Mateo 23:3 - Dios Iwene

³ Jo̧kwajabetjö̧ jobadö tjöba̧ja̧di̧ a̧ja̧kwö, wetji̧danö ja̧bö kwö̧jaduwo chömöledö, jo̧kwaijayonö ja̧bö tjö̧ji̧danöma ja̧bö kwö̧jaduwoko, jobadöma tjöba̧ja̧di̧danö ja̧bö tjö̧jokobetjö̧.

Mateo 23:3 Iomraidhean Croise

Éxodo 18:23

Moisés, Diosma jejenö ju'wedönö pjatjatobö 'da̧batö kwujunobö webo̧. Jo̧kwaobetjö̧ jejenö 'da̧batö kwujunitjö̧ma otiwanö kwö̧jena, me'dawachibö 'dö̧kachibökakobe. Ja̧danö, ju'wedöma pjatjatitjö̧ma, wene juna̧ladö yötja̧lakwawi̧ a̧ja̧kwö, wene juna̧ladöma lekwema te'ada̧lökönö wene jwiinö tjȩwa̧jakobe— jö̧ba̧lijetö Moisés öjaba Jetroma, Moisésnö yöbawö pjabatö.

Mateo 21:30

Ikenama, abe'doma abönö pöe öjawo̧nö weinobe: Chitji̧, chöbatjo kwotido, jö̧ba̧lö. Weökwe: Jau, chotidaja, jö̧ba̧lö atadinobe. Jo̧kwaijayonö, jejenö atadijayonö, otidöma i̧'yinokobe.

Mateo 23:2

—Moisés iwȩyudina ba̧ja̧dadöbi, fariseo jojodöbi ökwödönö webö tjö̧jobe, ¿jö̧tö? Jau chömöledö, jobadöma Moisés jojodönö webö ö̧jinadanö babema jobadöda Moisés iwȩyudina jawa ökwödönö wetjobe, ¿jö̧tö?

Mateo 23:4

Jobadö jojodönö wetji̧ baikwö wanedö yötawa: Ömöki̧ jawa ko̧ko̧dibö di̧batö, jojodö tjöböbe'onö tjöwanobedanö ichejekwa tje'ewobö, jo̧kwaijayonö jojodö tje'ewobö wetjijayonö, ja'yubebi jojodö tje'ewoböma pjabatöködö. Sule weba̧löda wetjobe jojodönö, pjabatökönö.

Hechos 5:29

Jejenö jö̧a̧liawö̧ Pedroma ju'wedö Jesús webawedöbi jö̧ba̧lijadötö: —Ökwödöma Dios wei̧da a̧ja̧kwadösa. Böjȩnö jojodö wainö wetji̧ma, Dios weidanömaökö wetji̧ ja̧doböma jwiobe yelösöda.

Romanos 13:1

Chömöledö, la'aka luwedö wetji̧ ja̧bö kwö̧jaduwo, Diosda jobadönö kabebö ujuninobetjö̧. Jau chömöledö, Diosda inesö la'aka luwo̧ma, ja̧danö jo̧bada okobe deinö böjȩ luwedönö kabebö junina.

Deuteronomio 4:5

—Isabenö ökwödönö yötawi̧ a̧ja̧kwö kwö̧jaduwobö jo̧be chömöledö, baikwö yötawa: Okobe jwiinö chuluwo̧ Isabenö Jo̧ Dios ötjönö weinama, jweinö balewö lobökönö ökwödönö webö yötawobe, baikwö ja̧bö kwö̧jaduwo, jö̧ba̧lö, kwiteboduwinö kwö̧jaduwenama, Dios wei̧danö otiwanö a̧ja̧kwö kwö̧jaduwakobetjö̧.

Deuteronomio 5:27

Ja̧danö, jejenö yedabobetjö̧, ökwönö adebakwö Moises, Ökwöda duluwo̧ Isabenö Jo̧ Dios ö̧jobekwö jo̧dawa'ye kwi̧'yo, ökwöda okobe jwiinö yöawi̧ kwa̧ja̧kwobö. Ikenama a̧ja̧kwajo̧, okobe jwiinö duluwo̧ Isabenö Jo̧ Dios ökwönö yöawaja̧ jawa, ökwöda tupakwö ökwödönö yökawo. Ja̧danö, isabenö yökawakwa̧ da̧ja̧kwakwedösa, ja̧danö a̧ja̧kwajadö, yökawaja̧danö ja̧dakwedösa, –jö̧ba̧lö akebinaduwobe.

2 Timoteo 3:5

Jobadöma wamenö Diosnö ösödadödanö tjichejekwakobe Timoteo, jo̧kwaijayonö jejenö tjichejekwijayonö, okwanö tjöpöjödakobe, Dios ujulu jwia jö̧ba̧lö. Jobadötjö 'da̧bachibö ja̧wi Timoteo,

Tito 1:16

Jobadöma, Aaa, Diosnö waisadösa. jö̧ba̧lö yötjawijayonö, ja̧tji̧ma wainö i̧sebö yöbawadö, Diosnö öpöjödadösa, jö̧ba̧lö. Ja̧danö, jobadöma sulabedö, Dios wei̧ a̧ja̧kwökönö ja̧badö, ja̧danö ja'yubebi otiwanö ja̧bö tjuju̧kwoböma jwibadö.