Mateo 21:10 - Dios Iwene

¹⁰ Jesús Jerusalén comunidadbe ichibenama, okobe deinö jojodöma labinö ökwödö labeibö jalachaibö abebö tja̧ja̧kwinobe: —¿Itema tida?— jö̧ba̧lö.

Mateo 21:10 Iomraidhean Croise

Isaías 63:1

—Ayö, ite Edom nijitjö icho̧, Edom niji comunidad Bosratjö, ökamijido̧ duwa̧do̧ 'dubawo̧ma, tida? Jo̧ba baikwö icho̧ma, inesö la'aka luwo̧ 'duawajiadanö 'dubawö, inesö ujulunö kwebacho̧ma, tida? —jö̧ba̧lö abebö cha̧jakwökwe, icho̧ma baikwö atado̧: —Ötjöma kwö̧jibaduwinö pjatatobö juluwo̧ Diossa, chujulunö kwö̧jibaduwinö pjatataja̧ wene yöbawö icho̧sa, —jö̧ba̧lö.

Mateo 2:3

Jejenö abebö tja̧ja̧kwiökwe, la'aka luwo̧ Herodesbi, ju'wedö Jerusalénnö ju̧kwadöbi yetjabinobe, tajijö jö̧ba̧lö.

Mateo 21:11

Atjebawö̧, Jesúskwö kwebachadö jojodöma tjatadinobe: —Jo̧bama Dios yöawi̧ yöbawo̧ Jesús, Galilea nijitjö Nazaret comunidad jojo— jö̧ba̧lö tjatadinobe.

Mateo 21:9

Ja̧danö Jesús abönö 'ya̧döbi, ökömanö ichadöbi jwötjeba̧linobe: —Bite David itji̧ tupadanö jojonö dösödaduwo. Isabenö o̧'wo̧ ösöwanö jo̧, Duluwo̧ weökwe icho̧ma. Mölejȩbe jo̧ Diosnö dösödaduwo— jö̧ba̧lö jwötjeba̧linobe.

Lucas 20:2

—Yöbawi ökwödönö, ja̧köbi̧ma, ¿ti weina ja̧köbobeba? ¿Ti ökwönö ujuninada, luwo̧ baibanö jejenö ja̧köboböma?— jö̧ba̧lö.

Lucas 5:21

Jejenö yöa̧li̧ a̧ja̧kwö, fariseo jojodöbi, Moisés iwȩyudina ba̧ja̧dadöbi tjomukwatinobe idödada: —Bite Jesúsma sulabenö yöba̧lo̧ Diosnö, Diosda jojodö tjo̧'wo̧ luwo̧nö tjusula söbebö lobo̧jayonö, kwusula söbebö lotakwö jö̧a̧lajabe. Jesúsma ötjödasa Dios jö̧ba̧lö ¿omukwatenaji̧? Isabenö Diosnö sulabenö yöba̧lo̧, bite Jesúsma— jö̧ba̧lö tjomukwatinobe.

Lucas 7:49

Yötawi̧ kwösödobetjö̧, Dios lȩebi̧tjö kwö̧jibajabe. Wene jwiinö da̧ji— jö̧ba̧lö webö loinobe. Jejenö webö loiawö̧, mesasötenö ba̧jadöma yötja̧lakwawinobe idödada: —Ayö, bitema ¿tijö? Diosda jojodö tjusula söbebö lobo̧ijayonö, bitema kwusula söbebö lotakwö jö̧ba̧lö yöa̧lobe. ¿Tijö?— jö̧ba̧lö yötja̧lakwawinobe.

Lucas 9:9

—Ötjöma belö Juannö kwabö lobö uu bulatö lotijatö, ja̧danö jejenö Juannö kwabö lotinobema, bite Jesús jojodö edajitjökö jawa otido̧ jö̧ba̧lö yötja̧lökwema tida— jö̧ba̧lö. Ja̧danö, Herodesma Jesúsnö edobö isakwinobe, jo̧banö edö öwaisobö.

Juan 2:18

Ikenama judío jojodötjö la'aka luwedöma jö̧tja̧linobe Jesúsnö: —¿Ti weaja̧da bidönö a'dewö loköbobö?— abebö tja̧ja̧kwinobe—. Ökwödönö i̧sebi kwujuluma, dedo, Diosda weajabe ökwönö, jö̧ba̧lö, döwaisobö— judío jojodöma wetjinobe Jesúsnöma.

Hechos 9:5

Jejenö abebö a̧ja̧kwiökwe Sauloma abebö a̧ja̧kwijetö: —Chuluwo̧, ökwöma ¿tida?— abebö a̧ja̧kwiökwe: —Ötjöma Jesússa, ökwö sulabenö ja̧köbökwema— yöbawijetö—.

1 Samuel 16:4

Yöa̧lökwe, Isabenö Jo̧ weaja̧danö ja̧inobe Samuelma, ja̧danö 'ya̧nö, Belenbe ichibinobe. Jejenö ichibiawö̧, Belen jojodötjö luwedöma yetjaibinobe, —Wene dujuna̧liökwe ichibajena, —jö̧ba̧lö, ja̧danö tjö̧bawö Samuel ö̧jobekwö 'ya̧nö abebö tja̧ja̧kwinobe, —Wene jwiinö kwichaji̧, —jö̧ba̧lö.