Mateo 26:15 - Dios Iwene

¹⁵ —Jesúsnö iyö lotitjö̧ma, ¿dokwa nöinö kwimidaduwakwa̧da?— jö̧ba̧lö. Aebawö̧, jo̧banö tjimidinobe treinta plata ö̧pi̧biya.

Mateo 26:15 Iomraidhean Croise

Génesis 38:16

Jejenö jö̧ba̧lö, jobuju mana ö'öbö bu̧ju̧nö 'ya̧wibö jö̧ba̧lijetö: —Ötjökwö kwö̧jo— jö̧ba̧lijetö. Wajwibijetö jobujunöma itji̧ ö̧jinokomine ilekwojinajayonö. Jejenö jö̧a̧loko: —¿Dokwa nöinö kwimidenada ökwönö chataditjö̧ma, Jao ökwökwö chö̧jocha, jö̧ba̧lö?— abebö ja̧ja̧kwökwe: —

Éxodo 21:32

Ju'wi wanedö yötawa: Bakayaso̧ma jelo̧ midö eminökwenö, midö eminokonö töbö i'yekanö tibatö loitjö̧ma bakayaso̧ a̧ji̧kwo̧ma plata treinta ö̧pi̧bi̧ya imidobö jo̧be tibatö loökwe uluwo̧nöma. Ja̧danö, bakayaso̧nö kwabö lotjobö jo̧be inawiyanö ikwawö— jejenö webijetö Isabenö Jo̧ma Moisésnö.

Isaías 56:11

Ju'wibi awilidö a̧wi̧chikwadödanö ichejekwadö, israel jojodönö ötjibo jö̧ba̧ladöma. Awi̧li̧dö omeawachibökönö, tupakwönönö kabatibökönö tjukwobö jö̧ba̧ladödanö, idöda tjösödi̧da ja̧tjo̧bö isakwadö. Obejadönö teada̧ladö otiwanö tjajwimunö ötjibi̧danö, tjömöledö israel jojodönö jwebebö ötjibo jö̧tja̧lijayonö, wajwibö, okwa jawa omukwatöködö. Jobadöma otiwanö jwebebökönö, bakwo̧nökwena idöda tjujuna̧lotö jö̧ba̧lö isakwadö.

Mateo 10:4

Ja̧danö Simón Cananeo jojo ötjabökwebi, Judas Iscariote, Jesúsnö iyö lobinabi.

Mateo 26:16

Jo̧kwajabetjö̧, jemi tupakwö Judasma omukwatö isakwinobe, ¿dianö Jesúsnö jobadönö iyö lotakwa̧jö? jö̧ba̧lö.

Hechos 1:18

Jejenö do̧batö ujuninajayonö jelobekwö omukwatinobe Judasma— yöbawijetö Pedroma—. Ja̧danö, jo̧bama Jesúsnö weachina ikenama baikwö baledinobe: Sulabenö iyö loina mikwa baibanö nijima eminobe, itebo baibanö. Ikenama ju'wi möle, jobe nijinö kwebachö, mötjö nijakwö labinö meinobe. Meemi ukwa'wo 'dainobe okobe jwiinö ö'yapiyubi kȩ'achajinö.

1 Timoteo 3:3

Ja̧danö, te'ada̧lakwawa luwo̧ baibanö otidakwo̧ma, 'dukwachinö owa̧lö̧kö̧, ja̧danö, kwakwabakwawö̧kö̧. Wainö ja̧bö jo̧ te'ada̧lakwawa luwo̧ baibanö otidakwo̧ma, jojodönö dösölö̧jinö ja̧bö jo̧. Ja̧danö, ölakwabikwawa jwii̧ jawa ösödo̧. Ja̧danö, iteda nöinö balada emotö jö̧ba̧lö ösödö̧kö̧.

2 Pedro 2:3

Ja̧danö, idöda tjemotö jö̧ba̧lö tjösödobetjö̧, jobadö sulabenö yöbawadöma ökwödönö omöna yötja̧lakobe, ökwödötjö balada tjemo jö̧ba̧lö. Jo̧kwaijayonö Diosma damötjö jobadönö lȩebobö omukwatö ujuninobe chömöledö, ja̧danö isabenö jobadönö lȩebakobe.

Jueces 16:5

Jejenö ösödiawö̧, filisteo jojodötjö inesö la'aka luwedöma Dalilanö yötja̧lakwawobö tji̧'yinobe, ja̧danö ichibajadö yötja̧linobe, —Sansonma ökwönö ösödobetjö̧, waisanö döyötö ja̧köbo, Sanson inesö ujulu jawa ökwönö yöawakobetjö̧, ujuluma detjö ichojobö jö̧ba̧lö. Jejenö ökwödö filisteo jojodö otiwanö jo̧banö dujuluwakwa̧ kwöwaisachibobö ja̧köbo, jo̧banö juluwö, otiwanö dunu'yakobetjö̧, döibajobö jwiinö. Jejenö pjakatitjö̧ma, otiwanö ökwönö dimidakwedösa, ökwödö inesö la'aka luwo̧kwena, bakwo̧nökwena mil cien plata ö̧pibiya dimidakwedösa, —jö̧ba̧lö Dalila pjajatobö atjebinobe.

Jueces 17:10

Atadökwe, Micaiasma abebö yöa̧linobe, —Ötjökwö kwöjo, Diostjö ötjötjö dö̧'da̧de pjabato̧ bakibanö. Jau, chabe'dodanö babibö, dö̧'da̧de pjabato̧ kwotidobö chösöda, ja̧danö jejenö otidö kwö̧jitjö̧ma, otiwanö chimidakwo̧sa, o̧bakwena plata ö̧pi̧biya domulataja jawa ö̧pi̧biya chimidocha, ja̧danö kwö̧ka̧mijido̧ chiyocha, ja̧danö kwu̧kwa kwukwobö chiyocha, —jö̧ba̧lö aebinobe.