Mateo 2:15 - Dios Iwene

¹⁵ ja̧danö jobe tjö̧jinobe, Herodes ö'wö baibenanö kabatö. Ja̧ baledi̧ma Duluwo̧ damötjö yöawinadanö baledinobe. Baikwö iwȩyudinobe Dios yöawi̧ yöbawo̧ma, ja̧ Duluwo̧ yöawinama: Chitji̧nö Egypto nijitjö laebobö jwötajabe, jö̧ba̧lö laebobe.

Mateo 2:15 Iomraidhean Croise

Éxodo 4:22

Ikenama baikwö yökawo faraónnö: Isabenö Jo̧ma ökwönöma yöa̧la, Israel jojodöma ötjöda ile nitebawö̧, bakwuju ajayinö jitji̧nö ile nijebi̧danö, jö̧ba̧lö.

Mateo 1:22

Jejenö baledi̧ma baledinobe, Duluwo̧ yöawinadanö baledakobetjö̧. Dios yöawi̧ yöbawo̧ma ja̧ Duluwo̧ yöawina damötjö iwȩyudinobe, baikwö:

Mateo 2:14

Jejenö yöawökwe, iya̧da yö̧te Joséma a̧laibö tjemunöbi, ojo'donöbi öbibö Egypto nijibe tji̧'yinobe,

Mateo 2:17

Ja̧ tjemu wotjinama Dios yöawi̧ yöbawo̧ Jeremías damötjö yöawinadanö baledinobe. Baikwö wanedö yöawinobe Jeremíasma:

Mateo 2:19

Herodes ö'wö baibaja̧ ikenama, Duluwo̧ weökwe ángelma Egyptonö jo̧ Josénö öwawachinobe i̧'wi̧dinö, ja̧danö weinobe:

Mateo 2:23

Ja̧danö, Galilea nijibe 'ya̧nö, Nazaret comunidadnö tjö̧jinobe. Ja̧ baledi̧ma Dios yöawi̧ yöbawadö Dios weakwo̧nö tjiwȩyudinadanö baledinobe. Baikwö laebobe Dios iwene, damötjö tjiwȩyudinama: Jo̧banö Nazaret jojo ötjabikobe, jö̧ba̧lö laebobe.

Mateo 21:4

Ja̧ baledi̧ badekwachi̧ma, damötjö Dios yöawi̧ yöbawo̧ yöawinadanö badekwachinobe. Baikwö yöawinobe:

Mateo 26:54

Jo̧kwaijayonö jejenö atebitjö̧ma, Dios iwene laebi̧danö baledökena chömöledö. Jau chömöledö, Dios iwenenö laebobe, isabenö babe baledi̧danö baledobö jo̧be— jö̧ba̧lö.

Mateo 26:56

Baikwö yötawaduwakwö: Okobe jwiinö babe baledi̧ma baledajabe, Dios yöawi̧ yöbawinadö tjiwȩyudinadanö baledakobetjö̧— jö̧ba̧lö yöawinobe Jesúsma. Ikenama, okobe deinö Jesús öba̧ja̧di̧ waisachadöma jo̧banö le'dedibö dötjibajinobe.

Mateo 27:35

Ikenama Jesúsnö towisa'onö bȩbö tjöninobe, ja̧danö nönajadö inawiya pjei̧ öwiya ikwawö alewö ja̧tjinobe, Jesús ökamijido̧ ti emojobö jö̧ba̧lö tjalewinobe.

Mateo 8:17

Ja̧ baledi̧ma, damötjö Dios yöawi̧ yöbawo̧ Isaías yöawinadanö baledinobe. Baikwö laebobe Isaías iwȩyudinama: Jo̧bama dö'wöchi̧bi, usula demawi̧bi eminobe, jö̧ba̧lö.

Lucas 24:44

Jemi ikenama Jesúsma jobadönö yöawinobe: —Wotakwa̧ abönö ina ökwödökwö chö̧jayi, ökwödönö yötawijatö, okobe jwiinö Dios iwenesa'yetjö ötjönö tjiwȩyudinama badekwachobö jo̧be, Moisés iwȩyudinabi, ju'wedö Dios yöawi̧ yöbawinadö tjiwȩyudinabi, Salmossa'yetjö tjiwȩyudinabi okobe jwiinö badekwachinö baledobö jo̧be jö̧ba̧lö yötawijatö ökwödönö— jö̧ba̧lö yöawinobe Jesúsma.

Juan 19:28

Ja̧danö, Jesúsma, Tjo̧wi̧ Dios ötjönö weinama katatajabe, jö̧ba̧lö, omukwatinobe. Ikenama, Dios iwene laebi̧danö badekwachinö aebinobe: —Ojwiyo o̧ti̧lö̧jabi— jö̧ba̧lö.

Juan 19:36

Jejenö Jesúsnö baledinobe Dios iwene ajayinö tjiwȩyudinadanö badekwachinö. Ajayitjöda baikwö tjiwȩyudinobe: Jo̧ba iwe'oma bakwa'obi kwabö 'detjatökakwo̧, jö̧ba̧lö laebinobe Dios iwenetjö.

Hechos 1:16

—Chömöledö, damötjö da'dömine Davidma, iteda o̧'wo̧ luwo̧ okwanö Dios O̧'wo̧ Luwo̧ öba̧ja̧da̧lonö yöbawö wȩyudijetö Judasnöma, Jesúsnö do̧batö tje'ewotö jö̧ba̧ladönö öbibö i̧'yakwo̧nöma. Damötjö jejenö laebijetö Dios iwenetjö, Davidmine iwȩyudinama. Ja̧ wene isabenö badekwachinobe, Judas sulabenö iyö loawa wene— yöbawijetö Pedroma—.