Mateo 20:15 - Dios Iwene

¹⁵ Jejenö omukwatö chujunoböma ¿suliji̧? Sulökö chömöledö. Ötjöda chitea baladaobetjö̧, ötjöda omukwatö chujuni̧danö chimidobö jo̧be. Ötjöma jobadönö otiwanö chiyobetjö̧, ¿kwo̧'wo̧ sulinö kwedaduwobeji̧? jö̧ba̧lö atadinobe batjo la'aka luwo̧ma.

Mateo 20:15 Iomraidhean Croise

Éxodo 33:19

aebiökwe: —Moisés, kwöba a'otjö chöbaledocha ötjö jwiinö chotiwi̧ma kwedobö. Ja̧danö, baledö ötjö chimi jweinö jwöbebö yöta̧locha ökwönöma, Isabenö Jo̧ mikwawo̧sa, jö̧ba̧lö. Ja̧danö, ötjöma dösölö̧jinö edö pjatatökwenö dösölö̧jinö edö pjatatakwo̧sa, ja̧danö lȩlö̧jinö edö pjatatökwenö lȩlö̧jinö edö pjatatakwo̧sa.

Proverbios 23:6

Jemi ikena jweinö omukwatadö yötjawinama baikwö laebobe: Wanedö yötawa: Bakwo̧, ökwönö ejube kwanö kwi̧'yobö a̧debobe. Ja̧danö, ejube 'ya̧nö tebachajo̧ kwö̧bena, kwidi, owi jö̧ba̧lö, ökwönö yöa̧lobe jo̧ba a̧debo̧ma. Jobekwö weijayonö kwedemi, bitema omöna yöa̧lobe, a'dȩlobe ichejekwa, omajade okwanö öpöjödobe ichejekwa, jö̧ba̧lö kwomukwatobe. Jao, kwedemi, ju'wida omukwato̧, bi̧ya kwakwawama nöinö mikwawobe, jö̧ba̧lö, dakwö chiyoböjö, jö̧ba̧lö. Jo̧kwaobetjö̧ baikwö jwebebö yötawakwö: Jobekwö baleditjö̧ma jo̧ba u̧kwa kwakwawa nöinöma kwukwoko. Ja̧danö kwakwawama, söa nöinö chukwowe, jö̧ba̧löma kwomukwatoko. Jo̧bama isabenö ökwönö iyoböma öpöjödobetjö̧ u̧kwa kwakwawama kwukwoko nöinöma.

Proverbios 28:22

Ja̧danö, ju'wibi yötawa: Balada nöinö emotö jö̧ba̧lö isakwo̧ma juluwanö emobö isakwo̧. Jo̧bama wajwiobe jo̧banö ju'winö baledakwa̧, iteda balada jwibo̧ baibanö badekwachakwa̧ma.

Mateo 11:25

Ja̧ möle, Jesúsma Diosnö aebinobe baikwö: —Chabe'do, mölejȩbe ju̧kwadöbi, böjȩnö ju̧kwadöbi tjuluwo̧ja. Chabe'do, otiwanö biya̧ jawa kwotoja̧lajabe, waisadöbi, nöinö waisachadöbi tjöwaisapji jö̧ba̧lö, jo̧kwaijayonö jobadö wajwitjijayonö, waisachöködönö otiwanö kwi̧sebajabe, ja̧danö jejenö kwi̧sebobetjö̧, otiwanö i̧sebo̧ja jö̧ba̧lö yötawakwö Chabe'do.

Mateo 20:14

Jo̧kwajabetjö̧ kwiteaduwi̧ balada emö kwȩwa̧jaduwo chömöledö. Ötjöda jobadö ikena otidajadönö ökwödönö chimidaja̧danö chimidobö omukwatö chujunajabe.

Mateo 6:23

jo̧kwaijayonö, kwöbajaleduwi sulitjö̧ma, okobe jwiinö kwiteba'oduwima yȩa'wo okwa jo̧bedanö ichejekwa, ¿jö̧tö? Ja̧danö chömöledö, Aaa, otiwanö edadösa jö̧ba̧lö kwomukwataduwijayonö sulabenö kwedaduwitjö̧ma, yȩa'wo okwa kwö̧jaduwi̧ma isabenö jwiinö yȩobe— jö̧ba̧lö yöawinobe.

