Mateo 28:3 - Dios Iwene

³ Jo̧ba ángel öbama böba idejati̧danö salöinö dejatinobe, ja̧danö ökamijido̧ma jwiinö dewinobe.

Mateo 28:3 Iomraidhean Croise

Daniel 7:9

Ja̧danö, ina cheda̧lonö, ju'wibi la'aka luwedö tjö̧ba̧kwaökiya tjujunobe chedatö, ja̧danö ajayitjö ji̧na Diosma tebachö öbamatobe chedatö. Jo̧ba ökamijido̧ma jwiinö bakwainö dewado̧ chedatö, ja̧danö öwö'yema, obeja öwö'yedanö bakwainö dewa'ye chedatö. Ja̧danö, iteaka ba̧kwawaka chedatö, kolukasa'o ja̧kama, ja̧danö iteaka ökwölanö ubobe chedatö, ja̧danö iteaka kolukasa'o ubobe chedatö.

Mateo 17:2

Ja̧danö, jobe ja̧nö tjedemi, Jesús öbalewachobe tjedinobe. Jo̧ba öbama jawo̧ idejati̧danö dejatinobe, ja̧danö ökamijido̧ma salöinö dewinobe.

Mateo 28:4

Jo̧banö edö, Jesúsnö tjödinȩdo̧ te'ada̧ladö guardia jojodöma yebabinö tjö̧tjawinobe, ja̧danö jwiinö yetjabobetjö 'dö̧bachibö metjinobe.

Marcos 16:5

Jo̧kwaobetjö̧ i̧lȩdo̧ okwa tebachijadötö. Tebachibö tjöwaisobekwöchobe tjedemi möayo̧ma, kamijido̧ dewado̧ 'dubawo̧ bi̧jetö. Jo̧banö edö jwiinö yebaibijadötö.

Marcos 9:3

Ökamijido̧ma salöinö jwiinö dewijetö, böjȩ jojodö dichajitjökenanö dewinö.

Juan 20:12

Jedemi ángelesdö du̧ju̧tajanö jedinobe, kamisi dewi̧ 'dubawadönö. Jobadöma Jesúsnö tjödinena tjö̧bajobe jedinobe, bakwo̧ma uukwöchobekwö, jelo̧ma ömasapakwöchobekwö.

Hechos 1:10

Ikenama ina, Jesús öba̧ja̧di̧ waisachadöma mölejȩkwö tjeda̧lonö ju'wedö ömadö du̧ju̧taja öwawachö jamatijadötö tjipjeanö, tjökamisi dewi̧ 'dubawadö.

Apocalipsis 10:1

Ikenama ju'wi i̧sebi̧ma chedijatö. Ja̧danö, mölejȩbetjö jwibacho̧ ángel, jwiinö juluwo̧nö chedijatö. Jo̧bama ojwiyo'wo lö̧ökwe. Ja̧danö, uu wamema mayo ö̧lökwe. Ja̧danö, jo̧ba ángel öbama ja̧wo̧danö dewinö dejato̧. Isȩ'biju salöbo̧, okwi'iju ubi̧ o'ijudanö.

Apocalipsis 18:1

Ikenama jelo̧ ángelnö chedijatö, mölejȩbetjö böjȩkwö jwibacho̧nö, la'aka luwo̧danö jo̧ ángelnöma. Öjamatajenama böjȩma yelösöda dewinö dejatobe chedijatö, jo̧bama jwiinö dewinö idejatobetjö̧.