Mateo 27:14 - Dios Iwene

¹⁴ Jo̧kwaijayonö Jesúsma jobadö wanedö yötja̧li̧ ja'yubebi atadinokobe, ja̧danö jejenö atadiökökwe, gobernadorma öbajale jalaka baibanö ö̧jinobe, ¿tajawedö ö'wiakwawöma atadö̧kö̧jö? jö̧ba̧lö.

Mateo 27:14 Iomraidhean Croise

Isaías 8:18

Ötjöbi, Isabenö Jo̧ iyinawö̧ chitji̧mubi i̧sȩkwa baibanö iyinawö̧sa, israel jojodö tjö̧'da̧de ja̧nö Dios yöbawö ujunina jawa di̧sebakobetjö̧. Jau chömöledö, Okobe Jwiinö Juluwo̧ Isabenö Jo̧ma, Jerusalennö ja̧'o Sion mösa'onö Jo̧, ja̧danö jobama ökwödönö ujuninobe, iteda ömöledö israel jojodönö i̧sȩkwa badibanö.

Mateo 26:63

Jo̧kwaijayonö, Jesúsma atadökönö ö̧jinobe. Atadökönö ö̧jiökwe, ö'weje pjabatadö la'aka tjuluwo̧ma Jesúsnö weinobe: —'Yaba̧lo̧ Dios iminö jweinö kwatadobö wetakwö: ¿Ökwöma Dios weakwo̧ jö̧a̧linökwe, Dios itji̧köbiji̧?— jö̧ba̧lö.

Mateo 27:12

Ö'weje pjabatadö la'aka tjuluwedöbi, jojodötjö damöbi nöinö wanedö yötja̧linobe Jesúsnö, bitema sulabenö ja̧bo̧ jö̧ba̧lö, jo̧kwaijayonö Jesúsma yebabinö ö'wiakwawöma atadinokobe.

Mateo 27:13

Jejenö atadiökökwe, gobernador Pilato mikwo̧ma Jesúsnö abebö a̧ja̧kwinobe: —Bidö ökwönö, bitema sulabenö ja̧bo̧, jö̧ba̧lö wanedö yötja̧li̧ma, ¿kwa̧ja̧kwökiji̧? ¿Tajawedö ö'wiakwawöma kwatadokobeda?— jö̧ba̧lö.

Marcos 15:5

Jejenö abebö a̧ja̧kwijayonö Jesúsma atadökönö ji̧jetö. Jo̧kwaiökwe Pilatoma, ¿tajawedö atadökö? jö̧ba̧lö, omukwatijetö.

Lucas 23:9

Ja̧danö Herodesma nöinö abebö a̧ja̧kwinobe Jesúsnöma, jo̧kwaijayonö nöinö abebö a̧ja̧kwijayonö, Jesúsma ja'yubebi atadinokobe.

Juan 19:9

Ja̧danö yemidanö eju okwa tebachö Jesúsnö abebö a̧ja̧kwinobe: —¿Kwiteboma daida?— abebö a̧ja̧kwijayonö Jesúsma atadökökwe:

1 Corintios 4:9

Jau chömöledö, ökwödö Jesús webawedöma la'aka luwedödanö dichejekwökö. Baikwö wanedö yötawa chömöledö: Böjȩ luwedö sulabenö ja̧badönö lȩbebö, jobadönö kwabö lotjobe. Ja̧danö, kwabö lotjakwa̧ abönö, okobe deinö tjöba a'otjö junadö, ju'wedö jobadönö otjo jö̧ba̧lö. Jobadöjayedödanö dichejekwobe ökwödöma chömöledö, Diosma ökwödönö ujuninobe ichejekwa, okobe deinö jojodöbi ángelesdöbi ökwödönö edö otjo jö̧ba̧lö.