Mateo 2:13 - Dios Iwene

¹³ Jobadö waisadö tjitebobe tjȩwa̧ja ikenama, Duluwo̧ weökwe ángelma Josénö i̧'wi̧dinö öwawachö yöawinobe baikwö: —A̧laibi. Tjemunöbi, tjemu ojo'donöbi öbibö Egypto nijibe döbibajaduwi. Ja̧danö jobe kwö̧jaduwo, yemidanö kwichaduwobö yötawenanö kabatö, Herodesma tjemunö kwabö loobö isakwakobetjö̧— jö̧ba̧lö yöawinobe ángelma.

Mateo 2:13 Iomraidhean Croise

1 Reyes 11:17

Jo̧kwaijayonö, ju'wedö debö tji̧'yonö, Hadadma jobetjö döbibajö ö̧jibinobe. Ja̧ möle Hadadma ina tjemu ö̧jinobe, ja̧danö abe'do ömöayedö edomitas jojodötjö ju'wedökwö döibajinobe Egipto nijibe.

1 Reyes 3:5

Ja̧danö, ju'wi yö̧te Salomon Gabaonnö ö̧jenama, Isabenö Jo̧ma Salomonnö öwawachibinobe, i̧'wi̧dinö. Öwawachajo̧, Diosma jo̧banö abebö a̧ja̧kwinobe, —Ökwönö chiyakwa̧ma, di̧ya jawa ökwönö chiyobö jö̧ka̧lobeda? —jö̧ba̧lö.

Diosnö ösödo̧ Job mikwo̧ usula emawina jawa 33:15

Ju'wikwenama, yö̧te tji̧'wi̧dinö jojodönö yöa̧lena, yö̧te bö̧ti̧ söinö jojodö tjabenama.

Éxodo 1:22

Ikenama Israel jojodö ba̧jekwadö tjujulunö tjuju̧kwiökwe faraónma webijetö okobe deinö Egipto jojodönö: —Okobe deinö hebreo jojodö tjemajawö̧nö ömadönöma ojwe okwa loköbaduwo, o̧tjawinö. Jo̧kwaijayonö okobe deinö ya̧dönö tjemajawö̧nö loköbaduwoko, wainö tjö̧jakwedö— webijetö faraónma okobe deinö Egipto jojodönöma.

Mateo 1:20

Jobekwö omukwatö ö̧jonö, Duluwo̧ weökwe ángelma jo̧banö yöawinobe, i̧'wi̧dinö: —David itji̧ tupadanö jojo José, yebabökönuwi. Maríanö kwemo, kwilekwo bajibanö. Jelo̧nö ja̧bö metu'woma jö̧kuju. Dios O̧'wo̧ Luwo̧ ujulunöda metu'wo ju̧ju.

Mateo 10:23

Jau chömöledö, bakwöta comunidadtjö ökwödönö usula kwemawaduwinö ja̧tjenama, jobetjö döbibajö ju'wi comunidadbe 'ya̧duwi. Ja̧danö, isabenö yötawaduwakwö, okobe jwiinö Israel niji comunidadtenia jojodönö yöbawö kakataduwakwa̧ abönö, ötjö jojo baibanö jeminökwema yemidanö chichocha.

Mateo 2:12

Jemi ikenama, tjitebobe tjȩwa̧jinobe, jo̧kwaijayonö tjichinamabenö tjȩwa̧jinokobe. Diosma tji̧'wi̧dinö yemidanö Herodes ö̧jobekwöma kwi̧'yaduwoko jö̧ba̧lö yöawiawö̧, jelobenö tjȩwa̧jinobe.

Mateo 2:14

Jejenö yöawökwe, iya̧da yö̧te Joséma a̧laibö tjemunöbi, ojo'donöbi öbibö Egypto nijibe tji̧'yinobe,

Mateo 2:16

Waisadö Belenbe tji̧'yakwa̧ abönö, yemidanö ichö tjemunö yödawakobe ökwönö, jö̧ba̧lö Herodesnö yötjawinajayonö, yöbawöma tjetjachajinokobe, ja̧danö tjichiökökwe, Herodesma jwiinö ölabinobe, ja̧danö Jesúsnö kwabö lootö jö̧ba̧lö iteda ömöayedö guardia jojodönö weinobe, okobe deinö Belennö ju̧kwadö tji̧tji̧mu ömadö döbalataja o̧biya baikwönönöbedönö kwabawö lotjobö. Waisadöma jo̧banö yötjawinobe o̧biya dötölataja baledajena, sili'ima ajayinö öwawachinobe jö̧ba̧lö, jo̧kwajabetjö̧ Jesúsnöbi kwabö lootö jö̧ba̧lö, okobe deinö tji̧tji̧mu ömadö döbalataja o̧biya baikwönönöbedönö kwabawö loinobe.

Mateo 2:22

Jo̧kwaijayonö yemidanö Judea nijibema tjetjachajinokobe, tja̧ja̧kwinobetjö̧, Herodesmine itji̧ Arquelaoma Judea niji la'aka luwo̧ jo̧ jö̧ba̧lö. Jejenö a̧ja̧kwö, José yeabinobe, ja̧danö Diosma i̧'wi̧dinö jelobe i̧'yobö yöawobetjö̧, Galilea nijibe tji̧'yinobe.

Hechos 10:22

Jejenö abebö a̧ja̧kwiawö̧ atadijadötö: —Duluwo̧ Cornelioma, ciennö guardia jojodö tjuluwo̧ma weatö ökwödönöma ökwönö öbibö di̧'yobö. Jo̧ba Duluwo̧ma otiwanö omukwatö jo̧. Diosnö otiwanö yebabinö omukwato̧. Okobe deinö judío jojodöma tjösödökwe Duluwo̧nöma. Dios weajökwe ángelma öwawachajo̧ webijetö Duluwo̧nöma ökwönö weobö, iteda ejube kwi̧'yobö, ökwö yökawi̧ a̧ja̧kwobö— yöbawijadötö.

