Mateo 20:3 - Dios Iwene

³ Jemi ikenama, yȩayi möle ja'ö, las nueve jenanö yemidanö labeibö, emawejutjö ju'wedö otidöködönö edinobe.

Mateo 20:3 Iomraidhean Croise

Proverbios 19:15

Ja̧danö, ju'wibi yötawa: 'Du̧wekwo̧ma otidökönö, aba̧löda aba̧lo̧ bötisinö. Isabenö a̧wi̧chinö ö̧jakwo̧ 'du̧wekwo̧ma otidokobetjö̧.

Mateo 20:2

Tjotidakwedönö badekwajo̧, jobadökwö yöba̧lakwawö ujuninobe imidakwa̧, bakwöta möle tjimidajiyadanö imidobö, ja̧danö ikenama jobadönö weinobe ubasayu tjotidobö.

Mateo 20:4

Ja̧danö jobadönöbi weinobe: Chöbatjo kwotidaduwitjö̧ma, ökwödönö chimido jö̧ta̧li̧danö chimidocha, jö̧ba̧lö. Weawö̧, jobadöbi otidö tji̧'yinobe.

Marcos 15:25

Ja̧danö, towisa'onö bȩbö tjujunajena ida̧ökö möle ja'ö baibijetö.

Hechos 16:19

Ikenama, jobuju juluwedöma jo̧'wo̧ luwo̧nö sulabo̧ laebajiawö̧ma, Babema baladama demökena, jö̧ba̧lö, tjo̧'wo̧ sulinö edijadötö Pablonö, Silasnö. Tjo̧'wo̧ sulinö edö jobadönö do̧batibö tötöbö e'ewijadötö comunidad ö'wejenö, romano jojodötjö la'aka luwedö tjö̧bobekwö, jobadö tjö'da̧denö tjujunobö.

Hechos 2:15

Ökwödöma 'dukwachököwö̧sa ökwödö kwomukwataduwi̧ma. Ina möle ja'ö baibökö. Möle ja̧'ö baibakwa̧ abönöma owawö̧kö̧— yöbawijetö Pedroma—.

1 Timoteo 5:13

Ja̧danö, ju'wibi yötawa. Otidökönö sule jelejube jelejube kwebachadö batjibena, ja̧danö jemi tupakwö jojodö tjoma'apekwönö yöba̧ladö, ja̧danö ju'wedö jawa yöba̧ladö batjibena, jojodö yötja̧loko jö̧tja̧li̧ma yöba̧lö.

Hebreos 6:12

Chömöledö, jejenö jwaikwöda kwi̧'yaduwobö chösöda, kwu'du̧wekwachibaduwapji jö̧ba̧lö, da̧peachökönö kwo̧'wo̧ luwo̧duwi̧nö. Ja̧danö, da'dödöminetjö ju'wedöma Diosnö tjo̧'wo̧ wana̧lö tjö̧jinobe. Jobadöma Diosnö tjo̧'wo̧ wana̧lö tjite'ada̧linobe jo̧ba iyakwa̧, Chiyakwo̧sa, jö̧ba̧lö, yöbawö ujunina iyakwa̧ma. Te'ada̧lö tjö̧jinobe, Isabenö Dios yöbawö ujuninadanö iyakobe, jö̧ba̧lö. Chömöledö ökwödö jejenö kwö̧jaduwobö chösöda, Diosnö kwo̧'wo̧duwi wana̧lö, jo̧ba yöbawö ujunina badekwachakwa̧ te'ada̧lö.