Mateo 26:74 - Dios Iwene

⁷⁴ Yötja̧lökwe, Pedroma atadinobe: —Dios öba a'otjö isabenö yötawaduwakwö, ja̧danö omöna yöta̧litjö̧ma Dios lȩebobö jo̧be: ¡Isabenö jo̧banö wajwitökwe!— jö̧ba̧lö atadinobe. Jejenö atadaja̧ ikena, akalama juluwanö jwöinobe,

Mateo 26:74 Iomraidhean Croise

Mateo 10:28

Jojodönö yekabiduwa chömöledö, jobadöma sule tjiteba'oda kwabö lobadö, tjo̧'wo̧ luwo̧nö kwabö lotjoböma juluwöködö. Jau chömöledö, Diosnöda yekabiduwobö jo̧be, jo̧bama isabenö jojodönö lȩebobö juluwo̧obetjö̧, jo̧bada ökwöla nöolatjö jojodö tjiteba'obi, tjo̧'wo̧ luwo̧bi söbebö loakwo̧.

Mateo 26:34

Yöa̧lökwe, Jesúsma Pedronö yöawinobe: —Isabenö yötawakwö Pedro, makö akala jwöakwa̧ abönö, wa̧pötakwanö yökawakwo̧ja, Jesúsnö wajwitökwe jö̧ba̧lö— yöawinobe.

Mateo 26:73

Ikenama, ja'yubeda lekwajabetjö, jobe ju̧kwadö ömadöma Pedro ö̧jobekwö ichö yötja̧linobe: —Isabenö jo̧bakwö kwebachinadötjö jojoköbena, kwiwene Galilea niji ju̧kwadö tjiwene ökwöi̧danö ökwöobetjö̧, öwaetjöda öwawobe jobadötjö jojoja— jö̧ba̧lö.

Mateo 26:75

ja̧danö Pedroma Jesús yöawina omukwatibinobe: —Akala jwöakwa̧ abönö, wa̧pötakwanö ötjönö wajwitökwe jö̧ba̧lö yöka̧lakwo̧ja— jö̧ba̧lö yöawina omukwatibinobe. Ikenama Pedroma jobetjö labebö, jwiinö o̧'wo̧ tjo̧achö ubudekwinobe.

Mateo 27:25

Yöa̧lawö̧, okobe deinö tjatadinobe: —Jau, ökwödödasa jo̧banö kwabö lobadöma. Jo̧banö kwabö lodobetjö̧ lȩekwa ji̧tjö̧ma, ökwödönöbi, di̧tji̧mu tupadanö jojodönöbi lȩekwa baibobö jo̧be— jö̧ba̧lö tjatadinobe.

Marcos 14:30

Jejenö jö̧a̧lijayonö Jesúsma jö̧ba̧lijetö: —Isabenö jö̧ta̧la ökwönö. Babe yö̧te akala dötölatajanö jwöakwa̧ abönö ökwöma wa̧pötakwanö jenanö omöna yöba̧lö kwötabada̧lakwo̧ja ötjönöma, Wajwitökwe Jesúsnö, jö̧ba̧lö— jö̧ba̧lijetö Jesúsma.

Marcos 14:68

Jejenö jö̧ja̧lökwe Pedroma jö̧ba̧lijetö: —Omöna yöka̧la. Jo̧banöma wajwitökwe. Ökwö jö̧ka̧li̧bi wajwibo̧sa—jö̧ba̧lijetö. Ikenama a̧petukwö laeibena, teachakwawemi apjude ö'öbö ö̧jonö akalama jwöbijetö.

Lucas 22:60

Yöa̧liökwe Pedroma atadinobe: —Jojoso̧, wajwita ökwö yöka̧li̧ma. Isabenö jo̧ba Jesúskwö kwebachö̧kö̧sa— jö̧ba̧lö. Ja̧danö, Pedro ina jejenö yöa̧lonö, akalaso̧ma juluwanö jwöinobe.

Juan 18:27

—Ötjömaökö— yemidanö jö̧a̧linobe Pedroma. Jejenö yöawena akala jwöinobe.

1 Corintios 16:22

Duluwo̧nö ösödö̧kö̧ma, Dios lȩebakwo̧ jo̧bama. Duluwo̧ Jesúsnö ateba, Chuluwo̧ juluwanö ökwödönö emö kwicho jö̧ba̧lö.

Apocalipsis 3:19

Chömöledö, ötjöma ile nitebawö̧nöma, jelobekwö tjomukwatitjö̧ma pjabatö lȩbebo̧sa, sulabenö tjomukwati̧ kabatibö tjöbalewachoböma. Jo̧kwaobetjö̧ babeda, te'ada̧lökönö, sulabenö kwomukwataduwi̧ma kabatibö balewachaduwi, ökwödönö lȩtebapji, jö̧ba̧lö.

Jueces 17:2

Ju'wi möle Micaiasma ojo'donö yöawinobe, —Chojo'do, belö bakwo̧ kwitea plata ö̧pi̧biya önaukwinobe, mil cien ö̧pibiya önaukwinobe, ja̧danö jejenö balediakwö, naukwinanö Dios lȩeböbö akebijatö, jö̧tö? Jau chojo'do, naukwinanö Dios lȩebobö akebina cha̧ja̧kwijatö, ja̧danö baikwö yötawakwö, ötjödasa ja̧ plata naukwinama, ja̧danö ina chujuna̧lobe, bi̧ya̧, —jö̧ba̧lö yöawinobe. Yöawoko, ojo'doma jatadinobe, —Otiwanö yökawajabe chitji̧, Isabenö Jo̧nö ateba ökwönö pjaatobö, jweinö yökawajabetjö̧, —jö̧ba̧lö.

Jueces 21:18

Jo̧kwaijayonö tji̧tji̧munö 'yatjebobö ji̧jayonö, ökwödöma jobadö tjilekwamu batjibanö ditji̧mu ya̧dönö wedobö jwibadösa. Jau, ida̧ökö Dios öba a'otjö yöbawö dujunijatö, –Bakwo̧ iteda itjijunö Benjaminsaso jojo ilekwo bajibanö weitjö̧ma, Dios lȩebakwo̧ jo̧banöma, –jö̧ba̧lö. Jo̧kwajabetjö jejenö yöbawö dujuninobema, dakwö ja̧bö pjadatakwa̧da? —jö̧ba̧lö yötja̧lakwawinobe.