Mateo 26:49 - Dios Iwene

⁴⁹ Ja̧danö, Jesús ö̧jobe ichibö: —¿Dokwa, ba̧ja̧dakwawa luwo̧?— jö̧ba̧lö, Judasma jweinö Jesús ö̧jobekwö 'ya̧nö ibekasa'wonö du̧atinobe.

Mateo 26:49 Iomraidhean Croise

Génesis 27:26

Ikenama Isaacma jö̧ba̧lijetö itji̧nö: —Ötjö chö̧bobekwö yö̧ne ichibi ötjönö du̧kato chitji̧— jö̧a̧lökwe

2 Samuel 20:9

ja̧danö Amasanö, —Dokwa chömöledöso̧, otiwanö kwö̧ji̧ji̧? —jö̧ba̧lö, ömamu öwaisobekwöchobesamunö Amasa ajesa'ye do̧atinobe, ibekasa'wonö du̧atobö.

Proverbios 27:6

Ja̧danö, ju'wibi yötawa: Kwömöledöso̧ma ökwönö jwebebö yöawena ju'wikwenama 'diena, jo̧ba jwebebö yöawi̧ma. 'Dii̧nö yöawobetjö̧ kwomajadenö niobe ¿jö̧tö̧? Jo̧bekwö niijayonö ökwöma kwömöledöso̧nö kwöwaisökwe, ba̧kwȩlö̧jatebö ötjönö pjabatöda pjabato̧, jö̧ba̧lö. Ökwönö jweinö yöba̧lö pjaatobö ösödobetjö̧ ökwönö jwebebö yöawi̧ma otiwobe. Ja̧danö, kwöpöjojoma ökwönö jweinö yöba̧lö̧kö̧. Jo̧bama ökwönö o̧'wo̧ sulinö edonö omöna ösödöda yöba̧lo̧, kwibekasa'wonö du̧batö. Du̧batö, ösödö yöa̧lijayonö o̧'wo̧ sulinö edöda edobe ökwönöma. Isabenö yötawa: Kwömöledöso̧ 'diinö jwebebö yöawi̧ma kwomajadenö niijayonö isabenö mikwawobe. Isabenö, kwömöledöso̧ 'diinö jwebebö yöawi̧ma kwöpöjojo ösödö du̧batö yöa̧li̧tjö̧ bajalekwönönö mikwawobe.

Mateo 23:7

Kwakwawa iyawejube kwetjachenama, jojodö otiwanö edö, ba̧ja̧dakwawa luwo̧ jö̧ba̧lö jojodö yötja̧lobö ösödadö.

Mateo 23:8

Jo̧kwaijayonö, ökwödöma jobadö ja̧tji̧danöma ja̧bökönaduwi chömöledö. Jojodö ökwödönö ba̧ja̧dakwawa luwo̧ jö̧ba̧lö yötja̧loböma webökönaduwi, ba̧ja̧dakwawa luwo̧ kwuluwo̧duwima bakwo̧daobetjö̧, ja̧danö ökwödö okobe deinö jo̧bada öba̧ja̧dawö̧köbaduwobetjö̧.

Mateo 26:25

Judasbi, Jesúsnö iyö loakwo̧ma Jesúsnö abebö a̧ja̧kwinobe: —Ba̧ja̧dakwawa luwo̧, jejenö yöka̧lajökwema, ötjömaökö, ¿jö̧tö?— jö̧ba̧lö. Aebökwe, Jesúsma atadinobe: —Ökwöda yöka̧lajabe— jö̧ba̧lö.

Mateo 26:48

Jesús ö̧jobekwö tjichibakwa̧ abönö, Jesúsnö iyö loakwo̧ Judasma jobadönö yöawinobe: —Baikwö kwöwaisaduwakwedöja do̧kataduwakwo̧nöma, ibekasa'wonö du̧tatökwenöma, jo̧banöda do̧kataduwo— jö̧ba̧lö.

Marcos 15:18

Butjadajadöma, Dösödonö, jö̧ba̧lö, omöna tjo̧'wo̧ sulinö waneda̧lö obijadötö, Judío jojodö tjuluwo̧ma lekwe ö̧jakwo̧, jö̧ba̧lö.

Lucas 7:45

Ja̧danö, kweju okwa tetachenama, tjömöledönö du̧batö tjösödi̧danöma ötjönö ösödö du̧katökötö, jo̧kwaijayonö bisuma kabatökönö chömasapiya du̧jatajabe.

Juan 19:3

Ja̧danö, jo̧banö omöna tjo̧'wo̧ sulinö waneda̧lö obö, Dokwa judío jojodö tjuluwo̧, jö̧ba̧lö, tjömamijunö kwakwatjinobe.

Juan 4:31

Ja̧danö jobadö, Samaria jojosuju jömöledöma ina tjichonö Jesús öba̧ja̧di̧ waisachadöma jö̧tja̧linobe jo̧banöma: —Ba̧ja̧dakwawa jojo, kwidi— jö̧tja̧lökwe:

1 Tesalonicenses 5:26

Okobe deinö kwömöledöduwi Jesúsnö ösödadönö du̧batö kwösödaduwo, dömöledö Jesúsnö ösödadönö du̧dati̧danö.

1 Samuel 10:1

Ikenama Samuelma o̧tesayu̧ ja'yuayu̧ do̧batö, Saul uunö toebinobe, ja̧danö Saulnö du̧batö yöawinobe, —Isabenö Jo̧ma isabenö ökwönö omudawö ujunajabe, iteda ömöledö israel jojodö la'aka tjuluwo̧ bakibanö. Ja̧danö, baikwö baledakwa̧ yötawakwö, isabenö Dios ökwönö omudawö ujunaja̧ kwöwaisobö: