Mateo 24:15 - Dios Iwene

¹⁵ Baikwö yötawa inesö mikwawi̧ wene chömöledö, ja̧danö biya̧ yötawi̧ wȩyukwöja yöba̧ladö otiwanö omukwatö yötja̧lobö jo̧be. Dios yöawi̧ yöbawina Daniel mikwo̧ma iwȩyudinobe, inesö suli̧ma Dios ejutjö jojodö teachakwawökȩko̧nö kwedaduwakobe jö̧ba̧lö, ja̧danö jo̧ba iwȩyudinadanö kwedaduwakobe 'dö̧ibaji̧ möle.

Mateo 24:15 Iomraidhean Croise

Daniel 1:6

Jejenö weökwe, Aspenazma tjichejebajawö̧tjö ju'wedönö omudawö ujuninobe, ja̧danö Judá nijitjö omudawö ujunajawö̧tjö ju'wedöma bidö, Daniel mikwo̧bi, Ananias mikwo̧bi, Misael mikwo̧bi, Azarías mikwo̧bi.

Daniel 11:31

Jo̧ba ömöayedö guardia jojodöma Dios eju sulamachibanö ja̧tjakobe. Möletenia Diosnö iyawa katjatibobö weakobe, ja̧danö ju'wibi jwiinö suli̧ jawa Dios ejunö tjujunakobe, Dios ejuma sulabeju baibanö.

Daniel 12:11

Ja̧danö, 'dö̧ibaji̧ möle Diosnö öpöjödo̧ma, möletenia Diosnö iyawa katjatibobö ja̧akobe, ja̧danö inesö suli̧ jawa Dios ejunö ujunakobe. Ja̧ möle ikena, mil doscientos noventa möle baledakobe, 'dö̧ibakwa̧ abönö.

Daniel 9:23

Ajayinö Diosnö lȩlö̧jinö edobö jamatö akebenama, Diosma iteda yöawi̧ ökwönö weatö, ja̧danö ökwönö yöbawö chichajabe. Jau Daniel, Dios jwiinö ösödökweja, ja̧danö ökwönö yötawobö weajabe. Jo̧kwajabetjö̧ Dios ökwönö yöawi̧ a̧ja̧kwi, ja̧danö Dios i̧sebina jawa kwöwaisachibobö labebö lobö yötawocha— jö̧ba̧lö yöawinobe Gabrielma.

Daniel 9:25

Baikwö kwöwaisobö jo̧be Daniel, la'aka luwo̧ma yemidanö Jerusalén comunidad tjotidobö weakobe, ja̧danö ja̧ weaja̧ ikena, cuarenta y nueve o̧biya baledakobe, otidö katjatenanö baibanö. Jerusalén comunidadnö yemidanö mana tjotidakobe, ja̧danö comunidad söpödö sobö ojwe tjönakobe, tjöpöjojodö ichibö tjujuluwapji jö̧ba̧lö. Jejenö otidajadö, cuatrociento treinta cuatro o̧biya baledibanö comunidad söbebö lotjökakobe, jo̧kwaijayonö söbebö lötjököjayonö, ina nöinö wene baledakobe. Ja̧danö ja̧ cuarenta y nueve o̧biakwö, cuatrociento treinta y cuatro o̧biakwö baledibajenama, la'aka luwo̧ Dios weakwo̧ jö̧a̧linökwema ichibakobe.

Daniel 9:27

Jemi ikenama tupakwö ichakwo̧ inesö la'aka luwo̧ma ba̧jekwadö jojodökwö isabenö ja̧tja̧kwa̧ yöbawö tjujunakobe, jelemutjö döbalataja o̧biya baledibanö bejenö otiwanö ja̧dakwedösa jö̧ba̧lö. Ja̧danö, ajayinöma otiwanö ja̧akobe, ja̧danö jojodö otiwanö Diosnö tjiyobö weakobe, yöbawö ujunaja̧danö. Jo̧kwaijayonö ja'ö, wa̧pötakwa o̧biya ja'ö baledibajenama, sulabenö ja̧akobe. Diosnö iyawa katjatibobö weakobe, Diosnö kwabö juwö iyawabi, ju'wi Diosnö iyawabi. Ja̧danö Dios ejutjö bajalesa'onö, inesö suli̧ jawa o̧'wo̧ jawa jojodö tjösödobö ujunakobe. Ja̧danö o̧'wo̧ jawama jenada ja̧kobe, bajalianö Dios lȩtebocha jö̧ba̧lö yöbawö ujuninadanö sulabenö junajo̧nö lȩbebö loenanö kabatö— jö̧ba̧lö yöawinobe Dios weökwe ángel Gabrielma, Daniel ömöledö Israel jojodönö baledakwa̧ma.

Mateo 24:16

Ja̧danö, jejenö kwedaduwenama, Judea nijinö ju̧kwadöma juluwanö mö'ösa'ijube dötjibajobö ja̧kobe.

Marcos 13:14

Ja̧danö, ina yöbawijetö: —Jejenö baledonö jelo̧, jwiinö sulabenö ja̧bo̧ma Dios eju okwa tebachajo̧ tupakwö jojodö teachakwawökȩko̧nö tebachö ö̧bakobe, jojodö tetjachoböma jwiȩko̧nö. Ja̧ baledi̧ kwedaduwenama, kwöwaisaduwakobe, Tjo̧wi̧, sulabenö baledakobe, jö̧ba̧lö. Ja̧ mölema mö'ösa'okwö dökibajaduwo. Ja̧danö, biya̧ chiwȩyudi̧danö baledi̧ma kwedaduwena waisinö eda̧lö kwomukwataduwo— jö̧ba̧lö yöbawijetö—.

