Mateo 19:5 - Dios Iwene

⁵ Baikwö laebobe Dios yöawinama: Jo̧kwaobetjö̧ bakwo̧ abe'dotjöbi ojo'dotjöbi labebö 'da̧bachibö ilekwokwöda ö̧jo jö̧ba̧lö. Ja̧danö, jobadö du̧ju̧tajama bakwo̧da babibadö, jö̧ba̧lö laebobe.

Mateo 19:5 Iomraidhean Croise

Génesis 34:3

Ikenama jo̧bama o̧'wo̧nö jwiinö ösödijetö jobujunö, Chemobö jö̧ta̧la chilekwo baibanö, jö̧ba̧lö. Jobujunö jwiinö ösödobetjö̧ döyötö yöba̧lijetö jobujunöma, jo̧banö jösödobö.

2 Samuel 1:26

Isabenö cho̧'wo tjoachobe ökwönö yö̧ne chömöledöso̧ Jonatan, isabenö ile nitebökweja Jonatan. Isabenö otiwanö ötjönö ile nikebinobe Jonatan, ile nikebinama, ya̧dö ile nitjȩbi̧tjö bajalekwönönö otiwanö ile nibebinaja.

1 Reyes 11:2

Damötjö̧ Isabenö Jo̧ma israel jojodönö weinokobe, jobadö tjitebokwena jojodönö tjemoböma, —Jobadötjö ya̧dönö kwemaduwoko, ja̧danö ökwödötjö ya̧dönö tjemoböma weköbaduwoko. Jejenö jobadökwö bakibaduwitjö̧ma, ökwödö jwaikwöda Diosnö kwösödaduwi̧ kabatibö, idö tjösödawö̧nö kwösödaduwobö ötjibakwedö, —jö̧ba̧lö damötjö weinobe Diosma. Jo̧kwaijayonö, jejenö weinajayonö, a̧ja̧kwökönö, jobadö Dios weinököwö̧nö ile nibebö ösödinobe Salomonma.

Mateo 19:6

Ja̧danö bakwo̧da batjibanö Dios ja̧inobetjö̧, du̧ju̧tajaböködö jobadöma. Bakwo̧dabedö, ¿jö̧tö? Jo̧kwajabetjö̧, Diosda du̧ju̧tajatjö bakwo̧da baibanö Dios ja̧inawö̧nöma, jojodö 'da̧batö tjujunoko— jö̧ba̧lö atadinobe.

Romanos 12:9

Ju'wedönö isabenö kwösödaduwo, wamedama kwösödaduwoko, okwanö kwösödaduwo. Jau chömöledö, sulabe jawa Dios öpöjödi̧ jawama kwöpöjödaduwo. Ja̧danö wanedö yötawa: Otiwa jawa 'diinö do̧ka̧laduwo, ja̧da kwösödaduwo.

1 Corintios 6:16

Kwöwaisaduwa chömöledö, bakwo̧ putasujunö ja̧bö bakobe baibitjö̧ma, jobujukwö bakwa'o baibanö jo̧ jö̧ba̧lö kwöwaisaduwobe, ¿jö̧tö? Dios iwenema öwaetjöda ja̧ wene yöawobe chömöledö, baikwö laebobe Dios iwene: Du̧ju̧taja tjö̧jijayonö, bakobe babibö bakwa'oda batjibakwedö, jö̧ba̧lö laebobe.

1 Corintios 7:2

jo̧kwaijayonö tji̧lȩkwa̧muböködökwö sulabenö ja̧tjapji jö̧ba̧lö, ömadöma bakwo̧nökwena tjilekwokwena tjemo, ja̧danö ya̧döma bakwujukwena tjilekwekwena tjemo.

1 Corintios 7:4

Jau chömöledö, ilekwonö jo̧ma, itedamaö̧kö̧ iteba'o luwo̧ma, ilekwoda iteba'o luwujuma, jo̧bakwö bakobe bajibo jö̧ba̧lö, ja̧danö jilekwenö ju̧juma, isujudamaökö jiteba'o luwujuma, jilekweda jiteba'o luwo̧ma, jobujukwö bakobe baibo jö̧ba̧lö.

Efesios 5:31

Baikwö yöawobe Dios iwenema, damötjö Dios yöawi̧ iwȩyudinama: Bakwo̧ abe'dotjöbi ojo'dotjöbi labebö 'da̧bachibö ilekwokwöda ö̧jo jö̧ba̧lö. Jobadö du̧ju̧tajama bakwo̧da babibadö. Jejenö yöawobe Dios iwenema.

Deuteronomio 10:20

—Kwuluwo̧duwi Isabenö Jo̧ Diosnöda yebabinö omukwatö kwösödaduwo chömöledö, jo̧banöda bȩbachibö kwösödaduwo, jo̧banöda do̧ba̧lö kwö̧jaduwo, –Duluwo̧ Dios, –jö̧ba̧lö, ja̧danö jo̧ba iminöda yöbawö kwujunaduwo, –Yöbawö chujunaja̧danö ja̧bökönö, wainö ja̧titjö̧ma, Isabenö Jo̧ lȩebobö ja̧kobe, –jö̧ba̧lö.

Deuteronomio 11:22

—Ja̧danö ju'wibi yötawaduwakwö chömöledö, Dios wei̧ babe ökwödönö webö yötawi̧ teada̧lönö a̧ja̧kwö ja̧nö, kwuluwo̧duwi Isabenö Jo̧ Diosnö ile nibebö, ösödi̧danö ja̧bö ja̧nö, 'diinö jo̧banö do̧ba̧lö kwö̧jaduwitjö̧ma,

1 Samuel 18:1

Jejenö Saulkwö yöa̧lakwawinobe Davidma, ja̧danö Saulma Davidnö 'da̧batö ujuninobe, iteda yö̧ne ömöayo̧ baibanö. Ja̧danö, ja̧ möle tupakwö, Saul weinokobe Davidnö, itebobe Belenbe ȩwa̧joböma. Ajayinö ȩwa̧jibö öji̧najayonö, ja̧ mölȩ tupakwö Saul ejutjöda yö̧ne ömöayo̧ ö̧jobö ösödinobe Saulma. Ja̧danö ju'wibi baledinobe ja̧ mölema. David Saulkwö yöa̧lakwawenama, Saul itji̧ Jonatanbi jobe ö̧jinobe, ja̧danö Davidnö öwaisachibenama, jwiinö Davidnö ösödinobe Jonatanma: —Isabenö bitema yö̧ne chömöledöso̧danöbo̧, —jö̧ba̧lö. Isabenö otiwanö ösödinobe Davidnö, iteda ösödakwawi̧danö.

1 Samuel 25:43

Abigailnö emakwa̧ abönö, jelujunöbi eminobe Davidma, Jezreel jojosuju Ahinoam mikwujunö. Jo̧kwajabetjö̧ Ahinoambi, Abigailbi David ilekwamu tjö̧jinobe.