Mateo 26:5 - Dios Iwene

⁵ Jejenö omukwatö yötja̧linobe: —Jojodö pjiesta tjujunonö jo̧banö do̧datoko, pjiesta tjujunonö jo̧banö do̧datitjö̧ma, jo̧banö do̧dati̧ edö jojodö tjölabipji jö̧ba̧lö— yötja̧linobe.

Mateo 26:5 Iomraidhean Croise

Proverbios 19:21

Ja̧danö, ju'wibi yötawa: Isabenö, jojodöma idöda ja̧tjakwa̧ ju'wi jawabi ju'wi jawa tjo̧'wo̧ junö omukwatadö. Jobekwö tjo̧mukwatijayonö Isabenö Jo̧ma iteda baledobö ösödi̧danö baledakobe.

Proverbios 21:30

Ja̧danö, ju'wibi yötawa: Isabenö Jo̧ma ökwödö domajadenö domukwati̧ma waiso̧. Ja̧danö, ökwödö jojodöma yöda̧lena, Ökwödöma jweinö omukwatadösa̧, ja̧danö, di̧ya sulojobö jö̧ba̧lö, di̧ya otiwojobö jö̧ba̧lö waisadösa, ja̧danö, baledakwa̧ma ajayinö omukwatadösa, jö̧ba̧lö. Jobekwö domukwatijayonö Isabenö Jo̧ma ökwödö domukwati̧ öpöjöditjö̧ma weena domukwati̧danö badekwachinö waekwobö. Isabenö ¿dakwö badekwachoböda ökwödö domukwati̧danö Isabenö Jo̧ma öpöjöditjö̧ma? Badekwachokobe.

Isaías 46:10

tupakwö baledakwa̧ jawa jweinö yöbawo̧ma. Ötjödasa ajayinö möle yöbawinama, löji möle baledakwa̧ jawama. Jau, damötjö ina badekwachakwa̧ abönö, ja̧ jawa yöbawö, —Omukwatö chujunina jawama, isabenö badekwachakobe, isabenö chösödi̧ jawa badekwachinö chotidakwo̧sa, —jö̧ba̧lö yötawijatö, ja̧danö yöbawajo̧, badekwachinö chotidijatö.

Mateo 14:5

Herodesma Juannö kwabö loobö jö̧a̧linobe, jo̧kwaijayonö jojodöma Juannö isabenö Dios yöawi̧ yöbawo̧ jö̧ba̧lö tjomukwatiökwe, kwabö looböma yeabinobe, Jo̧banö kwabö lotitjö̧ma, jojodö tjölabena, jö̧ba̧lö.

Mateo 21:26

Jo̧kwaijayonö jojodöda wetjinökwe jö̧ba̧lö dataditjö̧ma, jojodö a̧ja̧kwö tjölabena, tjedemi Juanma Dios yöawi̧ yöbawina jö̧ba̧lö tjomukwatobetjö̧— jö̧ba̧lö.

Mateo 27:24

Pilatoma jojodö labinö jwötjeba̧lobe edö, öwaisinobe, Jesúsnö kwabö lotjoko jö̧ba̧lö yöta̧lijayonö, tja̧ja̧kwökena, ja̧danö atjebi̧danö ja̧tökötjö̧ma, ölakwabikwawö tjölabena jö̧ba̧lö. Jo̧kwajabetjö̧, ojwiyo tjichejebobö weinobe, ja̧danö jojodö tjöba a'o ja̧nö ömamiju dichawö jojodönö yöawinobe: —Bite ökwösobu chömamutjö dichö lobo̧sa. Jo̧ba woakwa̧ma ötjö ja̧ti̧maökö, ökwödö ja̧köbaduwi̧da— jö̧ba̧lö.

Marcos 14:12

Ikenama pan 'ye'yeachökö kwakwawa pjiesta abönö möle baibijetö. Ja̧ mölema, bakwöta o̧bakwena, judío jojodöma obeja itji̧nö kwabö lobiabijadötö, bakwasokwena. Jejenö ja̧biabijadötö, Dios jobadö tja'dödömine tjö̧jibinö pjabatö mö öbaledina omukwatö. Ja̧ mölema Jesús öba̧ja̧di̧ waisachadöma ichibö abebö a̧ja̧kwijadötö: —¿Dai di̧'yobö weköba ökwödö dukwakwemima, Dios mö öbaledina omukwatö dukwakwa̧ dotidobö?— abebö a̧ja̧kwijadötö.

