Mateo 23:16 - Dios Iwene

¹⁶ Isabenö usula kwemawaduwakwedöja ökwödö kwöbajaleduwi tjewawadödanö jojodönö sulabenö öbibadöma. Baikwö sulabenö ba̧ja̧dadöja: Bakwo̧ Dios eju wanedö iteda isabenö ja̧akwa̧ wene yöbawö ujunitjö̧ma, mikwawokobe, jö̧a̧li̧nadanö ja̧ököjayonö wene jwia, Dios lȩebökena jö̧ba̧lö. Jo̧kwaijayonö Dios ejutjö ji̧ oro wanedö isabenö ja̧akwa̧ wene yöbawö ujunitjö̧ma, jö̧a̧laja̧danö ja̧obö jo̧be, Dios lȩebapji jö̧ba̧lö.

Mateo 23:16 Iomraidhean Croise

Isaías 9:16

Jau, israel jojodö tjuluwedöma sulabenö ötjibajabe israel jojodönö, ja̧danö jobekwö sulabenö ötjibiawö̧, tjömöayedö israel jojodöma wajwibö omukwatadö, —Otiwanö omukwatakwawama, diyajö, —jö̧ba̧lö.

Mateo 23:13

Tupakwö yöawinobe Jesúsma: —¡Ökwödö Moisés iwȩyudina ba̧ja̧dadö ja̧danö fariseo jojodöwe! Ökwödö dötölatajanö omukwatadöma isabenö usula kwemawaduwakwedöja, Dios la'aka luwo̧ ö̧jena teachakwawemi pje'data̧lö tjöbeba̧lö kwö̧jaduwobetjö̧. Ökwödöma Dios la'aka luwo̧ ö̧jena tebachöködöja, ja̧danö ju'wibi ju'wedö Dios la'aka luwo̧ ö̧jena tetjachapji jö̧ba̧lö tjöbeba̧ladöja.

Mateo 23:17

¡Tjöbajale tjewawadödanö wajwibadöja! Ja̧ oroma, sule Dios eju okwa jo̧betjö̧ wainö ji̧, ¿jö̧tö? Jo̧kwajabetjö̧ ¿diya̧da bajalekwönönö mikwawi̧ma, oroena, wainö ji̧ baibanö ja̧eju Dios ejuena?

Mateo 23:19

¡Isabenö kwöbajaleduwi tjewawadöja! ¿Diya̧da bajalekwönönö mikwawi̧ma, Diosnö iyawaena, Diosnö iyawa baibanö ja̧pjo Diosnö iyawapjoena?

Mateo 23:24

jo̧kwaijayonö ökwödö kwöbajaleduwi tjewawadö jojodönö öbibadöma, Dios weina jawatjö ju'wi jaye otiwanö ja̧köbaduwijayonö, inesö mikwawi̧ weawa junibadöja. Ja̧bö kwö̧jaduwi̧ma baikwö wanedö yötawa: Kwowaduwakwa̧ abönö ojwiyoma te'ada̧lönö pjebatadöja, 'do̧jwiyanö kwö̧kataduwapji jö̧ba̧lö, jo̧kwaijayonö 'do̧jwiyanö kwö̧ka̧taduwököjayonö, omukwatökönö nöbo̧nö kameyunö ö̧katadöja ichejekwa, inesö mikwawi̧ Dios weina jawa ja̧bö kwö̧jaduwokobetjö̧— jö̧ba̧lö yöawinobe Jesúsma.

Mateo 23:26

Ökwödö kwöbajaleduwi tjewawadö fariseo jojodönö baikwö wanedö yötawa: Dȩja̧'do̧ma abönö okwa kwidichaduwo, ja̧danö jemi ikenama wamenöbi yȩi̧ jwiinö baibakobetjö̧.

Gálatas 5:3

Yemidanö baikwö labebö lobö yötawa chömöledö: Bakwo̧ Dios jo̧banö ösödo jö̧ba̧lö ötade bajalesado̧ 'wiekwa jawa ja̧itjö̧ma, sule ja̧damaökö chömöledö, ja̧ 'wiekwa jawabi, okobe jwiinö Dios weina Moisés iwȩyudina ja'yubebi junibökönö ja̧obö jȩna, ja̧tjö Dios jo̧banö ösödo jö̧ba̧lö.

Santiago 5:12

Ja̧danö chö̧ja̧wo̧dö, a̧ja̧kwaduwitjö jwiinö mikwawi̧ yötawi̧ma, biya̧: Yöbawö kwujunaduwena, Jau jejenö ja̧tocha, jö̧ba̧lö, ju'wi wanedakwawö yökawaduwoko. Yökawaduwoko, Omönada yöta̧litjö̧ma, mölejȩbe jo̧ Dios ötjönö lȩebotjö, jö̧ba̧lö. Jejenö wanedakwawö yökawaduwoko chö̧ja̧wo̧dö. Ja̧danö, jelo̧nöbi böjȩnö kwuluwo̧duwinö wanedakwawö yökawaduwoko, Böjȩtjö chuluwo̧ma ötjönö lȩebo omönada yöta̧litjö̧ma, jö̧ba̧lö. Yelösöda jejenö yöka̧laduwoko. Chö̧ja̧wo̧dö jweinö yöka̧laduwo, Jejenö ja̧tocha, jö̧ba̧lö. Ja̧danö, ja̧köbaduwoböma jwiitjö̧ma jweinö yöka̧laduwo, Jejenö ja̧tökakobe, ja̧toböma jwia, jö̧ba̧lö.