Mateo 3:16 - Dios Iwene

¹⁶ Jesúsnö ojwenö ubu̧dataja̧ ikena, ojwetjö a̧laibinobe Jesúsma, ja̧danö a̧laibenama, möleje po̧ekwachibobe edinobe, ja̧danö mö köba̧lo̧ yunuku jwiachi̧danö Dios O̧'wo̧ Luwo̧ jwibachö Jesúsnö öjamatobe edinobe.

Mateo 3:16 Iomraidhean Croise

Isaías 11:2

Jau, Isai itji̧ David itji̧ tupadanö jojoma yemidanö israel la'aka luwo̧ ö̧jakobe, ja̧danö Isabenö Jo̧ O̧'wo Luwo̧ma isabenö jo̧bakwö ö̧jakwo̧. Ja̧danö, Dios O̧'wo Luwo̧ jo̧bakwö ja̧nö, okwa jawa waisanö omukwatobö pjaatakobe, ja̧danö otiwanö otidakwa̧ yöbawö, inesö ujulu jo̧banö iyakobe, ja̧danö otiwanö Isabenö Jo̧nö öwaisobö pjaatakobe, otiwanö yebabinö Isabenö Jo̧nö ösödakobetjö̧.

Isaías 42:1

Baikwö laebobe Dios yöa̧li̧ma: Bitema ötjöda omudawö chujuninökwe chömöayo̧, ujuluwachibanö pjatjatökwema. Jo̧bama ötjö ile 'di̧tebökwe. Jo̧banö chiyajabe ötjöda Cho̧'wo Luwo̧nö, ja̧danö jo̧bama jweinö lȩebo jö̧a̧li̧danö lȩebakwo̧ tjitebotenia jojojodönö.

Isaías 59:21

Ju'wibi yöawobe Isabenö Jo̧ma: Ja̧danö, ötjöma jobadö tjö̧jibinö pjatatajawö̧nö isabenö pjatatakwa̧ wene yöbawö chujunakwo̧sa, baikwö: Ökwödökwö jo̧ cho̧'wo luwo̧ma, la'akatjöda kwö̧jaduwelö laebökakwo̧. Ja̧danö ötjö yötawi̧, yöka̧laduwobö chiyaja̧ chiwenema, ba̧kwelöjatebö yöba̧lö kwö̧jaduwakwedöja, ja̧danö kwitji̧muduwibi ba̧kwelöjatebö yöba̧lö tjö̧jakwedö, ja̧danö tji̧tji̧mu tupadanö jojodöbi ba̧kwelöjatebö chiwene yöba̧lö tjö̧jakwedö. Bemi tupakwö, ba̧kwelöjatebö 'dö̧ibajökönö, jobekwö yöba̧lö kwö̧jaduwakwedöja, jö̧ba̧lö yöawobe Isabenö Jo̧ma.

Isaías 61:1

Isabenö Jo̧ O̧'wo̧ Luwo̧ma ötjökwö jo̧, Isabenö Jo̧ Diosda ötjönö omudawö ujuninobetjö̧, otiwa jawa wene usula jojodönö yötawobö. Ötjönö weinobe, tjo̧'wo tjo̧bekwö ju̧kwadönö tjo̧'wo ösöwachibanö pjatatobö, ja̧danö ölakwabikwawö juluwajö do̧tja̧tajawönö tjetjatakwa̧ yötawobö, ja̧danö ka̧lena ba̧jadönö ka̧lenatjö tjö̧jibakwa̧ wene yötawobö.

Marcos 1:10

Ojwenö ubu̧datajökwe Jesúsma ojwe okwatjö a̧laibö möakwö pöbamö edemi mölejȩ po̧ekwachibobe edijetö. Mölejȩ po̧ekwachibobetjö iteda ö̧jobekwö Dios O̧'wo̧ Luwo̧, mö köba̧lo̧ yu̧nu̧ku̧ meibi̧danö, itenö öwamatobö meibobe edijetö.

Juan 1:51

Ina yöawinobe okobe deinö: —Isabenö yötawaduwakwö. Ju'winö mölejȩ po̧ibobe kwedaduwakobe. Ja̧danö, Dios ömöayedö ángelesdönö kwedaduwakobe, mölejȩbetjö böjȩkwö jwibachadönöma. Ja̧danö, böjȩtjö mölejȩbekwö kabekwachajadönöbi kwedaduwakobe. Ja̧danö, jobadö ángelesdö böjȩkwö ichö, ötjönö mebibö jamatadönö kwedaduwakobe. Ötjönö, jojo baibanö jeminökwenö mebibö jamatadö ángelesdönö kwedaduwakobe— jejenö yöawinobe Jesúsma jo̧bakwö ichinadönöma.

Juan 3:34

Ja̧danö, Dios weinökwema Dios iweneda yöbawo̧. Ja̧danö, Diosma iyijetö weinökwenö iteda O̧'wo̧ Luwo̧nöma, jo̧ba ujulu okobe jwiinö iyö.

Hechos 7:56

Ikenama Estebanma jö̧ba̧lijetö: —Edi. Mölejȩ kȩachajobe chedemi jojo baibanö jeminökwe Jesúsma, Dios öwaisobekwöchobe ö̧jobe— jö̧ba̧lö.

1 Juan 5:6

Chö̧ja̧wo̧dö, isabenö döwaisobö jo̧be, Jesús, böjȩnö ichinama, Dios Itji̧, ja̧danö, Dios weinökwe jojodö tjö̧jibinö pjaatobö, jö̧ba̧lö. Ja̧danö, böjȩnö ö̧jena jo̧banö baledinama ökwödönö i̧sebobe, Isabenö Jesúsma Dios Itji̧, Dios weinökwe dö̧jibinö pjaatobö, jö̧ba̧lö. Ja̧danö, Jesús otidawa öjamatakwa̧ abönö Juan Ojwenö Bu̧dato̧ma Jesúsnö ojwenö ubu̧datinobe. Jejenö baledena wajuwanö i̧sebinobe, Jesúsma Dios Itji̧, Dios weinökwe, jö̧ba̧lö. Ja̧danö, ju'wi baledinabi, Jesúsnö ojwenö ubu̧datinadamaökö i̧sebobe, Jesúsma Dios Itji̧, Dios weinökwe, jö̧ba̧lö. Jesúsma iteda otidawa kaatena towisa'otjö ökwösobu ebawinö midawö ö'wöchinobe. Ja̧ baledinabi ökwödönö i̧sebobe, Jesúsma Dios Itji̧, Dios weinökwe dö̧jibinö pjaatobö, jö̧ba̧lö. Chö̧ja̧wo̧dö, isabenö döwaisobö jo̧be, Jesús, böjȩnö ichinama, Dios Itji̧, ja̧danö, Dios weinökwe jojodö tjö̧jibinö pjaatobö, jö̧ba̧lö. Ja̧danö chö̧ja̧wo̧dö, Dios O̧'wo̧ Luwo̧bi bakwainö yöawobe, Jesúsma Dios Itji̧, jojodö tjö̧jibinö pjabato̧, jö̧ba̧lö. Ja̧danö, Dios O̧'wo̧ Luwo̧ma bakwai̧ yöawakwawa yöbawo̧, isabenö ji̧ yöawakwawada.