Mateo 3:12 - Dios Iwene

¹² Jo̧bama sulabedönö otiwadötjö böjö 'da̧batö ujunakobe, batjo otidadö kwakwawa sula'wotjö böjö 'da̧batö kwakwawa lödawejunö tjödi̧danö. Ja̧danö, böjö 'da̧batö junajo̧, okobe deinö sula'wodanö ichejekwadö sulabedönö, sula'wo ko̧ko̧dö juwö lotji̧danö ökwöla tiibokolanö juwö loakobe— jö̧ba̧lö yöawinobe Juanma.

Mateo 3:12 Iomraidhean Croise

Diosnö ösödo̧ Job mikwo̧ usula emawina jawa 21:18

Jobadöma isa'ye, jwa̧le'epjo e'ewa'yedanö, trigo jawa sula'wo labinö jalachö e'ewa'wodanö isabenö tjichejekwobeji̧? Kwöwaisaduwa chömöledö, ja̧maökö, jö̧tö?

Isaías 1:31

Ökwödötjö inesö juluwo̧bi ja̧danö, ökwöla tjönötedobö öjiya ji̧danö juluwö̧kö̧ baibakwo̧, ja̧danö otidina jawama ökwöla 'dö̧tekwajö juluwanö tiibi̧danö baibakobe. Ja̧danö, wanedö yöta̧la, Dios lȩebenama, o̧'wo jawa ösödo̧ juluwo̧nöbi, otidina jawabi, bakobe juwö loakokobe, ja̧danö jobekwö juwö loenama, bakwo̧bi Dios önötedajola tiebobö jwiakobe.

Isaías 17:13

Jau, inesö nöobu jwaibalawa labinö ökwöi̧danö labinö ökwöobe tjitebokwena ölakwabikwawa jojodö tjölakwabikwawobö tjichi̧ma, jo̧kwaijayonö katjatibobö weakwo̧ Diosma, ja̧danö weiawö̧, ödö dötjibajakwedö. Jau, mösa'ijutjö jwa̧le'epjo trigo jawa sula'wo e'ewi̧danö, ja̧danö jwa̧lȩ'epjo labinö jwa̧le'ewö nijiso̧pja̧ jalawö jwa̧lȩ'ewi̧danö, katjatibobö weiawö̧ dötjibajakwedö.

Isaías 27:4

dameakwö̧kö̧sa, chöbatjobedönö. —Chöbatjobedönö pjatatobö jö̧ta̧la, tjöpöjojodö sȩakadanö ichejekwadönöbi, ju'wi sula'wodanö ichejekwadönöbi chölakwabikwawobö jö̧ta̧la. Ja̧danö jobadökwö chölakwabikwawobö ji̧tjö̧ma, jobadönö ja̧tö lotena, ja̧danö juluwajo̧, jobadönö juwö lotena.

Isaías 28:28

Ja̧danö pan otikwa jawa trigo wa̧ji̧ma, i̧sopja baibanö 'dobö otidadö, jo̧kwaijayonö kabatibökönö 'dobö otidöködö, jö̧tö? Ja̧danö, trigo jawa ochobiya wamenö, ajwimu kabayudö koluka tötjobö weijayonö, kabatibökönö wamenö tjöbaledobö webö̧kö̧, trigo jawa 'dainö suli̧ waekwapji jö̧ba̧lö, jö̧tö?

Isaías 30:24

Kwajwimuduwi niji sobö otidadö pakayadöbi, buludöbi tju̧kwa sö̧i̧ kwakwawa tjukwakwedö, sula'wo jwii̧ baibanö otikwa batjo waji̧ma.

Isaías 41:16

Jau, trigo chabö lotji̧danö ja̧köbaduwakwedöja kwöpöjojodöduwinö, ja̧danö jwa̧le'epjo sula'wo e'ewö loi̧danö, jelobekwö e'ewö loakwawö̧ kwöpöjojodöduwinö. Ja̧danö, jobekwö kwujuluwaduwobö pjatatiawö̧, kwo̧'woduwi ösöwachibanö ötjö Isabenö Jo̧nö kwösödaduwakwedöja, ötjö Israel jojodö tjösödökwe Suli̧ Jwibo̧ Diosnö ösödö yöka̧laduwakwedöja, —Dösödökwe Diosma isabenö juluwo̧, —jö̧ba̧lö.

