Mateo 28:10 - Dios Iwene

¹⁰ Ikenama Jesúsma jobadönö yöawinobe: —Yekabiduwa chömöledö. Chö̧ja̧wo̧dönö yöbawaduwi, Galilea nijibe tji̧'yobö, ja̧danö jobetjö ötjönö tjedakwedö, jö̧ba̧lö yökawaduwodönö— jö̧ba̧lö yöawinobe Jesúsma.

Mateo 28:10 Iomraidhean Croise

Mateo 14:27

Jo̧kwaijayonö Jesúsma juluwanö yöawinobe: —Juluwachibaduwi. Ötjöma Jesússa. Yebabökönaduwi— jö̧ba̧lö yöawinobe.

Mateo 25:40

Atjebitjö̧, ötjö la'aka luwo̧ma chatadakwo̧sa: Isabenö yötawaduwakwö, bidö chömöledötjö ju'wedötjö nijakwönönö mikwawö̧kö̧nö jejenö pjakatinaduwenama, ötjönöda pjakatinaduwobe, jö̧ba̧lö.

Mateo 25:45

Atjebitjö̧, jobadönö chatadocha: Isabenö yötawaduwakwö, bidö ötjönö ösödadötjö bakwo̧ ju'wedötjö nijakwönönö mikwawö̧kö̧nö pjakataduwobö kwöpöjödaduwinenama, ötjönöda pjakataduwobö kwöpöjödinaduwobe, jö̧ba̧lö.

Mateo 26:32

Jo̧kwaijayonö, wobajaletjö tjetachajinö yemidanö 'yatibajinö Dios ja̧aja̧ ikenama, kwabönöduwi Galilea nijibe chi̧'yocha— jö̧ba̧lö yöawinobe.

Mateo 28:16

Jesús öba̧ja̧di̧ waisachadö a̧li̧nösamutjö bakwo̧bedöma Galilea nijibe tji̧'yinobe, ja̧danö 'ya̧jadö, Jesús yöawina'o mö'ösa'obe tji̧'yinobe.

Mateo 28:5

Jo̧ba ángelma ya̧dö ichajadönö yöawinobe: —Yebabökönaduwi. Chöwaisa, towisa'onö bȩtjinökwe Jesúsnö edö kwichaduwajabe,

Mateo 28:7

Ikenama jobadönö weinobe: —Juluwanö Jesús öba̧ja̧di̧ waisachadönö yöbawaduwaji, Diosma Jesúsnö wobajaletjö tjeachajinö ja̧ajabe, ja̧danö kwabönöduwi Galilea nijibe i̧'yakwo̧. Jobetjö jo̧banö kwedaduwakwedöja— jö̧ba̧lö yötjawobö weinobe ángelma.

Mateo 28:9

Ikenama, tji̧'yemi ja'ötjö, Jesúsma juluwanö jobadönö öbadekwajinobe, ja̧danö jobadönö: —¿Dokwa?— jö̧ba̧lö abebö a̧ja̧kwinobe. Yöa̧liawö̧, Jesús ö̧jobekwö ichö bamatö Jesús ömasapiya wo̧batö Jesúsnö tjösödinobe.

Marcos 16:7

Babema Pedronöbi ju'wedö Jesús öba̧ja̧di̧ waisachadönöbi yökawaduwo da̧ja̧duwi. Jobadönö yökawaduwo, Tjo̧wi̧ Jesús i̧'yajabe Galileabe ökwödö kwi̧'yaduwakwa̧ abönö, jö̧ba̧lö. Jobetjö kwedaduwakwedöja Jesúsnöma, iteda jö̧a̧linadanö— jö̧ba̧lijetö ángelma jobadö ya̧dönöma.

Juan 20:17

Wo̧jatibiökwe: —Wo̧katibatjö María, ina Dabe'do ö̧jobekwö ȩwa̧jö katekwachokobetjö̧— jö̧a̧linobe—. Babema chömöledönö yöbawaji, tjöwaiso. Ja̧danö, jobadönö yökawo, Chabe'do ö̧jobekwö chȩwa̧jakobe, ötjö Chabe'dobi ökwödö kwabe'doduwibi ö̧jobekwö. Ja̧danö, ötjö cho̧'wo̧ chöwana̧lökwe Dios, ökwödö kwo̧'wo̧duwi kwöwana̧laduwökwe Dios ö̧jobekwö chȩwa̧jakobe, yökawo— weinobe Jesúsma María Magdalenanö.

Juan 6:20

Yetjaibiökwe jö̧a̧linobe jobadönöma: —¡Ötjödasa, yekabiduwa!— jö̧a̧linobe Jesúsma öba̧ja̧di̧ waisachadönöma.

Romanos 8:29

Jau chömöledö, Diosma la'akatjöda öwaisinobe jo̧banö tjösödakwedönöma, iteda ömöledö batjibakwedönöma. Ja̧danö, jejenö waisö, jobadönö 'da̧batö ujuninobe, iteda itji̧ Jesúsdanö ichejekwadö batjibo jö̧ba̧lö. Ja̧danö, weinobe, Jesúsda iteda i̧tji̧mutjö abönö pöe baibobö, ökwödö döpöe baibobö chömöledö.

Jueces 10:16

Ja̧danö, israel jojodöma ju'wedö tjösödawö̧ o̧'wo jawa tjujuna̧lawö̧nö tjö̧'da̧detjö ikwö lotjinobe, ja̧danö jobadönö kabatibö, tjebachajö Isabenö Jo̧nö tjösödinobe. Ja̧danö, Isabenö Jo̧ma israel jojodö usula tjemawi̧ edö, jobadönö o̧'wo tjo̧achinobe, Tjo̧wita, jobadönö pjatatocha, jö̧ba̧lö.