Mateo 20:21 - Dios Iwene

²¹ Jichiökwe, Jesúsma abebö a̧ja̧kwinobe, —¿Taji akebobö jö̧ka̧lobeda?— jö̧ba̧lö. Aeboko, jatadinobe: —La'aka luwo̧ baibanö yöbawö kwö̧jenama, bidö chi̧tji̧munö kwipjeanö la'aka luwedö batjibanö kwujunobö ateba, kwöwaisobekwöchobe bakwo̧, ja̧danö wajwiköbobekwöchobe jelo̧ kwujunobö ateba. Jejenö isabenö ja̧köbakwa̧ wene yöbawö kwujunobö chösöda— jatadinobe.

Mateo 20:21 Iomraidhean Croise

1 Reyes 2:19

Jemi ikenama, Betsabema jitji̧ la'aka luwo̧ Salomonnö edö ji̧'yinobe, Adonias aebaja̧ ajebobö. Jichibiökwe, Salomonma a̧la̧ibö jö̧ba a'o bȩachibinobe, —Otiwanö chomukwatokoja, —jö̧ba̧lö. Ikenama, yemidanö iteaka la'aka luwo̧ ö̧bakanö öbamatinobe, ja̧danö ju'wibi weinobe, jeleka tjichejebobö, iteda ojo'dobi la'aka luwuju jö̧bakanö jöbamatakobetjö̧. Ja̧danö, Salomon öwaisobekwöchobe jöbamatinobe.

1 Reyes 3:5

Ja̧danö, ju'wi yö̧te Salomon Gabaonnö ö̧jenama, Isabenö Jo̧ma Salomonnö öwawachibinobe, i̧'wi̧dinö. Öwawachajo̧, Diosma jo̧banö abebö a̧ja̧kwinobe, —Ökwönö chiyakwa̧ma, di̧ya jawa ökwönö chiyobö jö̧ka̧lobeda? —jö̧ba̧lö.

Mateo 18:1

Jemi ikenama, Jesús öba̧ja̧di̧ waisachadöma ichö Jesúsnö abebö tja̧ja̧kwinobe: —Dios la'aka luwo̧ ö̧jena ju̧kwadötjö, ¿tidaja̧ ju'wedötjö bajalekwönönö bo̧ma?— jö̧ba̧lö.

Mateo 19:28

Aebökwe, Jesúsma atadinobe: —Isabenö yötawaduwakwö chömöledö, okobe jwiinö 'yayinö Dios otidena, ja̧danö ötjö jojo baibanö jeminökwe salöinö dewaka teakanö, inesö la'aka luwo̧ iteakanö chö̧wenama, ökwödö chökömanö lubibajadöbi a̧li̧nösamutjö dökalatajanö kwö̧waduwakobe, Israel jojodötjö a̧li̧nösamutjö du̧ju̧tajasaso jojodö tjuluwedö bakibaduwanö.

Mateo 20:22

Jejenö ajebökwe, Jesúsma ji̧tji̧munö yöawinobe: —Akebaduwi̧ma wajwibadöja chömöledö. Ötjöma isabenö nöinö usula chemawakwo̧sa chömöledö, ja̧danö chipjeanö tjöbamatakwedöbi bakwayinö usula tjemawakwedö. Ökwödöma ötjö usula chemawi̧danö ¿usula emawö kwöbaledaduwobö kwujuluwaduwobeji̧?— jö̧ba̧lö. Aebawö̧: —Jau, usula kwemawi̧danö ökwödöbi usula emawö döbaledobö juluwadösa— jö̧ba̧lö tjatadinobe.

Mateo 20:32

Jejenö jwötjeba̧liökwe, Jesúsma jamatö jobadönö jwöinobe tjichobö, ja̧danö jobadönö abebö a̧ja̧kwinobe: —¿Taji ja̧tobö kwösödaduwobeda?— jö̧ba̧lö.

Marcos 10:51

'Ya̧wibajo̧nö Jesúsma abebö a̧ja̧kwijetö: —¿Taji chotidokwöbö jwököbajada?— jö̧ba̧lö. Jejenö abebö a̧ja̧kwökwe öbajale tjewawo̧ma atadijetö: —Chuluwo̧—jö̧ba̧lijetö—. Chöbajale chedinö kwotidotjöbö jö̧ta̧latö—jö̧ba̧lijetö.

Marcos 16:19

Ikenama yöba̧lö kaatena Diosma mölejȩbe kaekwajinö ja̧bijetö Jesúsnöma. Jobe mölejȩbema Jesúsma Dios öwaisobekwöchobe bamatijetö.

Marcos 6:22

Ja̧danö, Herodías jitjiju, möayujuma, pjiesta jobe ichajaju baile döbijotö, ömadö tjösödobö. Herodesbi, Herodeskwö kwadöbi Herodías jitjiju baile döjobe edö jwiinö ösödijadötö. Jwiinö tjösödobetjö̧ Herodesma jö̧ba̧lijetö jobujunö: —Ökwö baile dököbi̧ edö jwiinö dösöda. Jo̧kwaobetjö̧ kwösödi̧ma abebitjö chiyokwö—jö̧ba̧lijetö—.

Lucas 18:41

—¿Dakwö ja̧bö pjatatobö jö̧ka̧la?— jö̧ba̧lö. Abebö a̧ja̧kwökwe atadinobe: —Chuluwo̧, chöbajale yemidanö edo̧ batibanö pjakatobö jö̧ta̧la— jö̧ba̧lö.

Lucas 19:11

Jojodöma Jesús yöawi̧ tja̧ja̧kwinobe, le'dewajadönö isakwö chichajabe tjö̧jibobö jö̧ba̧lö, ja̧danö tjomukwatinobe, Aaa, Dios la'aka luwo̧ ö̧jakwa̧ma juluwanö badekwachakobe, jö̧ba̧lö. Jejenö tjo̧mukwatobetjö̧, ja̧danö Jerusalén yöneawinö tjö̧jobetjö̧, Jesúsma jobadönö wanedö yöawinobe.

Lucas 22:24

Ja̧danö, Jesús öba̧ja̧di̧ waisachadöma jwöjwöbakwawö yötja̧lakwawinobe: —Ökwödötjö ¿diteda Jesús öba̧ja̧di̧ waisachadötjö bajalekwönönö mikwawo̧ma?— jö̧ba̧lö.

Juan 15:7

Ina yöawinobe: —Ötjökwö dötewinö ja̧duwi. Jejenö ötjökwö dötewinö ja̧nö, ötjö yötawi̧ kwo̧'wo̧ luwo̧duwinö omukwatö kwö̧jaduwitjö̧ma Chabe'donö akebaduwi̧ma okobe jwiinö a̧ja̧kwö pjabato̧.

Hechos 1:6

Ja̧danö, ju'wi möle, Jesús öba̧ja̧di̧ waisachadöma, ina Jesúsma böjȩnö ö̧jayi, jo̧bakwö ko̧ko̧kwachibö abebö a̧ja̧kwijadötö Jesúsnöma: —Duluwo̧ ¿Pjakatakwa̧ji̧ ökwödönöma, israel jojodönöma, romano jojodönö a'dewö lobö? ¿Ina? ¿Pjakatakwa̧ji̧ damötjö ökwödö da'dödömine tjuju̧kwinadanö, ökwödötjö bakwo̧, judío jojo wei̧da ja̧bö otiwanö duju̧kwobö, romano jojodö tjuluwo̧ wei̧maökö? ¿Tjo̧wi̧ pjakatakwa̧ji̧?— abebö a̧ja̧kwijadötö.

Romanos 12:10

Ja̧danö, kwömöledö Jesúsnö ösödadönö kwösödaduwo, ökwöda kwöjawo̧danö, ja̧danö kwömöledöduwinö otiwanö kwomukwataduwo, ökwödada kwomukwatakwawemi o̧penönö jobadö kwömöledöduwinö otiwanö kwomukwataduwo, jobadönö ösödö.

Romanos 8:34

Ja̧danö, ¿bakwo̧bi ö̧jobeji̧, ökwödönö, Bidöma Dios lȩebakwawö̧, jö̧ba̧lö yöawakwo̧ma? ¿Cristo Jesúsda jejenö yöawenaji̧? Yöbawö̧kö̧ chömöledö, Cristoda midawö woinobe, ökwödö dö̧jibobö. Ja̧danö, midawö wobajo̧, woawatjö tjeachajinobe. Ja̧danö, tjebachajo̧, babema Abe'do Dios öwaisobekwöchobe jo̧ jo̧bama. Ja̧danö, öwaisobekwöchobe ja̧nö, Bidönö ötjönö ösödadönö lȩkeba, jö̧ba̧lö webo̧ chömöledö.

Colosenses 3:1

Chömöledö, Cristokwö 'yakibajinaduwobe, jo̧kwajabetjö̧ mölejȩ jawa kwisakwaduwo. Jau chömöledö, Cristoma mölejȩbe Dios öwaisobekwöchobe bo̧, jo̧kwajabetjö̧ jo̧ba ö̧jobe jawada isakwö kwö̧jaduwo.