Mateo 28:6 - Dios Iwene

⁶ jo̧kwaijayonö dea baima. Ökwödönö yöawinadanö wobajaletjö tjeachajajabe ida̧ökö. Ichö edaduwi, ajayinö i̧lȩdo̧nö ö̧binemima— jö̧ba̧lö.

Mateo 28:6 Iomraidhean Croise

Mateo 12:40

Jonás mikwo̧ma wa̧pötakwa mölebi wa̧pötakwa yö̧tebi baledibanö ba̧i̧so̧ nöbo̧ ukwa'wo okwa a̧jö öbaledinobe, ¿jö̧tö? Ja̧danö, ötjö jojo baibanö jeminökwebi wa̧pötakwa mölebi, wa̧pötakwa yö̧tebi baledibanö, nijinö tjo̧tjajökwe niji okwa ba̧nö chöbaledakwo̧sa— jö̧ba̧lö yöawinobe Jesúsma.

Mateo 16:21

Ja̧ möle jamatö, tupakwö bajalenö Jesúsma iteda öba̧ja̧di̧ waisachadönö jweinö yöawinobe: —Jerusalénbe chi̧'yobö jo̧be. Ja̧danö, jobetjö Israel jojodötjö damötjöbi, Diostjö jojodötjö ö'weje pjabatadö la'aka tjuluwedötjöbi, Moisés iwȩyudina ba̧ja̧dadötjöbi usula chemawobö ja̧kobe, ja̧danö ötjönö kwabö lotjobö ja̧kobe. Ja̧danö, jemi tupakwö wa̧pötakwa möle baledibajenama wobajaletjö tjetachajobö ja̧kobe— jö̧ba̧lö.

Mateo 17:23

ötjönö kwabö lotjobö, jo̧kwaijayonö ötjönö kwabö lotjaja̧ ikenama, wa̧pötakwa möle baledibajenama, 'yabibajö wobajaletjö tjetachajakwo̧sa— jö̧ba̧lö. Jejenö ö'wö baibakwa̧ yöawawö̧, Jesús öba̧ja̧di̧ waisachadöma nöinö tjo̧'wo̧ tjo̧achinobe.

Mateo 17:9

Jemi ikenama, mö'ösa'obetjö yututjajenama, Jesúsma jobadönö weinobe: —Ja̧ kwedaduwaja̧ma, ju'wedönö yöbawökönaduwi, ötjö jojo baibanö jeminökwema wobajaletjö tjetachajenanö kabatö— jö̧ba̧lö.

Mateo 20:19

ja̧danö judío jojodöböködönö iyö lotjakobe, ötjönö kwabö lotjobö. Jobadö judío jojodöböködöma oböbi otjakobe ötjönö, ja̧danö kwakwaböbi kwakwatjakobe, ja̧danö towisa'onö nönö, kwabö lotjakobe ötjönö. Jo̧kwaijayonö, jejenö ja̧tjijayonö, wa̧pötakwa möle baledibajenama, wobajaletjö tjebachajö 'yatibajakobe— jö̧ba̧lö yöawinobe Jesúsma.

Mateo 27:63

Pilatonö atjebinobe: —Duluwo̧, jo̧ba Jesús omöna yöa̧lina wene, ina 'yaa̧layi yöa̧lina wene domukwatiba, Wa̧pötakwa möle baledibajenama yemidanö 'yatibakwo̧sa, jö̧ba̧lö yöawinama.

Marcos 16:6

Yetjaibiökwe Dios weajökwe ángelma jö̧ba̧lijetö: —Yekabiduwa— jö̧ba̧lijetö—. Chöwaisa kwichaja̧duwama. Ökwödöma Jesús Nazaretso̧nö, towisa'onö bȩbö tjujuninökwenö edö kwichajaduwobe. Yötawaduwakwö: Jo̧bama benama deobe. Yemidanö tjeachajabe. Yemi edaduwi, jo̧banö ödinemi. Deobe. Yemidanö tjeachajabe— jö̧ba̧lijetö—.

