Mateo 2:1 - Dios Iwene

¹ Jesús ojo'do Judea niji comunidad Belentjö Jesúsnö jemenama, Herodes mikwo̧ la'aka luwo̧ ö̧jinobe. Ja̧danö, jawo̧ laebobekwötjö, ju'wedö waisadöma tjichinobe, ja̧danö ichajadö Jerusalén comunidadnö ichibö abebö tja̧ja̧kwinobe:

Mateo 2:1 Iomraidhean Croise

Génesis 10:30

Ja̧danö, jobadö tjitebokwenama Mesa mikwemitjö ja̧wo̧ laebobekwö Sefar mikwobe, mö'ösa'iju ba̧ba̧lawemi ichibanö.

Génesis 25:6

Jo̧kwaijayonö ina ö̧ja̧yida ju'wedö i̧lȩkwa̧mu̧, Ketura, Hagar tji̧tji̧munö ju'wi jawa iyö jelobe tji̧'yobö webijetö, ja̧wo̧ laebobekwö, itji̧ Isaac öjȩlöma ödö.

Génesis 41:8

Ja̧danö, dewachena faraónma i̧'wi̧dikwaja̧ omukwatö jwiinö o̧'wo̧ tjo̧bekwijetö. Jo̧kwaobetjö̧ jwöbijetö okobe deinö ma̧li̧mu̧nö, ja̧danö okobe deinö jwiinö waisadönö tjichobö. Ichajadönö i̧'wi̧dikwaja̧ yöawijayonö bakwo̧bi deijetö, jo̧ba i̧'wi̧dikwaja̧ labebö loawa waiso̧ma.

Génesis 49:10

Ina yöbawijetö: —Isabenö yötawa, Judá: Ökwötjö tupadanö jojodöma ba̧kwȩlöjatebö la'aka luwedö webö tjuju̧kwakwedö. Jejenö webö tjö̧bakobe bakwo̧, inesö la'aka luwo̧ ichenanö kabatö. Jo̧ba inesö la'aka luwo̧ma okobe deinö jojodö tjuluwo̧ ö̧jakwo̧— yöbawijetö Jacobma itji̧ Judánöma.

1 Reyes 4:30

Okobe deinö jawo̧ laebobekwö ju̧kwadötjö, bajalekwönönö waisanö omukwato̧ ö̧jinobe Salomonma, ja̧danö okobe deinö Egipto nijitjö waisanö omukwatadö ötjabawö̧tjö, bajalekwönönö waisanö omukwato̧ ö̧jinobe.

1 Crónicas 2:51

Belen comunidad otidina Salma mikwo̧bi, Bet Gader comunidad otidina Jaref mikwo̧bi.

Diosnö ösödo̧ Job mikwo̧ usula emawina jawa 1:3

Ju'wibi ba̧jȩkwadö a̧jwi̧munö ajikwinobe Jobma, obejadönö siete milbedönö ajikwinobe, ja̧danö camellodönö tres milbedönö ajikwinobe, ja̧danö pakayadönö milbedönö ajikwinobe, ja̧danö buludönö, quinientasbedö ya̧dönö ajikwinobe. Ju'wibi yelösöda ba̧jȩkwadö iteda ömöayedönö ujuna̧linobe Jobma. Okobe deinö jawo̧ laebobekwö ju̧kwadötjö, Jobda ju'wedötjö bajalekwönönö luwo̧ ö̧jinobe, isabenö nöinö ujuna̧linobetjö̧.

Isaías 11:10

Ja̧danö, ja̧ möle bandera ötjabi̧ jawa öwawi̧danö, Isai itji̧ tupadanö jojo la'aka luwo̧ma öwawinö öjamatakwo̧, okobe deinö bö̧jȩnö ju̧kwadöma joba ö̧jobekwö ko̧ko̧kwö tji̧'yakobetjö̧. Ja̧danö, öba a'o ichibajadö, tjitebotenia jojodöma jo̧banö abebö tja̧ja̧kwakwedö, otiwanö ja̧bö tjö̧jakwa̧ tjöwaisakobetjö̧. Ja̧ mö̧le, isabenö okobe deinö jojodöma jo̧ba itebo comunidad ösödö otiwanö tjomukwatakwedö, —Duluwo̧ itebo comunidadma dejatinö salöi̧ comunidad, —jö̧ba̧lö.

Mateo 1:25

Jo̧kwaijayonö, jobujunö emijayonö, jobujunö ja̧inokobe, jitji̧nö jemenanö kabatö. Ja̧danö, jitji̧nö jemenama, Joséma jo̧banö Jesús jö̧ba̧lö imidinobe.

