Mateo 20:26 - Dios Iwene

²⁶ Jo̧kwaijayonö jejenömaökö ökwödö ötjönö ösödadönö chömöledö. Ökwödötjö luwedö batjibobö jö̧ba̧ladöma, ju'wedö tjömöayedödanö batjibobö jo̧be.

Mateo 20:26 Iomraidhean Croise

Mateo 20:27

Jau chömöledö bakwo̧ la'aka luwo̧ baibobö jö̧a̧litjö̧ma, midö tjeminökwe tjömöayo̧ otidö ö̧ji̧danö ja̧nö ju'wedönö pjaatobö jo̧be,

Mateo 25:44

Jö̧ta̧lawö̧, tjatadakwedö: Duluwo̧, ¿dianö ökwönöma a̧wi̧chi̧lö̧jökwenö edöma pjadatinöködaja? Ja̧danö, ¿dianö ökwönöma ojwiyo o̧ti̧ tjököbobe edöma pjadatinöködaja? Ja̧danö, ¿dianö ökwönöma jelobetjö ichajo̧, ja̧danö kamijido̧ jwibo̧, ja̧danö ö'wöcho̧, ja̧danö ka̧lena bo̧nö edöma pjadatinöködaja? jö̧ba̧lö.

Mateo 27:55

Jobe ja'yubenö ödökwobe ja̧nö, ba̧jekwadö ya̧dö, Galilea nijitjö Jesúskwö ichö pjabatinadöma baledi̧ tjeda̧linobe.

Marcos 10:43

Jo̧kwaijayonö jejenömaökö ökwödö ötjönö ösödadönö chömöledö—jö̧ba̧lijetö—. Ökwödötjö ju'wedö luwedö batjibobö jö̧ba̧ladöma ju'wedö tjömöayedödanö batjibobö jo̧be.

Marcos 10:45

Ötjöma ja̧danö chömöledö. Ötjö, jojo baibanö jeminökwema jojodö ötjönö pjatjatoböma ichinö̧kö̧sa. Ötjöda jojodönö pjatatobö ichino̧sa. Ötjöda jojodönö pjabatö midawö wotobö ichino̧sa.

Marcos 9:35

Ikenama Jesúsma ba̧nö jwöbijetö jobadönö, a̧li̧nösamutjö du̧ju̧tajanö iteda ö̧bobekwö tjichobö. Ichajadönö jö̧ba̧lijetö: —Isabenö ju'wedötjö o̧penönö jo̧ma ¿dakwö omukwatö ichejekwo̧da? A̧ja̧kwaduwi, yötawaduwakwö. Dios öba a'otjö bakwo̧, ju'wedötjö o̧penönö ö̧jo jö̧a̧litjö̧ma baikwö omukwatö ichejekwo̧, Ötjöma ju'wedötjö o̧penönö jö̧kö̧sa, ju'wedö tjömöayo̧danö jo̧sa, jö̧ba̧lö. Jejenö omukwatö jo̧ma isabenö ju'wedötjö o̧penönö jo̧ baibakwo̧— jö̧ba̧lijetö Jesúsma iteda öba̧ja̧di̧ waisachadönöma.

Lucas 18:14

Isabenö yötawaduwakwö, jejenö aebiökwe Diosma jo̧ba impuesto ötjabi̧ balada emawa otido̧ usula söbebö loinobe, ja̧danö jobetjö ȩwa̧jenama, sulabe jwibö ȩwa̧jinobe. Jo̧kwaijayonö sulabe jwiböma ȩwa̧jinokobe jelo̧ abebo̧ fariseo jojoma chömöledö. Otiwo̧sa jö̧ba̧lö omukwatijayonö isabenö otiwo̧inokobe, Diosma usula söbebö loinokobetjö̧. Jau chömöledö, okobe deinö otiwadösa jö̧ba̧lö omukwatadönöma, otiwöködö tjö̧ji̧ i̧sebakobe Diosma, ja̧danö sulabedösa jö̧ba̧lö omukwatadönöma Diosma i̧sebakobe, chedemi bidöma otiwadö, jö̧ba̧lö— Jejenö wanedö yöawinobe Jesúsma, Diosma tjusula waisadönö pjabato̧ jö̧ba̧lö.

Lucas 22:26

Jo̧kwaijayonö jejenömaökö ökwödö ötjönö ösödadönö chömöledö, jobadö tjomukwati̧danö kwomukwataduwoko. Ökwödötjö bajalekwönönö mikwawadöma, mikwawö̧kö̧sa jö̧ba̧lö tjomukwatobö jo̧be, ja̧danö ju'wedönö öbibö otido̧ma, ju'wedö tjömöayo̧danö ja̧nö pjaatobö jo̧be.