Lucas 19:43

Jau, kwöpöjödaduwobetjö̧, isabenö ja'yubeda lekwajabetjö kwöpöjojodöma ichibö tjösawö suli̧ tjöwaedakobe ökwödönö. Kwöpöjojodöma tjöekwemi otidö tjujunakobe, dökibaduwapji jö̧ba̧lö, ja̧danö tjösawibö okobe jwiinö ökwödönö metji̧bakobe.

Lucas 21:20

Tupakwö Jerusalén comunidad söbebö lotjakwa̧ jawa yöawinobe Jesúsma: —Chömöledö, Jerusalén comunidad ö'öbönö guardia jojodö tjösawibö tjuju̧kwobe kwedaduwenama, kwöwaisaduwakobe, tjo̧wi̧ juluwanö Jerusalén comunidad söbebö lotjakobe jö̧ba̧lö.

Juan 11:48

Jo̧kwada deda̧litjö̧ma okobe deinö jo̧banöda tjösödena, Bitema Dios weinökwe ökwödö duluwo̧ baibobö, jö̧ba̧lö. Ja̧danö, jo̧banöda tjösödiawö̧ romano jojodö jwiinö tjölabobetjö̧ tjuluwedö ichö Dios ejuma 'dobö lotjena. Ja̧danö, ökwödö judío jojodönöbi söbebö lotjena— yötja̧lakwawinobe.

Hechos 21:28

Ikenama Pablonö do̧batö labinö jwöbeba̧lö jö̧ba̧lijadötö tjömöledö Israelnö ju̧kwadönö: —Chömöledö, ökwödönö a̧ja̧kwaduwi. Bite sulabo̧nö inia tjöinö ja̧dobö pjabataduwi. Bitema okobe jwiinö jojodö tjuju̧kwobe 'ya̧nö sulabenö yöbawo̧ ökwödönöma, judío jojodönöma, Judío jojodöma sulabenö ja̧badö, jö̧ba̧lö. Ju'wibi, Moisés weinama mikwa jwii̧, jö̧ba̧lö, yöbawo̧. Dios ejubi mikwawökeju, jö̧ba̧lö, yöbawo̧ bitema. Ju'wi jawabi ja̧inobe, a̧ja̧kwaduwi. Bitema judío jojodöböködönö teatinobe Dios eju okwa, suli̧ jwiemima sulabeju baibanö ja̧bö— jö̧ba̧lijadötö.

Hechos 6:13

Ja̧danö, ju'wedönö webijadötö omöna yöbawö jwötjeba̧lobö. Jobadöma omönanö yöbawijadötö: —Bitema kabatökönö sulabenö obö yöa̧lobe Dios ejubi, Dios weina Moisés iwȩyudinabi—yöbawijadötö.

Hebreos 2:1

Isabenö chömöledö, döwaisa. Ökwödöma Dios Itji̧ yöawinatjöda da̧ja̧kwijatö Dios yöawina ökwödönöma. Jau, Dios Itji̧, jwiinö inesö jo̧, ángelesdönötjöbi o̧penönö inesö jo̧ yöawinatjöda da̧ja̧kwijatö Dios yöawinama. Ja̧danö, Dios yöawina jejenö da̧ja̧kwobetjö̧ Dios Itji̧ yöawina tjöbeba̧lö̧jönö omukwatö di̧'yobö jo̧be chömöledö. Isabenö, tjöbeba̧lö̧jönö omukwatö di̧'yobö jo̧be, Ökwödöma Dios Itji̧ otiwa jawa wene, dö̧jibinö pjabatö yöawina wene ösödadösa, jö̧ba̧lö. Chömöledö, ja̧ Dios Itji̧ yöawina dösödi̧ma do̧'wo̧ luwo̧ okwanö do̧tjati̧danö do̧batö di̧'yaduwo jö̧ta̧la. Isabenö chömöledö, Dios Itji̧ yöawina do̧'wo̧ luwo̧ okwa do̧batö di̧'yaduwo, jo̧batjö 'da̧bachibö jelobekwö omukwatö di̧'yapji jö̧ba̧lö, jo̧ba yöawina öpöjödö.

Apocalipsis 1:3

Chömöledö, biya̧ chiwȩyudi̧ma baledakwa̧ jawa. Ja̧danö, ja̧ baledakwa̧ma lekwokobe. Ja̧danö, biya̧ chiwȩyudi̧ eda̧lö ömöledönö yöbawadöma tjo̧'wo̧ ösöwanö tjö̧jakwedö. Ja̧danö, biya̧ chiwȩyudi̧ a̧ja̧kwadöbi tjo̧'wo̧ ösöwanö tjö̧jakwedö. Ja̧danö, biya̧ chiwȩyudi̧ weawa jawa a̧ja̧kwö ja̧badöbi tjo̧'wo̧ ösöwanö tjö̧jakobe. Jau, tjo̧'wo̧ ösöwanö tjö̧jakobe, biya̧ chiwȩyudi̧ baledakwa̧ma, Tjo̧wi̧ yöneawachobe, jö̧ba̧lö, waisö tjö̧jobetjö̧.

Apocalipsis 3:22

Chömöledö, a̧ja̧kwaduwi böja wȩyudi̧ma, Dios O̧'wo̧ Luwo̧ yöbawö wei̧ okobe deinö ötjönö ösödö ko̧ko̧kwa̧lö tjö̧baji̧tenia, jö̧ba̧lö yöawobe Isabenö Yöbawo̧ma ökwödönöma— jejenö jö̧ba̧lö, chedökwema weijatö ötjönöma, iteda yöawi̧ wȩyudö wetobö Laodicea jojodötjö itenö ösödadönö te'ada̧lakwawa jojonö, ite'ada̧lawö̧nö yöawobö.