Mateo 2:4 - Dios Iwene

⁴ Jo̧kwajabetjö̧ Herodesma Diostjö jojodötjö ö'weje pjabatadö la'aka tjuluwedönöbi, Dios weina Moisés iwȩyudina ba̧ja̧dadönöbi oko̧ko̧dinobe, ja̧danö jobadönö abebö a̧ja̧kwinobe: —Dios weakwo̧ jö̧a̧linökwenöma, ¿detjö jemakwa̧da?— jö̧ba̧lö.

Mateo 2:4 Iomraidhean Croise

Mateo 13:52

Tupakwö yöawinobe Jesúsma: —Chömöledö, Moisés iwȩyudina jawa ba̧ja̧dadötjö mölejȩbe jo̧ yöbawö weena jawabi waisachibajadöma, isabenö otiwanö tjöba̧ja̧dakwedö, damötjö tjiwȩyudina jawa nöinö mikwawi̧ jawakwö, 'yayi̧ jawa tja̧ja̧kwaja̧ jawakwö otiwanö tjöba̧ja̧dobetjö̧— jö̧ba̧lö.

Mateo 2:3

Jejenö abebö tja̧ja̧kwiökwe, la'aka luwo̧ Herodesbi, ju'wedö Jerusalénnö ju̧kwadöbi yetjabinobe, tajijö jö̧ba̧lö.

Mateo 2:5

Jejenö abebö a̧ja̧kwawö̧ tjatadinobe: —Judea niji comunidad Belentjö jemakwo̧, Dios yöawi̧ yöbawo̧ damötjö baikwö iwȩyudinobetjö̧:

Mateo 21:15

Jejenö inesö otiwa jawa ja̧iawö̧, tjemuma Jesúsnö ösödö jwötjeba̧linobe: —Bite David itji̧ tupadanö jojonö dösödaduwo— jö̧ba̧lö. Jo̧kwaijayonö, Diostjö jojodötjö ö'weje pjabatadö la'aka tjuluwedöbi, Moisés iwȩyudina ba̧ja̧dadöbi Jesús otiwa jawa ja̧i̧ tjedenama, ja̧danö tjemu Jesúsnö ösödö jwötjeba̧li̧ tja̧ja̧kwenama, tjödameakwinobe,

Mateo 21:23

Jesúsma yemidanö Dios eju a̧petusȩko̧ okwa tebachö, jojodönö öba̧ja̧dinobe. Ja̧danö jejenö öba̧ja̧donö, ö'weje pjabatadö la'aka tjuluwedöbi, damöbi Jesús ö̧jobekwö ichö abebö tja̧ja̧kwinobe: —Ja̧köbi̧ma, ¿ti weinadaja̧ ja̧köbobö? ¿Ti ökwönö ujuninada, luwo̧ baibanö jejenö ja̧köbobö?— jö̧ba̧lö.

Mateo 26:3

Ikenama, Diostjö jojodötjö ö'weje pjabatadötjö la'aka luwedöbi, jojodötjö damöbi tjoko̧ko̧kwachinobe, ö'weje pjabatadötjö inesö la'aka luwo̧ Caifás mikwo̧ eju otiwejutjö.

Mateo 26:47

Jesús ina yöa̧lonö, Jesús a̧li̧nösamutjö du̧ju̧taja öba̧ja̧di̧ waisachadötjö jojo Judas mikwo̧ma ichibinobe, ba̧jekwadö jojodö kwölöte'iju do̧ba̧lakwadökwöbi, ö̧'iya do̧ba̧lakwadökwöbi. Jobadöma Diostjö jojodötjö ö'weje pjabatadötjö la'aka luwedö tjömöayedöbi ja̧danö jojodötjö damö tjömöayedöbi Judaskwö tjichinobe.

Mateo 27:1

Jemi ikenama, ina yȩayi, okobe deinö Diostjö jojodötjö ö'weje pjabatadö la'aka tjuluwedöbi, jojodötjö damöbi ko̧ko̧kwö yötja̧lakwawinobe, Jesúsnö kwabö lotjobö ja̧tjakwa̧ma.

Mateo 7:29

Moisés iwȩyudina jawa ba̧ja̧dadö tjöba̧ja̧di̧danö öba̧ja̧dököwö̧, jejenö tjomukwatinobe, Jesúsma isabenö luwo̧ yöawi̧danö yöawobetjö̧.

Marcos 8:31

Ikenama Jesúsma iteda öba̧ja̧di̧ waisachadönö itenöda baledakwa̧ wene yöbawijetö: —Yötawaduwakwö. Ötjöma, jojo baibanö jeminökwema nöinö usula chemawakobe. Ja̧danö, judío jojodötjö la'aka luwedöbi, Diostjö jojodötjö ö'weje pjabatadö tjuluwedöbi, Moisés iwȩyudina ba̧ja̧dadöbi ötjönöma, Sulabo̧, jö̧ba̧lö, tjöpöjödakwo̧sa. Ja̧danö, tjöpöjödobetjö̧ ötjönö kwabö lotjobö wetjakobe tjömöayedönö. Ja̧danö, wetjawö̧ kwabö lotjakwo̧sa ötjönöma. Jo̧kwaijayonö wotaja̧ ikena tupakwöma, wa̧pötakwa möle baledibajena yadakwödanö tjetachakwo̧sa— yöbawijetö Jesúsma iteda öba̧ja̧di̧ waisachadönöma.