Juan 18:36

—Böjȩma ötjöma webö chö̧bököjȩ. Böjȩma ötjöma webö chö̧böjȩ ji̧tjö̧ma chöba̧ja̧di̧ waisachadöma judío jojodönöma ölakwabikwawö kwakwatjakwawena, ötjönö iyö lotjapji jö̧ba̧lö. Jo̧kwaijayonö böjȩma ötjö webö chö̧bököjȩ— yöawinobe Jesúsma Pilatonö.

Hechos 13:5

'Ya̧jadö, Chipre ö'wejesa'o ichibijadötö, Salamina comunidadnö. Ichibö judío jojodö yötjaweju okwa tebachö Dios iwene yöbawijadötö. Ja̧danö, jelo̧ma, Juan mikwo̧ma, griego tjiwene Marcos mikwo̧ma, Bernabékwö, Saulokwö ichajo̧ma jobadönö pjabatijetö.

2 Corintios 1:24

Jejenö lȩtebapji jö̧ba̧lö chichijökötö jö̧ba̧lö yöta̧li̧ma, Aaa, kwuluwo̧duwisa, Jesúsnö kwösödaduwi̧ma, weti̧danöda ösödaduwi jö̧ba̧löma yöta̧lökö chömöledö. Ökwödö kwuluwo̧duwibö̧kö̧sa chömöledö, ökwödökwö bakobe otido̧sa, kwo̧'wo̧ luwo̧duwi ösöwachibanö kwö̧jaduwakobetjö̧, ja̧danö jwaikwöda waekwökönö Jesúsnö ösödö kwö̧jaduwakobetjö̧. Jau chömöledö, ökwödönö kwo̧'wo̧ tjo̧achinö ja̧tapji jö̧ba̧lö, juluwanöma ökwödönö edö chi̧'yijökötö, isabenö ökwödönö chösödobetjö̧.

2 Timoteo 1:18

Jo̧ba Onesíforonö ida̧ökö kwöwaisökwe Timoteo, otiwanö pjabato̧ jö̧ba̧lö, belö Éfesonö ja̧nö nöinö pjaatina kwedinobetjö̧. Jo̧ba Onesíforonö baikwö yöta̧la, Cristo yemidanö ichakwa̧ möle badekwachenama, Duluwo̧ jwiinö lȩlö̧jinö jo̧banö pjaatobö chösöda, ötjönö otiwanö pjabatinanöma.

Hebreos 1:14

Jejenö weinokobe jobadö isapjobedönöma Dios ömöayedödatjobetjö̧. Jobadöma Dios ömöayedö ja̧nö, jojodönö pjatjatobö Dios weawö̧. Isabenö, ángelesdöma jojodönö pjatjatobö weawö̧, Dios mikwa jwiinö tjö̧jibinö pjaati̧tjö tjemakwedönöma. Isabenö chömöledö, ángelesdöma Dios ömöayedöda, jojodönö pjatjatobö weawö̧. Jo̧kwaobetjö̧ chömöledö, döwaisachibanö wajuwanö i̧sebobe, Dios Itji̧ma ángelesdönötjöbi o̧penönö jwiinö inesö jo̧, jö̧ba̧lö.

1 Pedro 4:11

Baikwö yötawa: Yöbawadöma, Dios yöawi̧ yötjawobö jo̧be, ja̧danö pjabatadöma, Dios ujulunö pjabatö tjö̧jobö jo̧be. Jejenö Dios iyinadanö ja̧bö kwö̧jaduwenama, Diosda ökwödönötjö pjaatobe jojodönö chömöledö. Ja̧danö Dios pjaati̧ edö okobe deinö Diosnö tjösödakobe, Jesucristo midawö woinobetjö̧ otiwanö pjabato̧ja jö̧ba̧lö. Jau chömöledö, Dabe'do Diosda ba̧kwȩlö̧jatebö dejatinö juluwo̧ma ja̧danö jo̧bada inesö la'aka luwo̧ma, babebi ba̧kwȩlö̧jateböbi, jejenö otiwa.

1 Pedro 5:3

Ja̧danö labinö weba̧löma kwite'ada̧laduwoko, otiwanö ja̧bö kwi̧sebaduwodönö, jobadöma ja̧bö kwö̧jaduwi̧ edö bakwainö ja̧bö tjö̧jakobetjö̧.

Apocalipsis 17:6

Ja̧danö, jobujunö edö, Dukwachokodanö bu̧ju, jö̧ba̧lö, chomukwatijatö. Chedemi, Bisuma Dios ömöledö babibinadö, Jesúsnö tjösödi̧ yötjawobetjö̧ kwabawö lotjinawö̧ tjökwösobutjöda owö 'dukwachokodanö bu̧ju, jö̧ba̧lö, chomukwatijatö. Jobujunö edinö, ¡Ayö! jö̧ba̧lö, chöbajale jalaka ja̧nö cheda̧lijatö.