Isaías 5:24

Okobe deinö jobadö yöta̧lajawö̧ma, Okobe Jwiinö Juluwo̧ Isabenö Jo̧ Dios weina a̧ja̧kwökönö öpöjödadö, —Israel jojodö tjösödökwe Sulabe Jwibo̧ Dios wei̧ma mikwawökö ji̧, —jö̧ba̧lö sulabenö öpöjödadö, jo̧kwajabetjö̧ isabenö usula tjemawakwedö. 'Witjaja̧ isa'ye juluwanö ubi̧danö, ja̧danö ökwöla öba a'otjö meje'ye kököa'ye juluwanö bȩbachibö ubi̧danö baledakwawö̧. Jau, wanedö yötawa, tjö̧ji̧ bö'diyadanö ji̧ma 'dolowakobe, ja̧danö tjö̧ji̧ o̧bubiyadanö ji̧ma kököbachibö jwiakobe, tjöpöjödiökwe Dios isabenö lȩebobetjö̧.

Mateo 13:30

Wainö trigosa'yekwö, sula'wosa'yekwö bakobe pokwobö jo̧be, wa̧ji̧ tjemakwa̧ möle baibenanö kabatö. Otidadönö wa̧ji̧ tjemobö wetenama, abönö sula'wosa'ye 'yebö lotjobö wetocha, ja̧danö ko̧ko̧dö, di̧batibö juwö lotjobö wetocha, ja̧danö jejenö sula'wo juwö lobajadö, trigo ödebiya emö, ko̧ko̧dö trigo jawa lödaweju okwa tjödobö wetocha— jö̧ba̧lö wanedö yöawinobe Jesúsma.

Mateo 13:41

ötjö jojo baibanö jeminökwema chömöayedö ángelesdönö wetocha. Ja̧danö, jobadöma yöbawö wetena jojodötjö okobe deinö jojodö sulabenö ja̧tjobö ja̧badönöbi, okobe deinö ju'wedö sulabenö ja̧badönöbi ko̧ko̧dö,

Mateo 13:42

ökwöla nöolabe ikwö lotjakobe, jobe ja̧nö budekwabinö, tjo'ye kikisö ja̧bö usula tjemawakobetjö̧.

Mateo 13:43

Jemi ikenama, Dios ömöledöma tjabe'do yöbawö weenatjö jawo̧ idejati̧danö otiwanö tjidejatakwedö. Yötawi̧ okobe deinö otiwanö tja̧ja̧kwobö jo̧be— jö̧ba̧lö yöawinobe Jesúsma.

Lucas 3:16

Jejenö tjomukwatiökwe, Juanma jweinö jobadönö yöawinobe: —Chömöledö, ötjömaökö. Ötjöma sule ojwenöda chubu̧datobe ökwödönöma, sule ojwiyonöda. Jo̧kwaijayonö, chökömanö ichakwo̧ma, Dios O̧'wo̧ Luwo̧nö ökwödönö ubu̧datakwo̧, ja̧danö ökwölanö ökwödönö ubu̧datakwo̧. Jo̧ba ötjö chökömanö ichakwo̧ma, ötjötjö yelösöda bajalekwönönö mikwawo̧. Baikwö wanedö yötawa: Luwedö 'dutjawatu sapatu 'yo̧bebadöma, sule tjömöayedötjö mikwawöködöda, ¿jö̧tö? Jo̧kwaijayonö, ötjöma jejenö otido̧tjö nijakwönönö mikwawö̧kö̧sa, ötjöma chökömanö ichakwo̧ 'duawatu sapatubi 'yo̧teboböbi mikwawö̧kö̧sa.

Lucas 3:17

Jo̧bama sulabedönö otiwadötjö böjö 'da̧batö ujunakobe, batjo otidadö kwakwawa sula'wotjö böjö 'da̧batö kwakwawa lödawejunö tjödi̧danö. Ja̧danö, böjö 'da̧batö junajo̧, okobe deinö sula'wodanö ichejekwadö sulabedönö, sula'wo ko̧ko̧dö juwö lotji̧danö ökwöla tiibokolanö juwö loakobe— jö̧ba̧lö yöawinobe Juanma.

Juan 15:2

Ja̧danö, Chabe'doma ötjötjö wa̧jökemima 'dölö lobo̧. Jo̧kwaijayonö wa̧jemima ochobiya otiwanö wa̧jobö, ja'öda 'wibebö lobö otido̧, jwiinö otiwanö wa̧jobö. Ja̧danö, 'wibebö lobö otidobetjö̧ ajayinö wa̧jemitjö o̧penönö otiwanö wa̧jakobe.