Mateo 25:8 - Dios Iwene

⁸ Jejenö ja̧tjenama, waisanö omukwatöködöma waisanö omukwatadönö atjebinobe: Ayö, dejuwa'yu̧sobu jwiobetjö̧ ditea'yu̧ tjo̧wi̧ tiibobe, dejuwa'yu̧sobu kwujuna̧laduwi̧tjö 'da̧batö iyaduwi ökwödönö, tiibapji jö̧ba̧lö, atjebinobe.

Mateo 25:8 Iomraidhean Croise

Diosnö ösödo̧ Job mikwo̧ usula emawina jawa 18:5

—Isabenö ökwödanö sulabedöma, Dios lȩebakwa̧wö̧ Job, baikwö wanedö yötawa: Sulabedö tjidejati̧ dȩju̧wa̧'yuma isabenö tiibakobe, ja̧danö ökwöla, tjönötedaja̧ ökwölama, dejatökakobe.

Diosnö ösödo̧ Job mikwo̧ usula emawina jawa 21:17

Tupakwö yöa̧linobe Jobma: —Yöka̧laduwajabe, –Sulabedöma nöinö usula emawadö, –jö̧ba̧lö, jo̧kwajabetjö̧ baikwö abebö cha̧ja̧kwaduwakwö: Sulabedö tjitea dȩjuwa'yuma, dokwa nöinö tiibobeda? Ja̧danö söbebö loawa jawa, dokwa nöinö baledobeda jobadönö? Ja̧danö dokwa nöinö jobadönö dameakwö ja̧nö, usula tjemawobö weobeda Diosma?

Proverbios 13:9

Ja̧danö, ju'wibi yötawa, wanedö: Dios wei̧ a̧ja̧kwö ju̧kwadöma dȩju̧wa'yu dewinö salöi̧danö dewinö ja̧dö, la'akatjöda tiibököwö̧. Jobekwö tjö̧jokobe sulabenö omukwatadöma. Jobadö sulabenö omukwatadöma dȩju̧wa'yu tiiba'yudanö tiibakwawö̧.

Proverbios 20:20

Ja̧danö, ju'wibi yötawa: Isabenö, tjȩmu̧ma abe'donöbi ojo'dönöbi o̧'wo̧ sulinö edö, mikwawöködö jö̧ba̧lö yötja̧loböma jwiyobe. Ja̧danö, bakwo̧ iteda abe'donö, ojo'donö o̧'wo̧ sulinö editjö̧ma isabenö debö i̧'yakwo̧. Wanedö yötawa: Jo̧bama dȩju̧wa̧'yu tiibi̧danö ö̧ji̧ma tiibökwe, tjabe'donö, tjojo'donö mikwawöködö jö̧ba̧lö tjo̧'wo̧ sulinö edobetjö̧.

Mateo 25:1

Tupakwö yöawinobe Jesúsma: —Baikwö wanedö yötawa Mölejȩbe jo̧ yöbawö weena jawa: Bakwo̧ ilekwonö emajo̧, pjiesta ujuninobe. Pjiesta junö i̧'yakwa̧ abönö, jo̧bakwö pjiesta tjujunakwedö domulataja möayedö ya̧döma, tjitea dejuwa'yu̧ e'ewö jo̧ba ichakwa̧ te'ada̧lö latjebinobe.

Mateo 25:7

Jejenö jwöiawö̧, jobadö domulataja möayedö ya̧döma a̧laibö tjitea dejuwa'yu̧ tjotidinobe otiwanö dejatobö.

Mateo 25:9

Atjebawö̧, waisanö omukwatadöma tjatadinobe: Diyökö. Ökwödönö diyitjö̧ma, ba̧jekwachökena, ja̧danö ditea'yu̧bi tiibena. Ökwödöma bodegabe 'ya̧duwi, ökwödö kwiteaduwa kwemaduwakobetjö̧, jö̧ba̧lö wetjinobe.

Mateo 3:9

Omukwatökönaduwi, Aaa, Abraham i̧tji̧mu tupadanö jojodödobetjö̧, Dios lȩebököwö̧sa, jö̧ba̧lö. Abraham i̧tji̧mu tupadanö jojodö kwö̧jaduwi̧ma mikwawokobe, Dios lȩebi̧tjö kwö̧jibaduwoböma. Diosma isabenö Abraham i̧tji̧mu tupadanö jojodönö pjaatakobe, jo̧kwaijayonö ösöditjö̧ma, biwa inawiyatjö Abraham i̧tji̧mu tupadanö jojodönö otidena, jobadönö pjaatobö.