Mateo 2:16

Waisadö Belenbe tji̧'yakwa̧ abönö, yemidanö ichö tjemunö yödawakobe ökwönö, jö̧ba̧lö Herodesnö yötjawinajayonö, yöbawöma tjetjachajinokobe, ja̧danö tjichiökökwe, Herodesma jwiinö ölabinobe, ja̧danö Jesúsnö kwabö lootö jö̧ba̧lö iteda ömöayedö guardia jojodönö weinobe, okobe deinö Belennö ju̧kwadö tji̧tji̧mu ömadö döbalataja o̧biya baikwönönöbedönö kwabawö lotjobö. Waisadöma jo̧banö yötjawinobe o̧biya dötölataja baledajena, sili'ima ajayinö öwawachinobe jö̧ba̧lö, jo̧kwajabetjö̧ Jesúsnöbi kwabö lootö jö̧ba̧lö, okobe deinö tji̧tji̧mu ömadö döbalataja o̧biya baikwönönöbedönö kwabawö loinobe.

Mateo 2:19

Herodes ö'wö baibaja̧ ikenama, Duluwo̧ weökwe ángelma Egyptonö jo̧ Josénö öwawachinobe i̧'wi̧dinö, ja̧danö weinobe:

Mateo 2:3

Jejenö abebö tja̧ja̧kwiökwe, la'aka luwo̧ Herodesbi, ju'wedö Jerusalénnö ju̧kwadöbi yetjabinobe, tajijö jö̧ba̧lö.

Mateo 2:5

Jejenö abebö a̧ja̧kwawö̧ tjatadinobe: —Judea niji comunidad Belentjö jemakwo̧, Dios yöawi̧ yöbawo̧ damötjö baikwö iwȩyudinobetjö̧:

Mateo 2:7

Jejenö yötja̧liökwe, Herodesma ju'wedö wajwitjonö jelobetjö ichajadö waisadönö jwöinobe jobadökwö yöa̧lakwawobö, ja̧danö jobadönö abebö a̧ja̧kwinobe, sili'ima, diyanö ajayinö öwawachinojobö jö̧ba̧lö.

Lucas 1:5

Bakwo̧ Zacarías mikwo̧ ö̧jinobe, la'aka luwo̧ Herodes mikwo̧ Judea nijitjö weena ji̧nama. Jo̧ba Zacaríasma inesö Diostjö jojodötjö ö'weje pjabato̧ Aarónmine itji̧ tupadanö jojoinobe, ja̧danö Aarón i̧tji̧mu tupadanö jojodötjö, Aarón ö'dö̧ Abías mikwo̧ itji̧ tupadanö jojoinobe. Ja̧danö, Aarón itji̧ tupadanö jojoobetjö̧, ju'wedö Aarón i̧tji̧mu tupadanö jojodö ömadö otidiatjinadanö, Zacaríasbi Diostjö jojodötjö ö'weje pjabatö otidinobe. Jo̧ba Zacarías ilekwoma Elisabet mikwinuju, ja̧danö Elisabetbi Aarón itjiju tupadanö jojosujujinobe.

Lucas 2:11

babe yö̧te Davidmine itebo comunidadtjö jojodö tjö̧jibinö pjabato̧nö jemajabetjö̧, Dios weakwo̧ jö̧a̧linökwe Duluwo̧nö.

Lucas 2:15

Jemi ikenama ángelesdö mölejȩbe tjȩwa̧jinobe, ja̧danö tjȩwa̧ja ikena, o̧bȩja̧dönö te'ada̧ladöma yötja̧lakwawinobe baikwö: —¡Belenbe 'ya̧nö dedajaduwo dakwö baledajobö jö̧ba̧lö! Duluwo̧ ökwödönö yöawaja̧ baledi̧ma dedajaduwo— jö̧ba̧lö.

Juan 7:42

Jejenö laebokobe Dios iwenetjöma. Jweinö yöawobe, Dios weakwo̧ma Davidtjö tupadanö jojo, jö̧ba̧lö. Jo̧kwaobetjö David itebo, Beléntjöda ichakwo̧, Dios weakwo̧ma— jö̧tja̧linobe ju'wedöma, Jesúsma Dios weiökökwe, jö̧ba̧lö.

Jueces 17:7

Ja̧danö, Judasaso niji Belen comunidadtjö bakwo̧ ö̧jinobe, möayo̧ Levisaso jojo.