Mateo 22:19 - Dios Iwene

¹⁹ Baladasapi̧, impuesto jawasapi̧ i̧sebitjö— jö̧ba̧lö atadinobe. Jejenö atadawö̧, baladasapi̧ tjichejebinobe,

Mateo 22:19 Iomraidhean Croise

Mateo 17:25

Atjebökwe: —Jau, jo̧babi ja̧ balada mido̧— jö̧ba̧lö atadinobe Pedroma. Ikenama, Pedro ejube ichibenama, Pedro ja̧ jawa yöa̧lakwa̧ abönö Jesúsma Pedronö abebö a̧ja̧kwinobe: —Simón, ¿dakwö kwomukwata? Böjȩtjö la'aka luwedöma, impuesto midawa wetjenama, ¿didönö wetjobeda, impuesto jawa baladabi, ju'wi jawa baladabi tjimidobö? ¿Idöda tji̧tji̧munö wetjiji̧? ¿Ju'wedönöda wetjiji̧?— jö̧ba̧lö.

Mateo 18:28

Ikenama, umusidi̧ söbebö loajökwema uluwo̧ ö̧jelö labebajo̧, iteda uluwo̧ ömöayedötjö jelo̧nö edinobe, umusidi̧ söbebö loajökwenö ja'yubeda balada musido̧nö. Jo̧banö edö, do̧atinobe, ja̧danö u̧lume'anö do̧batö, Babeda ötjönö kwumusidi̧ miditjö, jö̧ba̧lö weinobe uluwo̧ umusidi̧ söbebö loajökwema.

Mateo 20:2

Tjotidakwedönö badekwajo̧, jobadökwö yöba̧lakwawö ujuninobe imidakwa̧, bakwöta möle tjimidajiyadanö imidobö, ja̧danö ikenama jobadönö weinobe ubasayu tjotidobö.

Mateo 22:18

Jejenö atjebijayonö, Jesúsma sulabenö tjomukwati̧ öwaisinobe, ja̧danö jobadönö atadinobe: —Ökwödöma sulabenö dötölatajanö omukwatadöja. ¿Tajawedö sulabenö chatadojobö jö̧ba̧lö abebö kwa̧ja̧kwaduwobeda?

Mateo 22:20

ja̧danö Jesúsma jobadönö abebö a̧ja̧kwinobe: —Bipi̧ma, ¿ti öba ba̧pi̧da, ja̧danö ti imi laebapi̧da?— jö̧ba̧lö abebö a̧ja̧kwinobe.

Marcos 12:16

Jejenö jö̧a̧lawö̧ i̧sebijadötö baladapi̧. Jesúsma ja̧pi̧ edö jö̧ba̧lijetö: —Bipi̧ baladapi̧nöma ¿ti o̧'wo̧ jawa bo̧beda? ¿Ti imi wȩyukwa bo̧beda?— abebö a̧ja̧kwawö̧ jobadöma atadijadötö: —Roma la'aka luwo̧ o̧'wo̧ jawa bo̧be— atadijadötö.

Apocalipsis 6:6

Ikenama iwene ökwöi̧ cha̧ja̧kwijatö, tjöbajalebiya a̧tja̧bayedöda ju̧kwawö̧ tjuju̧kwemi ö'wejetjö ökwöobe. Biya̧ iwene ökwöi̧ cha̧ja̧kwijatö: —A̧wi̧chö̧lö̧ji̧ baledakobe. Baledena kwakwawama 'dö̧ibajakobe okobe deinö jojodö tjukwoböma. Ja̧danö, kwakwawa nöinöma jwiobetjö̧, nöinö mikwawakobe. Bakwöta möle otikwa jawabi emawökakobe, nöinö mikwawobetjö̧. Harina de trigo bakwöta kilobi emawökakobe. Ja̧danö, sebana wa̧pötakwa kilobi emawökakobe, bakwöta möle otikwa jawanöma. Jejenö ji̧jayonö o̧tebi, ubasobubi, jwiinö baibanöma ja̧köbaduwoko, jö̧ba̧lö— jejenö ökwöi̧ cha̧ja̧kwijatö.