Mateo 4:19 - Dios Iwene

¹⁹ Jobadönö edö, Jesúsma yöawinobe: —Ötjö chökömanö ichaduwi. Ja̧danö babe ba̧i̧ emö maya jwobö kwotidaduwi̧danö, jojodönö jwobadö bakibaduwanö ja̧takwo̧sa— jö̧ba̧lö yöawinobe.

Mateo 4:19 Iomraidhean Croise

Mateo 16:24

Ikenama Jesúsma iteda öba̧ja̧di̧ waisachadönö yöawinobe: —Chömöledö, baikwö wanedö yötawa: Bakwo̧ ötjö chöba̧ja̧di̧ waisacho̧ baibobö ösöditjö̧ma, iteda ösödi̧ jawa junibö, iteda woakwa'o towisa'o kabebö, ötjö chökömanö ichobö jo̧be.

Mateo 19:21

Aebökwe Jesúsma jo̧banö yöa̧linobe: —Bakwainö otiwanö bakibobö jö̧ka̧litjö̧ma, okobe jwiinö kwujuna̧li̧ iyö lobö, jwibadönö ja̧ balada kwiyo, mölejȩbetjö nöinö mikwawi̧ jawa mölejȩbetjö kwujuna̧lakobetjö̧. Ikenama, jejenö iyö lobajo̧, chökömanö kwicho chöba̧ja̧di̧ waisacho̧ baibanö— jö̧ba̧lö yöawinobe.

Mateo 4:18

Jesús o̧pesobu Galilea mikwobu ö'öbönö kweachemi, ömadö du̧ju̧taja ba̧i̧ jwobadönö edinobe, Simón ju'wi imi Pedro mikwo̧nöbi, öjawo̧ Andrés mikwo̧nöbi. Jobadöma maya jwobö tjotidinobe, ja̧danö maya jwotjobe edinobe.

Mateo 4:20

Jejenö yöawiawö̧, juluwanö maya kabatibö, jo̧bakwö tji̧'yinobe.

Mateo 8:22

Jo̧kwaijayonö, jejenö yöa̧lökwe Jesúsma atadinobe: —Ö'wö babibajadönö o̧tjawama woba jojodö tjo̧tji̧. Ökwöma babeda chökömanö kwicho— jö̧ba̧lö atadinobe Jesúsma.

Mateo 9:9

Jobetjö labeibö Jesúsma kweachinobe, ja̧danö jelo̧ Mateo mikwo̧nö edinobe, la'aka luwo̧ itea balada impuesto ötjabi̧ balada emajibo̧nö. Mateo otidobe mesasötenö ö̧bobe edinobe, ja̧danö Jesúsma Mateonö weinobe: —Ötjö chökömanö ichi, chöba̧ja̧di̧ waisacho̧ baibanö— jö̧ba̧lö. Jejenö weökwe, Mateoma a̧laibö Jesús ökömanö ichinobe.

Marcos 2:14

Ikenama jobetjö ȩwa̧jö, Jesúsma Alfeo itji̧, Leví mikwo̧nö edijetö, la'aka luwo̧ balada emajitjena bo̧nö. Jo̧bama la'aka luwo̧ balada emajiena otido̧. Jo̧banö edö jwöbijetö: —¡Ötjökwö ichi!— jö̧ba̧lö jwöbijetö. Jejenö jwöökwe Levíma a̧laibö 'yi̧jetö Jesúskwö.

Lucas 5:27

Jobetjö labeibö, Jesúsma kweachinobe, ja̧danö kwebachö bakwo̧nö Leví mikwo̧nö edinobe, la'aka luwo̧ itea balada impuesto ötjabi̧ balada emajibo̧nö. Leví otidobe edinobe mesasötenö bo̧nö. Jo̧banö edö, Jesúsma Levínö jwöinobe: —Ötjö chöba̧ja̧di̧ waisacho̧ bakibanö ichi— jö̧ba̧lö.

Lucas 9:59

Jelo̧nö Jesúsma yöa̧linobe: —Chökömanö ichi— jö̧ba̧lö, jo̧kwaijayonö yöa̧lökwe atadinobe: —Chuluwo̧, ina chichökena, chabe'donö o̧tjö̧ kabatajo̧da kwökömanö chichocha— jö̧ba̧lö.

Juan 1:43

Ju'wi dewachö, Jesúsma, Aaa, Galileabe chi̧'ya, jö̧ba̧lö omukwatajo̧ i̧'yinobe, Galileabe. 'Ya̧jo̧, Felipe mikwo̧nö öbadekwajinobe. Badekwajö Felipenö yöawinobe: —Ötjökwö ichi chömöayo̧ bakibo— jö̧ba̧lö.

Juan 12:26

Ja̧danö, ötjö chöba̧ja̧di̧ waisachadö tjö̧jo jö̧ba̧ladöma ötjökwö tjichobö jo̧be. Jejenö, ötjö chö̧jobema chöba̧ja̧di̧ waisachadöbi tjö̧jakwedö. Ja̧danö, Chabe'do Diosma ötjö chöba̧ja̧di̧ waisachadönö edö, Bidöma jwiinö mikwawadö, jö̧ba̧lö, omukwatakwawö̧— yöawinobe Jesúsma.

Juan 21:22

—¿Tajawedö jejenö abebö kwa̧ja̧kwada? Ökwö jawamaökö Pedro. Yemidanö chichenama, ite Juanma, ina ö'wö baibökönö ö̧jobö chösöditjö̧ma jejenö ja̧tena. Jo̧kwaijayonö ja̧ma ökwö jawamaökö. Ötjökwö ichi. Di̧'yaduwo— jö̧a̧linobe Jesúsma Pedronöma.

2 Corintios 12:16

Jau chömöledö, ökwödötjö ju'wedöma yöka̧laduwena, Pabloma ökwödönötjö eminokobe baladama itedada, jo̧kwaijayonö doma'apekwönö ditea emotö jö̧ba̧lö omöna yöa̧linobe Pabloma jö̧ba̧lö.