Mateo 26:40 - Dios Iwene

⁴⁰ Ikenama Diosnö abebajo̧, iteda öba̧ja̧di̧ waisachadö wa̧medukwa tjö̧jibajobekwö ȩwa̧bijinobe. Ichibö, abekwajadönö edinobe, ja̧danö Pedronö abebö a̧ja̧kwinobe: —Ökwödö wa̧medukwama, ¿bakwöta horabi abökönö kwite'ada̧laduwobö jwiköbaduwiji̧?

Mateo 26:40 Iomraidhean Croise

1 Reyes 20:11

Yötja̧lökwe, Israel la'aka luwo̧ Acabma atadinobe, —Kwuluwo̧duwinö yökawaduwo, –Bakwo̧ ölakwabikwawakwa̧ abönö, ajayinö ölakwabikwawa jawa 'duawenama, ujuluwaja̧ wene yöawobö jwibo̧ ina ujuluwokobetjö̧, sule ölakwabikwawaja̧ ikena, ölakwabikwawa jawa 'yobekwajo̧da ujuluwaja̧ wene yöawobö jo̧be, —jö̧ba̧lö.

Mateo 25:5

Ja̧danö, ilekwonö emajo̧ ichakwa̧ tjite'ada̧lijayonö, juluwanö ichinokobe, lekwamachinobe, jo̧kwajabetjö̧ jobadö te'ada̧ladöma bö̧ti̧löjachibawö̧ tjabibinobe.

Mateo 26:35

Yöawökwe, Pedroma atadinobe: —La'akatjöda jejenöma yöta̧lokocha chuluwo̧, ökwökwö wotitjö̧böbi, ¡la'akatjöda jejenö yöta̧lökakwo̧sa!— jö̧ba̧lö yöa̧linobe. Ja̧danö, okobe deinö ju'wedö Jesús öba̧ja̧di̧ waisachadöbi Pedro yöa̧laja̧danö yötja̧linobe.

Mateo 26:38

ja̧danö iteda öba̧ja̧di̧ waisachadönö yöawinobe: —Jwiinö o̧'wo̧ tjo̧acho̧sa, cho̧'wo̧ tjo̧achi̧tjö ö'wö batibenanö— jö̧ba̧lö yöawinobe. Ja̧danö, jobadönö weinobe: —Bena ja̧nö abökönö kwite'ada̧laduwo— jö̧ba̧lö.

Mateo 26:41

Abökönö te'ada̧lö Diosnö akebaduwo, sulabenö ja̧köbaduwojobö jö̧ba̧lö balediawö̧, sulabenö ja̧köbaduwapji jö̧ba̧lö. Kwo̧'wo̧ luwo̧duwitjö isabenö otiwanö ja̧köbaduwobö ösödadöja chömöledö, jo̧kwaijayonö kwiteba'oduwitjö juluwöködöja— jö̧ba̧lö.

Mateo 26:43

Ikenama, yemidanö ȩwa̧bijö, iteda öba̧ja̧di̧ waisachadönö abekwajadönö edinobe, bö̧ti̧lö̧jabobetjö̧.

Marcos 14:37

Jejenö budekwabinö abebö kabatö, öba̧ja̧di̧ waisachadö tjö̧bajobekwö ȩwa̧bijö edemi abö tjöba̧jobe edijetö. Abö tjöba̧jiökwe Pedronö jö̧ba̧lijetö: —Simón, ökwöma ¿kwabiji̧? ¿Ja'yubebi eda̧lö bö̧ködanö kwichejekwiji̧ ökwöma?— abebö a̧ja̧kwijetö.

Lucas 22:45

Ja̧danö, Diosnö abebajo̧ a̧laibinobe, ja̧danö öba̧ja̧di̧ waisachadö tjöjobekwö ȩwa̧bijö, öba̧ja̧di̧ waisachadönö edinobe, o̧'wo̧ tjo̧achö abibajadönö.

Lucas 9:32

Ajayinöma Pedrobi, ju'wedöbi jobadö Jesúskwö yötja̧lakwawobe tjedinokobe, Jesús Diosnö aebonö bö̧ti̧tjö tjabibajobetjö̧. Jo̧kwaijayonö, ina yötja̧lakwawonö wilutjinobe Pedrobi ju'wedöbi, ja̧danö wilubö tjedinobe, Jesús dejatinö ujulubi, jo̧bakwö du̧ju̧taja yöba̧lakwawadönöbi.

Jueces 9:33

Ja̧danö, yȩayi dewachenama, juluwanö comunidad mekibaduwo, ja̧danö Gaalbi ömöledöbi tjölakwabikwawobö latjebenama, ökwöda kwösödi̧danö jobadönö kwujuluwobö ja̧kobe, —jö̧ba̧lö Abimelecnö yötjawobö weinobe Zebulma.