Mateo 21:28 - Dios Iwene

²⁸ Tupakwö yöawinobe Jesúsma jobadönö: —Baikwö wanedö yötawa: Bakwo̧ uba batjo juna̧lo̧ma, i̧tji̧mu ömadö du̧ju̧tajanö ujuna̧linobe, ja̧danö ju'wi möle abönö pöenö weinobe: Chitji̧, babe möle chöbatjo kwotido, jö̧ba̧lö.

Mateo 21:28 Iomraidhean Croise

Mateo 17:25

Atjebökwe: —Jau, jo̧babi ja̧ balada mido̧— jö̧ba̧lö atadinobe Pedroma. Ikenama, Pedro ejube ichibenama, Pedro ja̧ jawa yöa̧lakwa̧ abönö Jesúsma Pedronö abebö a̧ja̧kwinobe: —Simón, ¿dakwö kwomukwata? Böjȩtjö la'aka luwedöma, impuesto midawa wetjenama, ¿didönö wetjobeda, impuesto jawa baladabi, ju'wi jawa baladabi tjimidobö? ¿Idöda tji̧tji̧munö wetjiji̧? ¿Ju'wedönöda wetjiji̧?— jö̧ba̧lö.

Mateo 20:1

Tupakwö yöawinobe Jesúsma: —Baikwö wanedö yötawa Dios la'aka luwo̧ ö̧jakwa̧ jawa: Bakwo̧ uba batjo luwo̧ ö̧jinobe, ja̧danö jo̧bama tjotidakwedönö yȩayi isakwinobe, ja̧ möle öbatjo tjotidobö.

Mateo 21:27

Jejenö yöba̧lakwawajadö, bajalianö tjatadinobe: —Wajwida Juannö webinama— jö̧ba̧lö. Tjatadökwe, Jesúsma yöawinobe: —Ökwödönö abebö cha̧ja̧kwaja̧ atadakwawa kwöpöjödaduwobetjö̧, ötjöbi ¿ti ujulunö kwotidobeda? jö̧ba̧lö abebö kwa̧ja̧kwaduwaja̧bi chatadökö— jö̧ba̧lö atadö yöawinobe.

Mateo 21:29

Weökwe: Chotidökö, jö̧ba̧lö atadinobe, jo̧kwaijayonö tupakwö omukwati̧ balewachibö otidö i̧'yinobe abönö pöema.

Mateo 21:33

Tupakwö yöawinobe Jesúsma: —Ju'wi wanedö yöawakwawabi kwa̧ja̧kwaduwo, baikwö: Bakwo̧ niji otiwemi juna̧lo̧ma, uba batjo otidinobe, ja̧danö laju ubasobu ja̧takwö tjotidakwaju sobö ujuninobe, ja̧danö batjo ö'öbö tjöekwinö ujuninobe, ja̧danö batjo te'ada̧ladö otiwanö tjedobö möaka edawaka ujuninobe. Ikenama, ju'wedö batjo otidadönö mikwanö öbalewinobe öbatjoma jobadö tjotidobö, ja̧danö balewajo̧, jelobe ju'wedö tjitebobe kwebachö i̧'yinobe.

Mateo 22:17

Jejenö döwaisobetjö̧, kwomukwati̧ yökawobö dösödobe, ¿Moisés iwȩyudinama dakwö laebobeda? Roma jojodötjö inesö la'aka luwo̧ Césarnö impuesto ötjabi̧ balada ¿dimidobö jo̧beji̧, dimidobö jwiobeji̧? Jweinö yökawobö dösöda, otiwojobö, sulojobö döwaisobö— jö̧ba̧lö abebö tja̧ja̧kwinobe.

Marcos 13:34

Wanedö yötawa: Bakwo̧ la'aka luwo̧, jelobe i̧'yajabe okobema ejunö ömöayedöma tjuluwo̧ weaja̧ otidö tjuju̧kwobe. Jobadöma bakwo̧nökwena tjotidawa otidö tjuju̧kwobe tjuluwo̧ weaja̧ma. Apjude a'o te'ada̧lo̧nöbi, Eda̧lö kwite'ada̧lo, jö̧ba̧lö, webijetö tjuluwo̧ma i̧'yakwa̧ abönö, yemidanö ichakwa̧ma ite'ada̧lobö. Ja̧danö, ömöayedöma wajwibadö tjuluwo̧ yemidanö ichakwa̧ma.

Lucas 13:4

Ja̧danö, belö Jerusaléntjö a̧li̧nösamu jelemutjö wa̧medukwa jojodönö mösaka Siloé mikwakama kwaibinobe, ja̧danö jobadönö kwabö loinobe, ¿jö̧tö? ¿Tajawedö jobadönö kwaibinada chömöledö? ¿Ju'wedö Jerusalénnö ju̧kwadötjö bajalekwönönö sulabedötjobetjö̧ jejenö kwaibinaji̧ jakama? Sulabedötjinökötjö̧ma, ¿jejenö baledoko jö̧a̧linenaji̧?

1 Corintios 10:15

Waisadöja chömöledö, waisanö kwomukwataduwo jö̧ba̧lö. Jo̧kwajabetjö̧, baikwö labebö lobö yötawa, ja̧danö ökwödöma a̧ja̧kwö kwomukwataduwo, jweinö yötawojobö, ö'öbönö yötawojobö jö̧ba̧lö chömöledö.

1 Corintios 15:58

Jejenö jo̧be chösödawö̧ chömöledö, ja̧danö jejenöobetjö̧, 'diinö kwö̧jaduwo, pjolachibökönö. Ja̧danö jwaikwöda Duluwo̧ wei̧ ja̧bö kwö̧jaduwo kwöwaisaduwobetjö̧, Duluwo̧ wei̧ ja̧bö dö̧ji̧ma isabenö mikwa ji̧ jö̧ba̧lö.