Marcos 7:22

Nöinö jo̧be Dios öba a'otjö tjomajade okwatjö suli̧ jwöebi̧ laebi̧ma. Biya̧ jawabi: Ju'wedö tjujuna̧li̧ ba̧wa̧lö̧jinö edawa, ja̧danö, ju'wedönö sulabenö ja̧awa, ja̧danö, bakwo̧ sulabenö ja̧ina yöbawökönö ö̧ji̧, ja̧danö, jwiinö taba̧lö̧ji̧ jawa ja̧awa, tjomajade okwatjö laebi̧ suli̧ jwöebi̧ma. Ja̧danö ju'wibi: Tjo̧'wo̧ sulinö edawa, ja̧danö, ju'wedönö omöna yöba̧lö jwöeba̧lakwawa, ja̧danö, ju'wedönötjö o̧penönö otiwanö jo̧sa, jö̧ba̧lö, omukwatakwawa, ja̧danö, o̧'wo̧ jwibo̧danö omukwatökönö ja̧awa. Nöinö jo̧be tjomajade okwatjö suli̧ laebi̧ma.

Juan 17:2

Chabe'do, ökwöma chujulu iyö böjȩ jojodönö webo̧ batibanö pjakatinobetjö̧, jejenö ateba, ötjö jwiinö chotiwi̧ma kwi̧sebo, jö̧ba̧lö. Chabe'do, ökwöma chujulu iyö pjakatobetjö̧ böjȩ jojodötjö kwiyinawö̧nö tjö̧jibinö pjatatobö jo̧be, ba̧kwȩlö̧jatebö ja̧kwawa tjujuna̧lobö.

Hechos 13:45

Ba̧jekwadö a̧ja̧kwö tji̧'yiawö̧ judío jojodötjö la'aka luwedöma tjo̧'wo̧ sulinö edijadötö Pablonöma, Jweinö yöbawö̧kö̧, sulabenö omukwato̧, jö̧ba̧lö.

1 Corintios 4:7

Jau chömöledö, ökwödöma ju'wedönötjö o̧penönö otiwadöböködöja chömöledö, ju'wedönö kwöpöjödaduwo jö̧ba̧lö. Okobe jwiinö kwujuna̧laduwi̧ma, Diostjöda ichobe, ökwödötjödamaökö, ¿jö̧tö? Ja̧danö, Diosda ökwödönö iyinobetjö̧, ¿tajawedö Aaa, ju'wedönötjö o̧penönö juna̧ladösa jö̧ba̧lö kwomukwataduwobö chömöledö? Jejenö kwomukwataduwoböma jwia chömöledö, Dios iyinada kwujuna̧laduwobetjö̧.

Efesios 1:11

Chömöledö, Diosma okobe jwiinö baledobö ösödi̧ma badekwachinö ja̧bo̧. Ja̧danö, ökwödönö, judío jojodönö omudawö junijetö Cristokwö bakobe dötewinö badibobö, jejenö badibobö omukwatö ösödinobetjö̧.

Efesios 2:1

Chömöledö, Diosma ökwödö wobinadödanö ju̧kwadönöma yemidanö 'yakibajaduwinö ja̧inobe, kwo̧'wo̧ luwo̧duwinöma. Jau chömöledö, ökwödöma ajayinöma Dios wei̧ öpöjödö, sulabe kwösödaduwi̧da ja̧bö kwuju̧kwaduwobetjö̧ wobinadödanö kwuju̧kwinaduwobe, kwo̧'wo̧ luwo̧duwinöma.

Efesios 2:5

sulabenö ja̧bö dö̧jijayonö pjaatinobe Diosma. Ökwödöma do̧'wo̧ luwo̧nöma wobinadödanö dö̧jijayonö Diosma, do̧'wo̧ luwo̧nö 'yadibajinö ja̧inobe, Cristokwöda dö̧jobö. Chömöledö Diosma mikwa jwiinö otiwa jawa iyö dö̧jibanö pjaatinawö̧sa.

Deuteronomio 15:9

Ja̧danö teada̧lönö kwö̧jaduwo, sulabenö a̧'dȩlanö omukwatö, –Aaa, jelemutjö dötölataja o̧ba yö̧neawachibobetjö̧, chöbalewoböma chöpöjöda, umusidi ina imidakwa̧ abönö umusidi söbebö lotobö baibapji jö̧ba̧lö. –Jobekwö omukwatö, a̧'dȩlanöma kwedaduwoko kwömöledöso̧ jwibo̧nöma chömöledö. Jejenö omukwatö, kwömöledöso̧ jwibo̧nö pjabatökönö kwö̧jaduwitjö̧ma, kwömöledöso̧ma Isabenö Jo̧nö ubudekwena, ja̧danö Dios öba a'otjö wene kwujuna̧lena, pjakato jö̧ka̧li̧danö pjakatokobetjö̧.

