Mateo 22:4 - Dios Iwene

⁴ Tjichiökökwe, yemidanö ju'wedö iteda ömöayedönö weinobe yötjawobö, Pjiestama tjo̧wi̧ dukwobö jo̧be, pa̧ka̧yö̧ ömadönö, ja̧danö pa̧ka̧yö̧ tji̧tji̧mu o̧tewadönö ida̧ökö kwatajabe dukwobö, okobe jwiinö ida̧ökö jo̧be dukwobö, ichaduwi, jö̧ba̧lö.

Mateo 22:4 Iomraidhean Croise

Proverbios 15:17

Ju'wibi yötawa, wanedö: Tjömöledöma wene jwiinö, ösödabikwawö ba̧nö tjukwobe. Ja̧danö jobadöma kwakwawa nöinöma jwibadö. Tjukwi̧ma tjöbatjotjö tju̧juninatjö̧ ja'yubeda juna̧ladö. O̧tewo̧ itebiyabi, ju'wi söi̧ jawabi jwibadö. Isabenö, nöinö kwakwawa jwiijayonö jobadöma tjo̧'wo̧ ösöwanö kwanö ba̧jadö, ösödabikwawö ba̧nö tjukwobetjö̧. Isabenö yötawa: Tjömöledökwö wene jwiinö, ösödabikwawö ja̧döma tjo̧'wo̧ ösöwanö ja̧dö. Jobekwö tjö̧jokobe ju'wedö, tjö̧möledökwö ölakwabikwawö ja̧döma. Jobadö tjö̧möledökwö ölakwabikwawö ja̧döma tjo̧'wo̧ ösöwanö jö̧ködö. Jobadöma ba̧nö tjukwenama yelösöda kwakwawa okobe jwiinö o̧tewo̧ itebiyabi, ju'wi söi̧ jawabi tjukwakwa̧ juna̧ladö. Jobekwö tju̧juna̧li̧jayonö jobadöma tjö̧möledökwö ölakwabikwawö tjö̧jobetjö̧ tjo̧'wo̧ ösöwanö jö̧kö̧dö. Ja̧danö ¿di̧yatjö̧ mikwawobeda? Tjömöledökwö ösödabikwawökö̧, ja̧danö nöinö kwakwawakö̧ jö̧ba̧lö ¿di̧yatjö̧? Isabenö yötawa: Tjömöledökwö ösödabikwawö tjö̧ji̧ma jwiinö mikwawobe.

Mateo 21:36

Jo̧kwajabetjö̧ batjo luwo̧ma balekwedönö ju'wedönö iteda ömöayedönö, ajayitjö bajalekwönönö ba̧jekwadönö weinobe, jo̧kwaijayonö ajayinö sulabenö ja̧tjinadanö yemidanö jobadönöbi sulabenö ja̧tjinobe öbatjo öbalewajawö̧ma.

Mateo 22:5

Jo̧kwaijayonö, jejenö tja̧debawö̧, tja̧ja̧kwinokobe, ja̧ pjiestama mikwawökö ji̧ jö̧ba̧lö, ja̧danö idöda tjomukwati̧da ja̧tjinobe. Bakwo̧ma iteda öbatjobe otidö i̧'yinobe, jelo̧ma iteda itea bodega otidö i̧'yinobe.

Mateo 22:8

Ikenama, iteda ömöayedönö jwöbö yöawinobe: Chitji̧ ilekwonö emawa pjiesta tjo̧wi̧ dukwobö jo̧be, jo̧kwaijayonö cha̧debinawö̧ma mikwawöködö pjiesta tjukwoböma.

Lucas 14:17

Ja̧danö, ida̧ökö tjukwobö baibenama, iteda ömöayo̧nö weinobe, a̧debajawö̧nö yöawobö: Tjo̧wi̧ kwukwaduwobö jo̧be, ichö kwaduwi, jö̧ba̧lö.

Hechos 1:8

Jo̧kwaijayonö biya̧da, kwöwaisaduwobö yötawa. Ökwödöma Dios ujulu kwujuna̧laduwakobe, Dios O̧'wo̧ Luwo̧ ökwödö kwo̧'wo̧ luwo̧duwinö tebachibö öjamataja̧ ikena. Ja̧danö, ötjö yötawina wenema otiwanö yökawaduwakwedöja. Bemi Jerusalénnöbi, ju'wi okobe jwiinö Judea nijinöbi, Samaria nijinöbi yökawaduwakwedöja. Jelobe jelobebi böjȩ bakwameachibanö yökawaduwakwedöja— jö̧ba̧lijetö Jesúsma öba̧ja̧di̧ waisachadönöma.

Hechos 13:46

Jejenö tjöpöjödiawö̧ Pablo, Bernabé yebabökönö atada̧lijadötö jobadönö: —Ökwödöma abönö yödawo jö̧da̧lijatö Dios iwene ökwödönöma, judío jojodönöma. Jo̧kwaijayonö ¿dakwö yödawobö kwöpöjödaduwobema? Jejenö kwöpöjödaduwobetjö̧ Dioskwö ba̧kwȩlö̧jatebö kwuju̧kwaduwoböma ökwödöma jwiobe. Yötawaduwakwö: Ja̧ ba̧kwȩlö̧jatebö kwuju̧kwaduwobö jwii̧ma ökwödöda jawada. Jejenö kwöpöjödaduwajabetjö tjo̧wi̧kwada, ju'wedö jojodönö yödawakobe, judío jojodöböködönöda.

Romanos 8:32

Jau chömöledö, Diosbi, ökwödönö suli̧ waedö̧kö̧ chömöledö, pjabatöma otiwanö pjabato̧. Jo̧bama, a̧'dȩlökönö iteda itji̧nö iyinobe, dö̧jibobö, ¿jö̧tö? Ja̧danö, ökwödönö ile nibebö, iteda itji̧nö iyinobema, jemi tupakwö, ¿okobe jwiinö otiwa jawa iyökenaji̧ chömöledö? Iyena chömöledö, ökwödönö ile niebobetjö̧.