Lucas 12:35

Tupakwö yöawinobe Jesúsma: —Yemidanö chichakwa̧ te'ada̧lö kwö̧jaduwo chömöledö. Baikwö wanedö yötawa: Bakwo̧ luwo̧ma tji̧lȩkwa̧munö emawa pjiesta junö i̧'yena, ja̧danö jejenö i̧'yitjö̧ma, ömöayedöma ȩwa̧jakwa̧ te'ada̧lö tjö̧jena, ¿jö̧tö? Tjuluwo̧ ȩwa̧jakwa̧ te'ada̧lö, otidadö 'dutjawado̧ kamijido̧ 'dubawajadö, ja̧danö dejewa'yu̧ nötedajadö tjite'ada̧lena, tjuluwo̧ ichibenama juluwanö apjude po̧bebö tetjatobö.

Lucas 16:24

Jobadönö edö, jwöinobe: Chabe'do Abraham, ötjönö lȩlö̧jinö edö, Lázaronö webi, ichö ötö'anö ojwiyo dobeibö, chinenenö 'dȩebobö, ötjöma bola ökwölanö ja̧nö jwiinö usula chemawobetjö̧, jö̧ba̧lö aebinobe Abrahamnö.

Lucas 8:18

Jobekwö wanedö yöawinobe Jesúsma, ja̧danö tupakwö yöawinobe jojodönö: —Chömöledö, isabenö yötawi̧ otiwanö kwa̧ja̧kwaduwobö jo̧be. Yötawi̧ a̧ja̧kwadönöma, Diosma tupakwönönö iyakobe, tupakwöbi tjöwaisachibobö. Jo̧kwaijayonö a̧ja̧kwöködönöma iyökakobe Diosma tupakwö tjöwaisachiboböma. Ja̧danö ju'wibi, tja̧ja̧kwobö tjöpöjödobetjö̧, waisadösa jö̧ba̧lö tjomukwati̧ma, ja̧ tjöwaisi̧bi Diosma 'döebakobe, bakwainö wajwibadö tjö̧jobö— jö̧ba̧lö yöawinobe Jesúsma.

Hechos 8:24

Jejenö jö̧a̧liökwe Simónma jö̧ba̧lijetö: —¡Ayö ötjöwe! Diosnö abebaduwitjö ökwö jö̧ka̧laja̧, ökwöla ububobekwö chi̧'yakwa̧ma baledökakobetjö̧— abebijetö.

Hebreos 4:1

Isabenö chömöledö, yötawaduwakwö. Ina babebi Diosma ösödobe jo̧bakwö ö'wachö döbamatobö, do̧'wo̧ luwo̧nö. Jo̧ba iwene, da'dödöminenö yöbawö ujunina wenema, Ötjökwö ö'wachö bamataduwi, jö̧ba̧lö, ina 'dö̧ibajinokobe. Ökwödönö babe ju̧kwadönöbi Diosma yöbawö ujuninobe ja̧ wene, jo̧bakwö do̧'wo̧ luwo̧nö ö'wachö döbamati̧ wenema. Jo̧kwaobetjö̧ tjöbeba̧lö̧jönö omukwatö di̧'yaduwo, Diosnö ösödö. Jau chömöledö, Diosma ökwödötjö bakwo̧nö edö, Chedemi ötjökwö ö'wachö bamatö jö̧kö̧ja, jö̧a̧lapji jö̧ba̧lö, jo̧banö ösödö tjöbeba̧lö̧jönö omukwatö di̧'yaduwo.

Apocalipsis 3:9

A̧ja̧kwaduwitjö. Kwo̧'wo̧ tjo̧kekwaduwa ökwödönö inia tjököbaduwinö ja̧badönö, judío jojodönöma. Jobadö tjo̧'wo̧ luwo̧ okwanö chöwaisawö̧. Jobadöma judío jojodö tjöbötjachinajayonö, judío jojodöböködödanö babibinadö tjo̧'wo̧ luwo̧nöma, Dios ömöledö batjibinokobetjö̧. Awetja ömöayedöda babibinadö, jo̧ba wei̧ a̧ja̧kwö. Chömöledö, ju'winö ökwödö kwöba a'oduwi ichö, tju̧yu̧ju̧ki̧junö bamatö, tjuu nijakwö bȩbachibö tjubudekwobö ja̧takwo̧sa jobadönöma. Ja̧ mölema jobadöma, ökwödönö edö waisachibö tjubudekwakobe,¡Ayö! Isabenö bidöma Dios ile niebawö̧, jö̧ba̧lö.