Mateo 21:4 - Dios Iwene

⁴ Ja̧ baledi̧ badekwachi̧ma, damötjö Dios yöawi̧ yöbawo̧ yöawinadanö badekwachinobe. Baikwö yöawinobe:

Mateo 21:4 Iomraidhean Croise

Mateo 1:22

Jejenö baledi̧ma baledinobe, Duluwo̧ yöawinadanö baledakobetjö̧. Dios yöawi̧ yöbawo̧ma ja̧ Duluwo̧ yöawina damötjö iwȩyudinobe, baikwö:

Mateo 21:3

Ja̧danö, kwejataduwena jelo̧ ökwödönö, ¿Tajawedö kwejataduwa?, jö̧ba̧lö aebitjö̧ma, baikwö kwatadaduwo, Duluwo̧ bidönö öwamatobö jo̧betjö̧ dejatobe, jö̧ba̧lö. Jejenö yökawaduwajökwe, juluwanö kwichejabaduwobö weakwo̧— jö̧ba̧lö weinobe Jesúsma.

Mateo 26:56

Baikwö yötawaduwakwö: Okobe jwiinö babe baledi̧ma baledajabe, Dios yöawi̧ yöbawinadö tjiwȩyudinadanö baledakobetjö̧— jö̧ba̧lö yöawinobe Jesúsma. Ikenama, okobe deinö Jesús öba̧ja̧di̧ waisachadöma jo̧banö le'dedibö dötjibajinobe.

Marcos 11:7

Ikenama, tötöbö ȩwa̧jijadötö Jesús ö̧jobekwö. Tjichejebajökwe bulu oma'anö tjökamisitjö 'yo̧bekwö wanijadötö. Jejenö tjökamisi tjöwanajökwenö Jesúsma, i̧'yakwo̧ma nöchachibö wamatijetö.

Lucas 19:35

Jobetjö öbibö ȩwa̧jö, Jesús ö̧jobekwö öbibö tjichejebinobe bulunö. Ikenama, bulu oma'anö tjökamijido̧ tiyuwena 'dutjawado̧ tjöwaninobe, ja̧danö jejenö tjöwanajökwenö Jesúsnö tjöwaninobe bulu oma'anö öwobö.

Juan 12:12

Ja̧danö, ju'wi dewachö, Jerusalénnö pjiesta baledö ichajadöma tja̧ja̧kwinobe, Jesúsma bai Jerusalénbe ichakobe, jö̧ba̧lö, yötjawi̧ma.

Juan 12:15

Ökwödö Israel jojodönö yötawa. Yekabiduwa. Ökwödö kwuluwo̧duwi, bulu itji̧nö wa̧nö ichobetjö̧, yekabiduwa, jö̧ba̧lö, damötjö Dios yöawi̧ yöbawinadöma tjiwȩyudinobe.