Mateo 26:60 - Dios Iwene

⁶⁰ Jejenö tjisakwijayonö, waekwinobe. Ba̧jekwadö jojodö Jesúsnö omöna yötja̧lijayonö, okobe deinö wainökwena yötja̧lobetjö̧, waekwinobe. Yötja̧li̧ a̧ja̧kwö Jesúsnö kwabö lotjobö jo̧be jö̧ba̧lö lȩekwa yötjawobö jwiinobe. Bajalianö du̧ju̧taja jamatö bakwainö yötja̧linobe, baikwö:

Mateo 26:60 Iomraidhean Croise

Deuteronomio 19:15

Tupakwö yöawinobe Moisesma: —Chömöledö, lȩekwa luwedö tjöba a'otjö jelo̧ sulabenö ja̧ina wene yötjawenama, sule bakwo̧da, –Bite sulabenö ja̧ina chedijatö, –jö̧ba̧lö yöawitjö̧ma, lȩekwa luwedö a̧ja̧kwö lȩtjebobö jwiena, sule bakwo̧da yöawajabetjö̧. Du̧ju̧tajaö̧kö̧, wamedukwaö̧kö̧ tjedaja̧ bakwainö yötjawitjö̧da yötjawi̧ tjösödobö ja̧kobe, ja̧danö yötjawi̧ ösödö, sulabenö ja̧binanö lȩekwa yötjawobö ja̧kobe.

Tito 2:8

jweinö isabenö weneda yökawo, ju'wedö bitema sulabenö yöbawo̧ jö̧ba̧lö yötja̧lobö jwitjakobetjö̧. Ja̧danö, jweinö yökawobetjö̧, ökwödönö öpöjödadöma taba lö̧jawö̧ tjö̧jakwedö, ökwödönö sulabenö yötja̧lobö jwiobetjö̧.

1 Pedro 3:16

Ja̧danö, okobe jwiinö ja̧bö kwö̧jaduwi̧ma, kwomajadeduwinö otiwanö kwöwaisaduwi̧danö ja̧bö kwö̧jaduwo chömöledö. Ju'wedöma isabenö ökwödönö öpöjödö sulabenö yötja̧lena chömöledö, Cristonö ösödadöma sulabedö, sulabenö ja̧badö, jö̧ba̧lö. Jo̧kwaijayonö kwomajadeduwinö kwöwaisaduwi̧danö ja̧bö kwö̧jaduwitjö̧ma, ökwödönö sulabenö yöba̧ladöma taba lö̧jawö̧ tjö̧jakwedö, otiwanö ja̧bö kwö̧jaduwi̧ öwaetjöda öwawobetjö̧.