Hechos 10:7

Ikenama tjo̧wi̧ ángelma ȩwa̧jabe okobe Cornelioma ömöayedö du̧ju̧tajanö jwöbijetö tjichobö. Jelo̧, iteda ömöayedötjö guardia luwo̧nöbi, Diosnö ösödo̧nö ichobö jwöbijetö.

Hechos 12:11

Ja̧danö, jejenö debi̧ baibiökwe Pedroma otiwanö waisachibö jö̧ba̧lijetö: —Aaa, babema chöwaisachiba. Biya̧ma chi̧'wi̧di̧maökö. Isabenö jo̧ba ángelma Duluwo̧ weajökwe ángel. Herodes ötjö chö'wöchinö weakwa̧tjö chö̧jibinö pjaatajabe jo̧ba ángelma. Ja̧danö, judío jojodö ötjönö sulabenö baledakwa̧ tjösödi̧ma baledökakobetjö̧ pjaatajabe— jö̧ba̧lijetö.

Hechos 12:7

Ikenama Pedro jejenö abonö omönanö öwawachijetö Duluwo̧ weajökwe ángelma. Öwawachena dewinö dejatijetö Pedro ö̧bȩko̧ okwama. Jo̧ba ángelma Pedronö ometupanö 'dobö wiludijetö.

Hechos 16:36

Jobadö guardia jojodöma ka̧lena ba̧kwawejunö ichibö te'ada̧lakwawa jojonö yötjawiökwe Pablonö yöbawijetö: —Tjo̧wi̧, lȩekwa yöawakwawa jojodöma wetjajabe ökwödönö latebobö. Jo̧kwaobetjö̧ labebaduwi, otiwanö da̧ja̧duwi— jö̧ba̧lijetö.

Hechos 5:19

Jo̧kwaijayonö yö̧te ja'ö Duluwo̧ weinökwe ángelma ka̧lena ba̧kwawejube öwawachibö apjude po̧bebö öbibö labebijetö Jesús webawedönöma. Ja̧danö, a̧petube öbibö labebajo̧ jö̧ba̧lijetö jobadönö:

Hechos 7:19

Jo̧bama o̧'wo̧ sulinö omukwatö sulabenö ja̧bijetö da'dödöminenöma. Usula tjemawinö webijetö, jobadö tji̧tji̧munö pjetjawobö wotjawinö.

Josué 3:17

Ja̧danö, Isabenö Jo̧ iteapjo e'ewadö tjö̧'da̧de pjabatadöma, ojwe ja'ö ichibö, tjöjamatinobe, ja̧danö jobe ojwe ja'ö ja̧nö tjiteada̧linobe, okobe deinö israel jojodö tjöbaledenanö kabatö. Ja̧danö, ojwe lo̧ jö̧a̧lemibenö, israel jojodöma kököachibajena nijibenö tjöbaledinobe.

Josué 4:10

Diostjö jojodötjö tjö̧'da̧de pjabatadö isapjo e'ewadöma, jobe ojwe ö'weje ja̧nö tjiteada̧linobe, okobe jwiinö Josue weaja̧danö israel jojodö katjatakwawenanö kabatö. Isabenö Jo̧ma Josuenö weinobe israel jojodönö yöawakwa̧ma, ja̧danö ina 'yaa̧layi, Moisesma Josuenö weinobe, tjöbaledena ja̧tja̧kwa̧ma, ja̧danö okobe jwiinö ja̧ jawa katjatakwawenanö kabatö, Dios iteapjo e'ewadöma jobe ojwe ö'wejenö ja̧nö tjiteada̧linobe. Ja̧ möle baledina, baikwö laebobe. Israel jojodöma juluwanö tjöbaledinobe.

Josué 4:18

Weawö̧, Isabenö Jo̧ iteapjo, jo̧bakwö israel jojodökwö yöbawö junawa i̧sȩkwapjo e'ewadö tjö̧'da̧de pjabatadöma, weaja̧danö ojwe ö'wejetjö latjebinobe. Ja̧danö, ojwetjö labebö, ö'öbö kököo jö̧a̧lemibe tjömasapiyanö tjö̧jatenama, Jordan ojwema juluwanö yemidanö isuwö lamatinobe, ja̧danö ajayinö ja̧ja̧danö, yemidanö su̧'bȩ babibö welachibanö okwatibinobe.

Apocalipsis 12:14

Jo̧kwaijayonö jobujuma, möko nöbo̧ o̧wa̧ja̧pi̧ya iyajoko köbö 'döbibajujunö chedijatö, toba'dadanöso̧ ö̧jelöma, jojodö deobekwö. Jobujuma jobetjöma Dios otiwanö ite'ada̧loko ju̧ju, o̧bi̧ya wa̧pöbakwatjö jelebatjö ja'öba.

Apocalipsis 12:4

Jo̧ba öwali'boma juluwo̧. Öwali'bonö labinö wökwebö mölejȩbe lö̧jadö si̧li̧'i̧dönöma, ö'wedönöda böjȩkwö jaobe chedijatö. Ja̧danö, jo̧bama metu'wo nioko jö̧bemi badeibö te'ada̧lö jo̧nö chedijatö, jemibökwenö ukwotö jö̧ba̧lö.

Apocalipsis 12:6

Ikenama tjemu ojo'do jojodö deobekwö, Dios ajayi döjibajakwa̧ otidinobekwö döbibajajunö chedijatö. Jobujuma jobe jö̧jonö otiwanö tjite'ada̧loko, lekwe möle, mil doscientos sesenta möle jenanö.