Mateo 23:37 - Dios Iwene

³⁷ Jesúsma Jerusalénnö ju̧kwadönö o̧'wo̧ tjo̧achö yöa̧linobe: —Ökwödö Jerusalénnö ju̧kwadöwe. Ökwödöma Dios yöawi̧ yöbawadönö kwabawö lobadöja, ja̧danö ökwödönö yötjawobö Dios weawö̧nö inawiya ikwawö lobadöja. Isabenö nöinö ökwödönö wo̧batö chite'ada̧lobö chösödijatö, akalasuju ji̧tji̧munö jo̧wa̧ja̧pa̧ teebe ko̧ko̧dö junö jite'ada̧li̧danö, jo̧kwaijayonö kwöpöjödaduwobe.

Mateo 23:37 Iomraidhean Croise

Isaías 5:4

Kwedaduwemi, ajayinö chotidinatjö bajalekwönönö chöbatjo chotidobö ji̧naji̧? Ja̧maökö, okobe jwiinö chotido jö̧ta̧lina jawa otiwanö chotidijatö, jö̧tö? Ja̧danö, jobekwö otiwanö chotidinobetjö̧, uba waji̧ otiwi̧ wa̧jobö ji̧nobe, jö̧tö? Jo̧kwajabetjö̧ baikwö abebö cha̧ja̧kwaduwakwö: Uba waji̧ otiwi̧ wa̧jobö chiteada̧lemi, tajawedö sule suli̧ tebo jawa wa̧ji̧da pokwinada? Jobekwö suli̧ jawada pokwobö jwiinobe, jö̧tö?

Isaías 50:2

Ja̧danö ökwödönö pjatatotö jö̧ba̧lö chichenama, tajawedö deköbinaduwada? Ökwödönö jwötenama, tajawedö bakwo̧bi atadinököda? Kwö̧jibaduwinö pjatatobö chujuluwokobetjö̧, pjatato jö̧ta̧linama waekwinaji̧? Ja̧maökö chömöledö, isabenö juluwo̧sa. Yöba̧löda jwaibalawa webö, —Kököbachibi, —jö̧ba̧lö wetitjö̧ma, juluwanö kököachibawa. Ja̧danö ojwebiya lamatemi kököachibobö wetitjö̧ma, juluwanö kököemi baibanö balewachobe, ja̧danö okwa lö̧ji̧nadö ba̧i̧ma, juluwanö ö'wö babibö woinö 'dö̧ekwobe.

Mateo 22:3

Iteda ömöayedönö weinobe, ajayinö a̧debinawö̧nö yötjawobö, Tjo̧wi̧ pjiesta dujunobö jo̧be, ichaduwi, jö̧ba̧lö. Jo̧kwaijayonö tjichoböma tjöpöjödinobe.

Mateo 22:6

Ja̧danö, ju'wedöma jobadö la'aka luwo̧ ömöayedönö do̧batö kwakwatjinobe, ja̧danö jobadönö kwabö lotjinobe.

Mateo 23:30

Jejenö otidö, yökawaduwobe: Aaa, damötjö da'dödö tjö̧jayi dö̧jinatjö̧ma, jobadö bidönö sulabenö kwabö lotjinadanöma kwabö lodinökena, jobadö yötjawi̧ dösödo jö̧da̧linena, jö̧ba̧lö.

Mateo 23:31

Jo̧kwaijayonö, jejenö yökawaduwenama, öwaetjöda kwi̧sebaduwobe, ökwödöma isabenö Dios yöawi̧ yöbawadönö kwabö lobinadö tji̧tji̧mu tupadanö jojodösa jö̧ba̧lö.

Lucas 15:28

Yöa̧liökwe, abönö pöema ödameakwinobe, ja̧danö tebachö pjiesta ujunoböma öpöjödinobe. Öpöjödiökwe, abe'doma labebö itji̧nö budekwödanö aebinobe, tebachö ju'wedökwö o̧'wo̧ ösöwanö pjiesta ujunobö.

1 Tesalonicenses 2:15

Jau chömöledö, jobadö judío jojodöma Dios yöawi̧ yöbawadönö kwabawö lotjinobe, ja̧danö Duluwo̧ Jesúsnöbi kwabö lotjinobe, ja̧danö ökwödönöbi labinö a'dewö lotjinobe. Dios öpöjödinö ja̧badö jobadöma chömöledö, ja̧danö okobe deinö jojodö tjöpöjojodödanö tjichejekwobe jobadö judío jojodöma chömöledö.

Apocalipsis 17:6

Ja̧danö, jobujunö edö, Dukwachokodanö bu̧ju, jö̧ba̧lö, chomukwatijatö. Chedemi, Bisuma Dios ömöledö babibinadö, Jesúsnö tjösödi̧ yötjawobetjö̧ kwabawö lotjinawö̧ tjökwösobutjöda owö 'dukwachokodanö bu̧ju, jö̧ba̧lö, chomukwatijatö. Jobujunö edinö, ¡Ayö! jö̧ba̧lö, chöbajale jalaka ja̧nö cheda̧lijatö.