Lucas 20:19

Jejenö yöa̧liawö̧, ö'weje pjabatadötjö la'aka tjuluwedöbi Moisés iwȩyudina ba̧ja̧dadöbi tjöwaisinobe, wanedö yöawaja̧ma, Ötjönö kwöpöjödaduwobetjö̧ Dios lȩebakwawö̧ja jö̧ba̧lö wanedö yöawobe jö̧ba̧lö, jo̧kwajabetjö̧ dameakwö, tjo̧'wo̧ sulinö juluwanö Jesúsnö do̧tjatobö tjösödinobe. Jo̧kwaijayonö, jojodö Jesúsnö tjösödiawö̧, Jesúsnö do̧tjatoböma yetjabinobe, Jojodö tjöba a'otjö Jesúsnö do̧datitjö̧ma, jojodötjö wene baibena, ökwödönö tjölabena, jö̧ba̧lö yetjabinobe.

Lucas 23:10

Ja̧danö, Jesús Herodes öba a'o ö̧jonö, ö'weje pjabatadö la'aka tjuluwedöbi, Moisés iwȩyudina ba̧ja̧dadöbi jobe yöne ja̧nö labinö wanedö yötja̧linobe, Isabenö sulabo̧ bite Jesúsma, jö̧ba̧lö.

Juan 18:3

Jo̧kwaobetjö̧, Judasma romano jojodötjö guardianöbi, Diostjö jojodötjö ö'weje pjabatadötjö la'aka luwedö wetjajawö̧nöbi, fariseo jojodö wetjajawö̧nöbi öbibö i̧'yinobe jobe batjobema. Ja̧danö, la̧pa̧la̧yu̧biyanöbi, dejewa'yu̧biyanöbi deja̧lö tji̧'yinobe. Ja̧danö, tokwötebiyabi, ö̧'i̧ya kwakwatjakwa̧ ö̧'i̧yabi do̧ba̧lö tji̧'yinobe Jesúsnö do̧tjatobö.

Juan 3:10

—Nicodemo, ökwöma Israel jojodönö otiwanö ba̧ja̧dakwawa waiso̧ma, ¿jö̧tö? ¿Dakwö jö̧ba̧lö wajwiköba biya̧ yötawi̧ma?

Juan 7:32

Ja̧danö, jojodöma ba̧jekwadö idödada sewobakwawöda yötja̧lakwawinobe, Bite Jesúsma, Dios weinökwe, jö̧ba̧lö. Jejenö yötja̧lakwawijayonö, fariseo jojodöma tja̧ja̧kwinobe jojodö yötja̧lakwawi̧ma. Jejenö a̧ja̧kwö, fariseo jojodöma, Diostjö jojodötjö ö'weje pjabatadötjö la'aka luwedökwö, bakwainö omukwatö, Jesúsnö do̧tjatobö tjomukwatinobe. Jejenö omukwatö wetjinobe Dios eju te'ada̧ladö guardia jojodönö Jesúsnö do̧tjatobö.

Juan 8:3

Ikenama, yöawobekwö Moisés wȩyudina yöbawadöbi, fariseo jojodöbi isujunö, do̧tjatajokonö tjichejebinobe. Jobujuma, jelo̧, jilekwebö̧kö̧kwö jö̧jiawö̧ do̧batö tjichejebinobe. Ja̧danö jojodö tjö'da̧denö tjujuninobe jobujunöma.

Hechos 23:9

Jobadöma idödada jemitupakwö juluwachibö wene juna̧lakwawö̧ yöba̧lakwawijadötö. Ikenama fariseo jojodötjö ju'wedöma, Moisés iwȩyudina ba̧ja̧dadöma, jamatö labinö jö̧ba̧lijadötö: —Dedemi bite Pablo sulabenö yöbawö̧kö̧. ¿Dakwö dedobö? Ángelma jo̧banö yöa̧linena. Jelo̧ isapjo luwo̧ yöa̧linena— jö̧ba̧lijadötö, Pablonö yöba̧lö.

Hechos 4:5

Ja̧danö, ju'wi dewachö israel jojodö tjuluwedöbi, israel jojodötjö damöbi, Moisés iwȩyudina ba̧ja̧dadöbi Jerusalénnö ko̧ko̧kwachibijadötö, Pedronö, Juannö abebö tja̧ja̧kwakwedö.

Hechos 6:12

Ja̧danö, jejenö omöna yöbawö jwötjeba̧lobe a̧ja̧kwö jojodöma yelösöda labijadötö Estebannöma. Ja̧danö, damöbi, Moisés iwȩyudina ba̧ja̧dadöbi labijadötö, Estebannö jwötjeba̧lobe a̧ja̧kwö. Jo̧kwaobetjö̧ jobadöma Esteban ö̧jobekwö 'yi̧jadötö jo̧banö do̧tjatobö. Ichibö jo̧banö do̧batajadö öbibö e'ewö 'yi̧jadötö judío jojodötjö la'aka luwedö tjö̧jobekwö, jobadö tjöba a'o tjujunobö.