Marcos 14:2

Jo̧kwaijayonö, idödada yöba̧lakwawijadötö: —Babema, pjiesta tjujunonö ja̧doko, jojodö tjölabipji— yöba̧lakwawijadötö.

Marcos 14:27

Ikenama Jesúsma öba̧ja̧di̧ waisachadönö jö̧ba̧lö yöbawijetö: —Babe yö̧te ökwödöma okobe deinö ötjönö kakatibaduwakwedöja. Baikwö laeba Dios iwenetjö, Dios yöawi̧ yöawina wȩyudinama: Diosma o̧bȩja̧dönö te'ada̧lo̧nö kwabö loakobe. Ja̧danö, o̧bȩja̧döma wainökwena dötjibajakwedö, jö̧ba̧lö labebobe Dios iwenetjö —yöbawijetö Jesúsma öba̧ja̧di̧ waisachadönö, jobadöma o̧bȩja̧dödanö ja̧dö, jö̧ba̧lö—.

Lucas 20:6

Jo̧kwaijayonö jojodöda wetjinökwe jö̧ba̧lö dataditjö̧ma jojodö a̧ja̧kwö tjölabena. Jojodö tjedemi Juanma isabenö Dios yöawi̧ yöbawina jö̧ba̧lö tjomukwatobe, ja̧danö jejenö tjomukwatobetjö̧, ökwödönö kwabö lobö inawiya tjikwawena— jö̧ba̧lö yötja̧lakwawinobe.

Lucas 22:7

Ja̧danö, pan 'ye'yeachö̧kö̧ kwakwawa ötjabi̧ pjiesta ajayi möle baibinobe, Dios mö öbaledina omukwatö obejanö kwabö tjukwi̧ mölema.

Juan 18:28

Ja̧danö, ju'wi dewachö judío jojodö la'aka luwedöma Jesúsnö öbibö tji̧'yinobe Caifás ejubetjö Roma la'aka luwo̧ Pilato ö̧jobekwö. 'Ya̧jadöma jobe ichibö judío jojodötjobetjö̧ Pilato, judío jojobö̧kö̧ eju okwa tetjachinokobe, sulabedö batjibapji jö̧ba̧lö. Judío jojodö pjiesta tjujuni̧ möle baibena tjukwakobetjö̧ tetjachinokobe, Dios öba a'otjö sulabedö batjibapji, jö̧ba̧lö.

Hechos 19:29

Ja̧danö, ba̧jekwadö Éfesonö ju̧kwadöma labinö jwöbeba̧lö labijadötö. Jwiinö tjölabobetjö̧ Pablokwö ichinadönö, Macedonia jojodönö, Gayonö, Aristarconö do̧batibö tötöbijadötö jojodö tjö̧bajeju jobekwö. Ichibö tebatijadötö jeju okwa.

Hechos 21:38

Egipto jojokö̧, jö̧ba̧lö, chomukwatatö ökwönöma. Belöma, Egipto jojoma sulabenö ja̧inobe. Jo̧bama la'aka luwo̧nö öpöjödö ju'wedönö jwiinö sulabenö yöa̧linobe, la'aka luwo̧nö tjölakwabinö baibanö. Ba̧jekwadö, cuatro mil jenanö sulabedönöma, jojodönö kwabö lobadöma, la'aka luwo̧nö öpöjödö tjölakwabinö ja̧bö öbibö i̧'yinobe, jojodö deobekwö. Ökwöma jo̧badakö̧, jö̧ba̧lö, chomukwatatö— jö̧ba̧lijetö Pablonöma.

Hechos 4:28

Ja̧danö, jobadöma ökwöda ajayinö kwujulunö badedö kwujuninada baledobö ja̧tjinobe— abebijadötö Diosnö.