Mateo 27:44 - Dios Iwene

⁴⁴ Ja̧danö Jesús ipjeanö bȩbö tjujunaja̧wö̧ naukwabidöma ju'wedö Jesúsnö otjidanö jobadöbi Jesúsnö obö yötja̧linobe.

Mateo 27:44 Iomraidhean Croise

Mateo 27:38

Ja̧danö Jesúskwö, ju'wedö naukwabidö du̧ju̧tajanöbi bȩbö tjöninobe, bakwo̧ Jesús öwaisobekwöchobe, ja̧danö jelo̧ Jesús wajwiobekwöchobe.

Marcos 15:32

Ökwö, Dios weinökwesa, jö̧ba̧lo̧ma, Israel jojodö tjuluwo̧sa, jö̧ba̧lo̧ma, i'otjö meibi dedo. Meibö kwöjamatitjö̧da dösödakwedösa ökwö yöka̧li̧ma— obö jö̧ba̧lijadötö. Ju'wedö, Jesúskwö towisa'iju bȩbö tjujunajawö̧bi sulabenö obö jö̧ba̧lijadötö Jesúsnöma.

Romanos 15:3

Jau chömöledö, Cristobi iteda ösödi̧danöma ja̧inokobe, jo̧bada otiwanö ö̧jo jö̧ba̧lö. Baikwö laebobe Dios iwene, Cristo yöa̧linama: Ökwödö jojodönö sulabenö jwötjeba̧li̧, Sulabedöja, jö̧ba̧lö jwötjeba̧li̧ma, ötjönöda baibinobe, jö̧ba̧lö laebobe Dios iwene Cristo yöa̧linama. Ja̧danö, ökwödö usula demawo jö̧da̧linama, jo̧bada emawinobe.

Santiago 1:5

Jo̧kwaijayonö chö̧ja̧wo̧dö, ökwödötjö bakwo̧, wene baledena ¿dakwö chö̧jobö jo̧bejö? jö̧ba̧lö wajwiköbitjö̧ma Diosnö akebobö jo̧be, Dios ösödi̧danö jwaikwö kwi̧'yi̧ kwöwaisobö. Isabenö chö̧ja̧wo̧dö, Diosma okobe deinö jo̧banö abebadönö, Pjatato, jö̧ba̧lö, ösödö pjabato̧. Ja̧danö, Diosma jo̧banö abebo̧nö la'akatjöda jö̧ba̧lö̧kö̧, Sulabo̧ja. Pjatatökö, jö̧ba̧lö. Jo̧kwaobetjö̧ chö̧ja̧wo̧dö, wene baledena jwaikwöda kwi̧'yaduwobö wajwiköbaduwitjö̧ma Diosnö akebaduwobö jo̧be, ökwödönö pjaatobö. Jo̧kwaijayonö akebaduwena Diosnö kwo̧'wo̧duwi wana̧lö akebaduwobö jo̧be, Diosma isabenö pjabato̧, jö̧ba̧lö. Jejenö Diosnö kwo̧'wo̧duwi wana̧lö akebaduwiökwe Diosma ökwödönö pjabato̧. Chö̧ja̧wo̧dö, Diosma pjabatö̧kö̧ jo̧banö o̧'wo̧ wana̧lökönö abebo̧nö, Diosma pjaatenawe, pjaatökena, jö̧ba̧lö, dötölatajanö omukwato̧nöma. Wanedö yötawaduwakwö, Diosnö o̧'wo̧ wana̧lökönö jo̧nö wanedöma: Jo̧bama ojwe balawa loi̧danö jo̧, jwa̧lȩ'epjo dobibajö ojwe nöinö balawa loi̧danö. Jo̧bama jelobekwö, jelobekwö 'yo̧, jwaikwöda 'yö̧könö.