Mateo 20:12 - Dios Iwene

¹² Bidö dökömanö tjotidajayonö, sule bakwöta horada tjotidajayonö, ökwödö möle baledibanö tubobe otidajadönö kwimidaja̧danö sulabenö kwimidajabe jobadönö. Ökwödöma jobadötjö bajalekwönönö dotidobetjö̧, jobadötjö bajalekwönönö kwimido jö̧ka̧lajabe, jö̧ba̧lö yötja̧linobe.

Mateo 20:12 Iomraidhean Croise

Mateo 20:11

Jejenö imidenama, imidajawö̧ma batjo luwo̧nö tjo̧'wo̧ sulinö yötja̧linobe:

Lucas 12:55

Ja̧danö a̧li̧tjö jwa̧lȩ'epjo jwa̧lȩ'ewenama kwöwaisaduwobe, makö tubakobe jö̧ba̧lö, ja̧danö kwöwaisaduwi̧danö baledobe, ¿jö̧tö? Jau, ojwiyo'wo kaekwi̧bi, jwa̧lȩ'epjo jwa̧lȩ'ewi̧bi i̧sebobe baledakwa̧ma, ja̧danö ja̧ edö waisadöja ökwödöma, ¿jö̧tö?

Romanos 3:27

Ja̧danö, bakwo̧, Aaa, otiwo̧sa, ¿jö̧a̧loböma jo̧beji̧? Jwiobe yelösöda chömöledö. Bakwo̧bi deobe iteda ja̧bö suli̧ jwibo̧ baiboböma, bakwo̧bi Dios weina ja̧bo̧ma deobetjö̧. Okobe deinö Jesúsnö ösödöda ichibadö chömöledö. Jo̧kwajabetjö̧ bakwo̧bi ötjöma otiwo̧sa jö̧a̧loböma jwiobe yelösöda, iteda ja̧bö suli̧ jwibo̧ baibokobetjö̧.

Romanos 3:30

Bakwo̧da tjuluwo̧ Diosma, judío jojodöbi, judío jojodöböködöbi. Ja̧danö, judío jojodönöbi, judío jojodöböködönöbi Jesúsnö tjösödobetjö̧ bakwainö suli̧ jwibadö batjibanö ja̧bo̧ Diosma.

1 Corintios 4:11

Chömöledö, ökwödö Jesús webawedöma babebi ina a̧wi̧chi̧ tjöbö dö̧jobe, ja̧danö o̧ti̧tjö tjöbö usula demawobe. Ja̧danö, kamijido̧ sulabado̧ kȩachado̧ 'dubawadö dö̧jobe, ja̧danö jojodö kwakwatjawö̧ dö̧jobe usula emawö. Ja̧danö, jelobebi, jelobebi kwebachö dö̧jobe,

Efesios 3:6

Biya̧ wene labebö loinobe chömöledö: Ökwödö judío jojodöböködöma, Jesús jawa otiwa jawa wene a̧ja̧kwö kwösödinaduwobetjö̧ judío jojodö Jesúsnö ösödadökwö bakwaso jojodödanö babibinadöja. Ja̧danö, bakwaso jojodödanö bakibinaduwobetjö̧ ökwödöbi Dios otiwa jawa iyakwa̧tjö kwemaduwakwedöja. Ja̧danö, Jesús iteba'obedödanö babibinadöja, judío jojodö Jesúsnö ösödadökwö, tjiteba'o bakwa'odanö. Ja̧danö, tjiteba'o bakwa'o bakibinaduwobetjö̧ ökwödöbi Dios ajayinö yöbawö ujunina, iteda isabenö iyakwa̧ wene yöbawö ujuninama, kwemaduwakwedöja.

Santiago 1:11

Ja̧danö, imiamenöma ja̧wo̧ jweinö ö̧jena jwa̧lȩ'epjo tubinö jwa̧lȩ'ewena meje'yema dejatibö woi̧. Ja̧danö, mejenö pokwi̧ o̧bu̧bi̧ya bo̧i̧bi dejatibö niyuwachibö nijibe tjoduwi̧bi. Jejenö baibena o̧bu̧bi̧yama ¿otiwobeji̧, ajayi ja̧ja̧danö? Otiwökö. Ja̧ o̧bu̧bi̧ya otiwi̧ma ba̧kwȩlö̧jatebö jökö, 'dö̧ibaji̧ jawa. Ja̧danö, böjȩ jawa juna̧lo̧ma, Lekwe chujuna̧lakobe, jö̧ba̧lö, otidö ö̧jemi ja'ötjö ö'wö babibo̧. Ja̧danö, jejenö ö'wö baibena ida̧ökö ujuna̧laja̧tjöma 'da̧bachibö jo̧, ba̧kwȩlö̧jatebö ji̧ jawaokobetjö̧. Jo̧kwaobetjö̧ chö̧ja̧wo̧dö, Jesúsnö ösödadötjö juna̧ladöma Diosnöda tjo̧'wo̧ wana̧lö, tjo̧'wo̧ ösöwanö tjö̧jobö jo̧be, Dios jawada mikwawobe, jö̧ba̧lö.