Deuteronomio 28:54

Jau chömöledö, kwöpöjojodöduwi tjötjösawobetjö̧, jwiinö usula emawö a̧wi̧chi̧ lö̧jawö̧ kwö̧jaduwakwedöja, ökwödötjö ömadö dösölö̧jinö ja̧danö lȩlöjinö edadöbi a̧'deladö, ja̧danö idöda tji̧tji̧munö kwadö batjibenanö kabatö. Ja̧danö, tji̧tji̧mu tjitebia kwanö, yöne tjömöledönöbi tjiyökakwedö, tjö̧jawo̧dönöbi, tjösödawö̧ tjilekwamunöbi, ju'wedö tji̧tji̧munöbi, a̧'dȩlanö, –Ötjöda chu̧kwa, –jö̧ba̧lö omukwatö. Ökwödötjö ya̧döbi ja̧danö chömöledö, ju'wedötjö bajalekwönönö dösölö̧jinö ja̧danö lȩlöjinö edadöbi, tji̧tji̧munö kwadö batjibanö tjö̧jakwedö, kwöpöjojodöduwi tjötjösawiawö̧ a̧wi̧chi̧ löjawö̧ ja̧nö. Jau chömöledö, ju'wedö ya̧dönö edö yöka̧laduwena, idöma jwiinö yȩekwi̧ jawabi öpöjödadö, sapatu jwiinö nijinö kwetjachoböbi öpöjödadö, tjömasapabiya yȩtjekwapji jö̧ba̧lö, jobadöjayedöma la'akatjöda tjitji̧munö tjukwökena, jö̧ba̧lö. Jo̧kwaijayonö baikwö yötawaduwakwö, jobadöbi jwiinö a̧wi̧chi̧ lö̧jawö̧ ja̧nö, tjitji̧munö tjemenama, jemajökwenöbi, tjölawo isujuda jukwobö ja̧'dȩlakobe. Jösödökwe jilekwenöbi, jitji̧munöbi iyökönö, jitji̧nöbi, tjölawobi isuda jukwobö a̧'dȩlakwuju, kwöpöjojodöduwi tjötjösawioko jwiinö a̧wi̧chi̧ lö̧joko jö̧jobetjö̧.

Santiago 1:18

Jau chö̧ja̧wo̧dö, Diosma otiwanöda iyo̧. Ja̧danö, jo̧ba otiwanöda iyo̧ma ökwödönö otiwanö pjabatö weinobe iteda iwene, isabenö ji̧ wenema. Ja̧ iwenema ökwödö dö̧jibinö pjaati̧ wene, chö̧ja̧wo̧dö. Ja̧danö, ja̧ wene a̧ja̧kwö dösödinobetjö̧ yemidanö döbötjachijatö do̧'wo̧ luwo̧nö, iteda i̧tji̧mu, jwiinö mikwawadö babibö. Jejenö ösödinobe Diosma, iteda isabenö iwene a̧ja̧kwö dösödobö, iteda i̧tji̧mu babibö. Yelösöda Diosma otiwanö pjaatinobe ökwödönö, jo̧ba otidinatjö o̧penönö mikwawadö badibinö. Ja̧danö, Diosma iteda okobe jwiinö otidinatjö ökwödönö edö yöa̧lobe, Bidö chi̧tji̧muma jwiinö mikwawadö, jö̧ba̧lö. Isabenö chö̧ja̧wo̧dö, okobe jwiinö Diostjö ichi̧ma otiwobe.

Santiago 5:9

Ja̧danö, ju'wedönö yöka̧laduwoko, Sulabenö ja̧tjajabe, jö̧ba̧lö. Ökwödöma lȩbebö yökawaduwobö ¿jo̧beji̧? Jwiobe chö̧ja̧wo̧dö. Bakwo̧da, Duluwo̧ Jesucristoda lȩbebö yöbawo̧. Ju'wedönö lȩbebö yökawaduwoko, Jesucristoma ökwödönö, Sulabenö yökawaduwobe, jö̧ba̧lö, lȩbebö yöawapji jö̧ba̧lö. Ja̧danö, a̧ja̧kwaduwi chö̧ja̧wo̧dö. Inesö lȩebakwo̧ Jesucristo ichakwa̧ma lekwokobe. Kwömöledöso̧ ödötjö ichajo̧, ida̧ökö kweju apjudenö jo̧danö öwanekwachobe Jesucristoma. Ichakwa̧ma lekwokobe.