧ jawama.

Hechos 28:9

Ja̧ baibaja̧ yötjawobe a̧ja̧kwö jobe ju̧kwadö ö'wöchadöma Pablo ö̧jobekwö 'ya̧jadö tjichijatö. Ichajadönö Pabloma otidö loijatö, otiwanö tjö̧jibinö ja̧bö.

Hechos 8:7

Felipema ba̧jekwadönö tjo̧'wo̧ luwo̧nö sulabedönöma jwötjeba̧linö a'dewö loiawö̧ ösödijadötö. Ja̧danö, ju'wedönö, ba̧jekwadönö 'wabadönöbi, kwebachöködönöbi otidijetö otiwadö batjibanö.

Josué 6:27

Ja̧danö, ja̧ möle baledi̧natjö̧, öwaetjöda öwawinobe, Isabenö Jo̧ma Josuekwö jo̧ jö̧ba̧lö. Ja̧danö niji ba̧kwemeachibanö jojodöma Josuenö tja̧ja̧kwinobe, Isabenö Josuema juluwo̧, jö̧ba̧lö.