Mateo 4:20 - Dios Iwene

²⁰ Jejenö yöawiawö̧, juluwanö maya kabatibö, jo̧bakwö tji̧'yinobe.

Mateo 4:20 Iomraidhean Croise

1 Reyes 19:21

Weökwe, Eliseoma tjebachajö, ajwi̧mu pakayadö du̧ju̧tajanö kwabö lobö, sobö otikwaka towi ösötebiya juwö, itebia söinobe. Jobe ju̧kwadö tjukwobö iyinobe, ja̧danö iyajawö̧, tjukwinobe. Ikenama a̧la̧ibö, Eliaskwö i̧'yinobe, ömöayo̧ baibanö.

Mateo 10:37

Chömöledö, ötjö chöba̧ja̧di̧ waisachadö inesö tjösödo jö̧tja̧lökwema ötjödasa, jo̧kwajabetjö̧ ötjönö tjösödi̧tjö bajalekwönönö tjabe'donöbi, tjojo'donöbi ösödadöma, ötjö chöba̧ja̧di̧ waisachadö tjö̧joböma mikwawöködö, ötjödasa inesö tjösödo jö̧tja̧lökwechobetjö̧. Ja̧danö, ötjönö tjösödi̧tjö bajalekwönönö tjitji̧nöbi, tjitjijunöbi ösödadöma, ötjö chöba̧ja̧di̧ waisachadö tjö̧joböma mikwawöködö, ötjödasa inesö tjösödo jö̧tja̧lökwechobetjö̧.

Mateo 19:27

Ikenama Pedroma abebö a̧ja̧kwinobe: —Ökwödö kwöba̧ja̧di̧ waisachadöma okobe jwiinö dujuna̧lina junibö ökwökwö lubibö dichajabe, ¿jö̧tö? Jejenö ja̧diökwe, ¿taji iyakwa̧daja̧ Diosma ökwödönöma?— jö̧ba̧lö.

Mateo 4:19

Jobadönö edö, Jesúsma yöawinobe: —Ötjö chökömanö ichaduwi. Ja̧danö babe ba̧i̧ emö maya jwobö kwotidaduwi̧danö, jojodönö jwobadö bakibaduwanö ja̧takwo̧sa— jö̧ba̧lö yöawinobe.

Mateo 4:21

Jemi tupakwö kwebachö, ju'wedö ömadö du̧ju̧tajanö edinobe, Zebedeo i̧tji̧mu Jacobo mikwo̧nöbi, Juan mikwo̧nöbi. Tjabe'dokwö isowinö la̧nö, maya di̧'yadönö edinobe. Jobadönöbi jwöinobe,

Lucas 5:11

Jemi ikenama, o̧pesobu ö'öbönö tjölamatenama, jobadöma okobe jwiinö tjujuna̧li̧ lödibö Jesúskwö tji̧'yinobe, Jesús öba̧ja̧di̧ waisachadö batjibanö.

Gálatas 1:16

Ja̧danö, Dios ösödenama, iteda itji̧ Jesúsnö i̧sebinobe ötjönöma, judío jojodöböködönö Jesús jawa wene yötawo jö̧ba̧lö. Jejenö baibenama, jojodökwödama yöta̧lakwawijökötö, chotidakwa̧ chöwaiso jö̧ba̧löma,