Mateo 2:20 - Dios Iwene

²⁰ —Tjemunö kwabö lotjobö isakwadöma ida̧ökö debö tji̧'yajabe, jo̧kwajabetjö̧ a̧laibö tjemunöbi, tjemu ojo'donöbi öbibö Israel nijibe da̧ja̧duwi— jö̧ba̧lö weinobe.

Mateo 2:20 Iomraidhean Croise

1 Reyes 11:21

Jemi ikenama, lekwe möle baledibajenama, Egiptonö ja̧nö a̧ja̧kwinobe Hadadma, —Davidma ida̧ökö a'dödökwö babibö ö'wö baibajabe, ja̧danö ömöayo̧ ölakwabikwawa jojodötjö la'aka luwo̧ Joabbi ö'wö baibajabe, —jö̧ba̧lö a̧ja̧kwinobe Hadadma. Jejenö a̧ja̧kwajo̧, Hadadma Faraonnö aebinobe, —Weköbobö atebakwö, ötjöda chitebobe chȩwa̧jobö weköbobö, —jö̧ba̧lö.

1 Reyes 11:40

Jemi ikenama, Salomonma ja̧ baledaja̧ öwaisachibinobe, jadanö öwaisachibajo̧, Jeroboannö kwabö loobö isakwinobe. Jo̧kwaijayonö, Jeroboanma Salomon ö̧jelö döibajinobe, Egipto nijibe, jadanö Egipto la'aka luwo̧ Sisacma Jeroboannö tjöbeba̧lö pjaatinobe, Salomon ö'wö baibenanö kabatö.

Éxodo 4:19

Ja̧danö, Isabenö Jo̧ma jö̧ba̧lijetö Moisésnöma, Madiántjö Egiptobe ȩwa̧jakwa̧ abönö: —Moisés ida̧ökö kwȩwa̧jobö jo̧be Egiptobe. Ökwönö kwabö lotjobö omukwatö juninadöma ida̧ökö wotjinobetjö̧ labokobe babema— jö̧ba̧lijetö.

Mateo 2:13

Jobadö waisadö tjitebobe tjȩwa̧ja ikenama, Duluwo̧ weökwe ángelma Josénö i̧'wi̧dinö öwawachö yöawinobe baikwö: —A̧laibi. Tjemunöbi, tjemu ojo'donöbi öbibö Egypto nijibe döbibajaduwi. Ja̧danö jobe kwö̧jaduwo, yemidanö kwichaduwobö yötawenanö kabatö, Herodesma tjemunö kwabö loobö isakwakobetjö̧— jö̧ba̧lö yöawinobe ángelma.

Mateo 2:19

Herodes ö'wö baibaja̧ ikenama, Duluwo̧ weökwe ángelma Egyptonö jo̧ Josénö öwawachinobe i̧'wi̧dinö, ja̧danö weinobe:

Mateo 2:21

Jejenö weökwe, Joséma a̧laibö tjemunöbi, ojo'donöbi öbibö Israel nijibe tjȩwa̧jinobe.