Mateo 26:65 - Dios Iwene

⁶⁵ Jejenö yöa̧lökwe, ö'weje pjabatadö la'aka tjuluwo̧ma ökamijido̧ kȩ'ekwö lobö yöa̧linobe: —Bitema Diosnö sulabenö yöa̧lajabe. Ökwödöma ökwödöda dölakiyunö jo̧ba sulabenö yöa̧laja̧ da̧ja̧kwobetjö̧, ju'wedö jo̧ba sulabenö ja̧ina edinadönö abebö da̧ja̧kwobö jwiobe, ökwödöda da̧ja̧kwajabetjö̧.

Mateo 26:65 Iomraidhean Croise

2 Reyes 18:37

Jemi ikenama, Eliaquinbi, Sebnabi, Joabi, yöbawo̧kwö yöba̧lakwawajadö, tjuluwo̧ Ezequias ö̧jobekwö tjȩwa̧jinobe, yötja̧lakwawaja̧ yötjawobö. Jwiinö o̧'wo tjo̧achö, tjökamisi kȩekwö lotjinobe, ja̧danö kȩekwö lobajadö, Ezequias öba a'o ichibö yötjawinobe, yöbawo̧ yöa̧laja̧ jawama.

Mateo 9:3

Jejenö yöa̧liawö̧, ju'wedö Moisés iwȩyudina ba̧ja̧dadöma tjomukwatinobe, idödada: —Bitema sulabenö yöba̧lo̧ Diosnö. Diosda jojodö tjusula söbebö lobo̧jayonö, kwusula söbebö lotakwö jö̧a̧lajabe. Ötjödasa Dios, jö̧ba̧lö, ¿omukwatenaji̧?— jö̧ba̧lö tjomukwatinobe.

Lucas 5:21

Jejenö yöa̧li̧ a̧ja̧kwö, fariseo jojodöbi, Moisés iwȩyudina ba̧ja̧dadöbi tjomukwatinobe idödada: —Bite Jesúsma sulabenö yöba̧lo̧ Diosnö, Diosda jojodö tjo̧'wo̧ luwo̧nö tjusula söbebö lobo̧jayonö, kwusula söbebö lotakwö jö̧a̧lajabe. Jesúsma ötjödasa Dios jö̧ba̧lö ¿omukwatenaji̧? Isabenö Diosnö sulabenö yöba̧lo̧, bite Jesúsma— jö̧ba̧lö tjomukwatinobe.

Juan 10:33

—Otiwanö kwotidina jawamaökö. Ökwöma sulabenö yöka̧lobe, Dios jawama. Ökwöma jojoköbijayonö, Ötjödasa Diosma, jö̧ba̧lö, yöka̧lobe. Ja̧ sulabenö yöka̧li̧tjö dikwawobö jö̧da̧la ökwönöma— jö̧tja̧linobe.

Juan 10:36

¿tajawedö, Ötjöma Dios Itji̧sa, jö̧ba̧lö yöta̧lena jwökeba̧laduwobeda, Ökwöma sulabenö yöka̧la, jö̧ba̧lö? Ötjöma Dabe'do Dios omudawö böjȩkwö weinökwesa, jo̧ba wei̧ otidö chö̧jobö.

Hechos 14:14

Ikenama jobadö juwö iyö tji̧'yakwa̧ yötjawi̧ a̧ja̧kwijadötö Pabloma, Bernabéma. A̧ja̧kwö tjo̧'wo̧ tjo̧bekwibijadötö yelösöda, tjökamisi kȩ'ekwö lobö. Kȩ'ekwö lobajadöma jojodö ösödö tji̧'yobekwö 'yi̧jadötö. Ichibö, omönanö jojodö tjö'da̧denö ja̧nö jö̧ba̧lijadötö: