Mateo 20:19 - Dios Iwene

¹⁹ ja̧danö judío jojodöböködönö iyö lotjakobe, ötjönö kwabö lotjobö. Jobadö judío jojodöböködöma oböbi otjakobe ötjönö, ja̧danö kwakwaböbi kwakwatjakobe, ja̧danö towisa'onö nönö, kwabö lotjakobe ötjönö. Jo̧kwaijayonö, jejenö ja̧tjijayonö, wa̧pötakwa möle baledibajenama, wobajaletjö tjebachajö 'yatibajakobe— jö̧ba̧lö yöawinobe Jesúsma.

Mateo 20:19 Iomraidhean Croise

Diosnö ösödo̧ Job mikwo̧ usula emawina jawa 30:8

Jobadöma wajwibadö yelösöda, tjimi jwibadöbi batjibanö isabenö mikwawöködö, okobe deinö bö̧jȩnö ju̧kwadötjö baikwönönöbedö jobadöma,

Isaías 26:19

Jo̧kwaijayonö, Diosnö ösödadötjö ö'wö babibajadöma, isabenö a̧tjabayedö yemidanö 'yatjibakwedö. Jo̧kwajabetjö̧ ökwödö nijiso̧pjanö ba̧jadöma, wilubö kwo̧'woduwi ösöwachibanö lo̧köbaduwo. Jau, 'yakibaduwanö idejatakwo̧ Diosma, si̧li̧'idö tji'oli pokwi̧ pokwobö pjaati̧danö, Dios ökwödönö dejatima 'yakibaduwanö idejatakwo̧. Wanedö yöta̧la, jojosuju jitji̧nö jemi̧danö bö̧jȩma jojodönö emakobe ichejekwa, niji okwa ju̧kwadö ö'wö babibinadöma yemidanö 'yatjibajakobetjö̧. jö̧ba̧lö lo̧tjakwedö.

Isaías 53:3

Jo̧banö edö döpöjödijatö, —Bitema mikwawö̧kö̧, inia tjöbo̧, inesö o̧'wo tjo̧bekwo̧, —jö̧ba̧lö. Jo̧banö edöbi tjedoböma tjöpöjödinökwe, —Sulabo̧, —jö̧ba̧lö, ja̧danö jo̧kwadabo̧ jö̧ba̧lö domukatijatö, jo̧ba Dios ömöayo̧nö.

Mateo 12:40

Jonás mikwo̧ma wa̧pötakwa mölebi wa̧pötakwa yö̧tebi baledibanö ba̧i̧so̧ nöbo̧ ukwa'wo okwa a̧jö öbaledinobe, ¿jö̧tö? Ja̧danö, ötjö jojo baibanö jeminökwebi wa̧pötakwa mölebi, wa̧pötakwa yö̧tebi baledibanö, nijinö tjo̧tjajökwe niji okwa ba̧nö chöbaledakwo̧sa— jö̧ba̧lö yöawinobe Jesúsma.

Mateo 16:21

Ja̧ möle jamatö, tupakwö bajalenö Jesúsma iteda öba̧ja̧di̧ waisachadönö jweinö yöawinobe: —Jerusalénbe chi̧'yobö jo̧be. Ja̧danö, jobetjö Israel jojodötjö damötjöbi, Diostjö jojodötjö ö'weje pjabatadö la'aka tjuluwedötjöbi, Moisés iwȩyudina ba̧ja̧dadötjöbi usula chemawobö ja̧kobe, ja̧danö ötjönö kwabö lotjobö ja̧kobe. Ja̧danö, jemi tupakwö wa̧pötakwa möle baledibajenama wobajaletjö tjetachajobö ja̧kobe— jö̧ba̧lö.

Mateo 17:23

ötjönö kwabö lotjobö, jo̧kwaijayonö ötjönö kwabö lotjaja̧ ikenama, wa̧pötakwa möle baledibajenama, 'yabibajö wobajaletjö tjetachajakwo̧sa— jö̧ba̧lö. Jejenö ö'wö baibakwa̧ yöawawö̧, Jesús öba̧ja̧di̧ waisachadöma nöinö tjo̧'wo̧ tjo̧achinobe.

Mateo 27:26

Ikenama, Pilatoma Barrabásnö ejatö laebinobe, ja̧danö Jesúsnö kwakwatjobö weinobe. Jemi ikenama, Jesúsnö kwakwatjaja̧ ikenama, ömöayedönö iyö loinobe, jo̧banö towisa'onö bȩtjobö.

Mateo 27:63

Pilatonö atjebinobe: —Duluwo̧, jo̧ba Jesús omöna yöa̧lina wene, ina 'yaa̧layi yöa̧lina wene domukwatiba, Wa̧pötakwa möle baledibajenama yemidanö 'yatibakwo̧sa, jö̧ba̧lö yöawinama.

Marcos 14:65

Jejenö jö̧ba̧lö jojodöma Jesús öbanö susubijadötö. Öbanö kamijido̧ di̧batö edokonö kwakwabö obö jö̧ba̧lijadötö: —Babe kwakwadena yöbawi, Dios iwene yöbawo̧. ¿Didöjayedöobö ökwönö kwakwabadöma?—sulabenö obö jö̧ba̧lijadötö. Guardiabi Jesúsnö do̧batö öbanö 'do'dobijadötö.

Marcos 15:1

Ju'wi dewachö yȩayi judío jojodötjö okobe deinö la'aka luwedöma, Diostjö jojodötjö ö'weje pjabatadö tjuluwedöbi, judío jojodötjö la'aka luwedöbi, Moisés iwȩyudina ba̧ja̧dadöbi, te'ada̧lökönö ko̧ko̧kwibö Jesúsnö ja̧tjakwa̧ma okobe deinö bakwainö omukwatijadötö. Jo̧kwaobetjö̧, Jesúsnö nu'yibö öbibö 'yi̧jadötö romano jojodö la'aka luwo̧, Pilato mikwo̧ ö̧jobekwö, jo̧banö iyö lobö. Ichibö Jesúsnö iyö lobijadötö Pilatonöma.

Marcos 15:15

Jo̧kwaobetjö̧ Pilatoma, jojodö jo̧banö tjösödobö wetji̧danö ja̧bijetö. Barrabásnö labebö lobijetö. Ikenama webijetö ömöayedönö Jesúsnö kwakwatjobö oma'anö. Nöinö kwakwabijadötö 'diasonö. Kwakwabö katjatena, Pilatoma webijetö guardianö towisa'onö bȩbö tjujunobö Jesúsnöma.

Lucas 18:32

ja̧danö Jerusalénbe dichibaja̧ ikena, judío jojodöböködönö iyö lotjakobe, ötjönö kwabö lotjobö. Jobadö judío jojodöböködöma oböbi otjakobe ötjönö, ja̧danö taba lö̧ji̧ jawa chöbaledobö ja̧tjakobe, ja̧danö suböbi sutjakobe ötjönö, ja̧danö kwakwaböbi kwakwatjakobe ötjönö.

Lucas 23:11

Ja̧danö, Herodesbi, Herodes ömöayedö guardia jojodöbi Jesúsnö obö sulabenö ja̧tjinobe, ja̧danö Jesúsnö obö, otiwado̧ la'aka luwo̧ 'duawado̧ 'dutjatinobe Jesúsnö. Ikenama, obö 'dubatajadö, wetjinobe yemidanö Pilato öba a'o Jesúsnö tjujunobö.

Lucas 24:46

Ja̧danö tupakwö yöawinobe: —Chömöledö, baikwö laebobe damötjö tjiwȩyudina Dios iwenema: Dios weakwo̧ jö̧a̧linökwe usula emawajo̧ ö'wö baibobö ja̧kobe, ja̧danö wa̧pötakwa möle baledibajena woawatjö tjeachajobö ja̧kobe, jö̧ba̧lö tjiwȩyudinobe.

Hechos 2:23

Ina yöbawijetö: —Ökwödöma sulabedönö weköbaduwijatö ösötenö bȩtjobö Jesúsnöma, ö'wöchinö baibanö. Ja̧ weköbinaduwima Diosma la'akatjöda waisijetö. Diosma la'akatjöda Jesúsnö baledakwa̧ waisö, omukwatö junijetö Jesúsnöma.

Hechos 21:11

Jo̧bama ökwödö dö̧jobekwö 'ya̧wibö Pablo u̧kwa koleasö̧jȩ jȩbatibö iteda ömajamijunöbi, ömasapiyanöbi jwaawijatö, Dios O̧'wo̧ Luwo̧ jo̧ba o̧'wo̧ luwo̧nö yöawi̧ i̧sebö. Jwabawö Pablonö jö̧a̧lijatö: —Pablo, Dios O̧'wo̧ Luwo̧ma ötjö cho̧'wo̧ luwo̧nö yöawatö, baikwö: Böjȩ koleasö̧jȩ ötjö Agabo jwabawö chö̧ji̧danö, böjȩ u̧kwa koleasö̧jȩ nönawo̧nöma Jerusalénnö ju̧kwadö judío jojodöma jwatjakwo̧, judío jojodöbököbönö tjiyobö, jö̧ba̧lö— i̧sebö yöawijatö Agaboma.

Hechos 4:27

Ina abebijadötö: —Dios, döwaisa ja̧ yökawinama tjo̧wi̧ baledinobe. La'aka luwedöma, Herodes mikwo̧, Pilato mikwo̧ benada tjoko̧ko̧kwinobe israel jojodökwöbi, israel jojodöböködökwöbi. Jobadöma Jesúsnö kwabö loawa wetjobö ko̧ko̧kwa̧lö tjomukwata̧linobe. Ökwö weköbina ja̧bo̧nö, suli̧ jwibo̧nö, ökwö yöbawö kwujuninökwe Jesúsnö kwabö loawa wetjobö ko̧ko̧kwa̧lö tjomukwata̧linobe jobadöma.