Marcos 8:31

Ikenama Jesúsma iteda öba̧ja̧di̧ waisachadönö itenöda baledakwa̧ wene yöbawijetö: —Yötawaduwakwö. Ötjöma, jojo baibanö jeminökwema nöinö usula chemawakobe. Ja̧danö, judío jojodötjö la'aka luwedöbi, Diostjö jojodötjö ö'weje pjabatadö tjuluwedöbi, Moisés iwȩyudina ba̧ja̧dadöbi ötjönöma, Sulabo̧, jö̧ba̧lö, tjöpöjödakwo̧sa. Ja̧danö, tjöpöjödobetjö̧ ötjönö kwabö lotjobö wetjakobe tjömöayedönö. Ja̧danö, wetjawö̧ kwabö lotjakwo̧sa ötjönöma. Jo̧kwaijayonö wotaja̧ ikena tupakwöma, wa̧pötakwa möle baledibajena yadakwödanö tjetachakwo̧sa— yöbawijetö Jesúsma iteda öba̧ja̧di̧ waisachadönöma.

Lucas 24:12

Jo̧kwaijayonö, yötjawi̧ tjösödököjayonö, yayonö Pedroma i̧lȩdo̧ edö ö'öbakwawö i̧'yinobe, ja̧danö i̧lȩdo̧be ichibö, bȩbachibö okwa edinobe, ja̧danö edö sule sabana'wotjö kȩekwado̧ Jesúsnö jwatjebinado̧ iteba'o jwiado̧da edinobe. Ja̧danö, jejenö edibö Pedroma ȩwa̧jinobe, ja̧ma taji baledaja̧jö jö̧ba̧lö omukwatö.

Lucas 24:23

ja̧danö i̧lȩdo̧be ichibö Jesús iteba'o badekwajöködö, ȩwa̧jö yötjawatö: Dios weawö̧ ángelesdönö dedajabeta, ja̧danö ángelesdöma, Jesúsma 'yabalo̧, jö̧ba̧lö yötjawajabeta, jö̧ba̧lö döbajale jalaka baibanö yötjawatö ya̧döma.

Lucas 24:44

Jemi ikenama Jesúsma jobadönö yöawinobe: —Wotakwa̧ abönö ina ökwödökwö chö̧jayi, ökwödönö yötawijatö, okobe jwiinö Dios iwenesa'yetjö ötjönö tjiwȩyudinama badekwachobö jo̧be, Moisés iwȩyudinabi, ju'wedö Dios yöawi̧ yöbawinadö tjiwȩyudinabi, Salmossa'yetjö tjiwȩyudinabi okobe jwiinö badekwachinö baledobö jo̧be jö̧ba̧lö yötawijatö ökwödönö— jö̧ba̧lö yöawinobe Jesúsma.

Juan 10:17

Ina yöawinobe Jesúsma: —Ja̧danö, ötjöma ö'wöchö chimidawobö jo̧be. Yadakwödanö tjetachajobö ö'wöchö midawö lotakwo̧sa. Ja̧danö, Chabe'doma ötjönöma ile niebobe, jejenö yadakwödanö tjetachajobö ö'wöchö midawö lotakobetjö̧.

Juan 2:19

Jejenö wetjiökwe, Jesúsma atadinobe: —Jau, chujulu chi̧sebakwo̧sa— jö̧a̧linobe—. Beju Dios ejuma 'dobö loköbaduwitjö̧ma yemidanö baibanö chotidocha, wa̧pötakwa möle o̧penö— jö̧a̧linobe Jesúsma judío jojodötjö la'aka luwedönöma, wanedö yöbawö.

Hechos 2:24

Jo̧kwaijayonö Diosma Jesús yemidanö tjeachajinö ja̧bijetö, ö'wöchaja̧tjö ö̧jibinö ja̧bö. Diosma jejenö i̧sebijetö, Woawama yelösöda jwia Jesúsnöma, jö̧ba̧lö. Bakwo̧bi Jesús yemidanö tjeachajökönö ja̧bo̧ma deobe— yöbawijetö Pedroma—.