Mateo 27:5 - Dios Iwene

⁵ Ikenama Judasma tjiyina balada jobe Dios eju okwa nijibe ikwö loinobe, ja̧danö jobetjö labebajo̧, nubawö ö'wö baibinobe.

Mateo 27:5 Iomraidhean Croise

2 Samuel 17:23

Ja̧danö, pebibajadö, Davidbi jo̧bakwö kwebachadöbi tupakwö Majanayin comunidadbe tji̧'yinobe. Ja̧danö, Ajitofel waisanö lȩebaja̧ Absalon a̧ja̧kwiökökwe, Ajitofelma öwaisinobe, Davidnö ujuluwobö omukwati̧ waekwakobe jö̧ba̧lö. Jo̧kwajabetjö̧ ajwi bulu oma'anö wanawaka wanajo̧, bulunö wa̧nö ȩwa̧jinobe itebo comunidad Guilobe. Jobe ichibö, woaja̧ ikena jawa ömöledönö weinobe, ö'wö batibaja̧ ikenama chitea jawa baikwö ja̧baduwi jö̧ba̧lö. Ikenama, webajo̧, nubawö ö'wö baibinobe. Ikenama ömöledöma Ajitofelnö tjödinobe, abe'donö tjödinemi ötölanö. Ja̧danö, Absalonma israel jojodö ölakwabikwawa jojodökwö Jordan ojwe peibinobe, Davidnö lubö.

1 Reyes 16:18

Jejenö balediökwe, Zimrima edö öwaisachibinobe, chöpöjojo Omrima chitebo Tirsa comunidad ujuluwajabe, jö̧ba̧lö, jokwajabetjö̧ inesö la'aka luwo̧ eju okwa, 'diinö tjöekwemi okwa tebachö, o̧do juwö lobö, itedada juwawö loinobe.

Diosnö ösödo̧ Job mikwo̧ usula emawina jawa 2:9

Jejenö usula emawö ö̧jioko, Job ilekwoma dameakwö yöja̧linobe jilekwenö, —Tajawedö ina jwaikwöda Diosnö kwösödobeda? Bejenö usula kwemawinö weobetjö̧, jo̧banö öpöjödö, –Sulabenö ja̧bo̧ Diosma, –jö̧ba̧lö yöka̧lo, ja̧danö yöba̧lajo̧ ö'wö bakibo. Jau Job, tupakwö Diosnö kwösödobö jwiobe, jo̧banö öpöjödö kakatibo, —jö̧ba̧lö yöja̧lökwe,

Diosnö ösödo̧ Job mikwo̧ usula emawina jawa 7:15

—Isabenö babe usula emawö chö̧ji̧danö tupakwö chö̧jobö chöpöjöda, ja̧tjö̧ bajalekwönönö chösödena, cho̧'wo chemökönö tjutumobö.

Mateo 26:61

—Bite yöa̧lina da̧ja̧kwinobe, baikwö yöa̧linama, Ötjöma Dios eju söbebö lotobö juluwo̧sa, ja̧danö söbebö lobajo̧, wa̧pötakwa möle baledibajena yemidanö chotidobö juluwo̧sa, jö̧ba̧lö sulabenö yöa̧lina da̧ja̧kwijatö— jö̧ba̧lö yötja̧linobe.

Mateo 27:6

Ö'weje pjabatadö la'aka tjuluwedöma Judas loaja̧ balada ko̧ko̧dö emö yötja̧lakwawinobe: —Biya̧ baladama, ¿dakwö ja̧dakwa̧da? Biya̧ baladama jojonö kwabö lotjobö midawa baladaobetjö̧, Dios eju jawa balada baibanö diyobö jwiobe, Moisés iwȩyudina jejenö laebokobetjö̧. Jo̧kwajabetjö̧ ¿dakwö ja̧dakwa̧da?— jö̧ba̧lö.

Lucas 1:21

Dios weökwe ángel Zacaríaskwö yöawonö, jojodöma a̧petukwöbe ja̧nö Zacarías laebakwa̧ tjite'ada̧linobe, ja̧danö lekwe deiawö̧, ¿Tajawedö lekwe laebököjö? jö̧ba̧lö tjomukwatinobe.

Lucas 1:9

Ja̧ möle, ba̧kwȩlö̧jatebö ja̧biatji̧danö, inawiya tjikwawinobe, Dite Dios eju tebachö Diosnö ösödö omewi̧ jawa ujuwojobö, jö̧ba̧lö. Ja̧danö ja̧ möle Zacaríasnö baibinobe.

Jueces 9:54

Jejenö balediökwe, Juluwanö ö'wö batibakwo̧sa jö̧ba̧lö, ömöayo̧ itea ölakwabikwawa jawa kwebato̧nö weinobe, —Juluwanö kwölöte'o do̧batö, kwabö lobitjö, biwa jikwawatjö debö chi̧'yapji. Jau, jejenö kwabö loköbobö wetakwö, jojodö ötjönö, –Jojosujuda kwabö lojinökwe, –jö̧ba̧lö otjapji jö̧ba̧lö. —Ja̧danö, weökwe, Abimelec ömöayo̧ma weaja̧danö Abimelecnö kwabö loinobe kwölöte'onö.