Mateo 19:4 - Dios Iwene

⁴ Atjebökwe, Jesúsma atadinobe: —¿Ökwödöma Dios iwene yöka̧linaduwökiji̧, Dios jojodönö iso̧nöbi, isujunöbi otidina wene laebi̧ma?

Mateo 19:4 Iomraidhean Croise

Génesis 1:27

Ja̧danö, Diosma otidijetö jojodönö, itedadajayedönö, Diosdanö ichejekwadönö. Iso̧nöbi isujunöbi otidijetö.

Génesis 2:18

Jemi ikenama: —Chedemi otiwökö iso̧ jo̧dawa'ye öjoböma. Jo̧kwaobetjö̧ chotidakwo̧sa pjajatakwujunö, itedadanö ichejekwujunö— jö̧ba̧lijetö Isabenö Jo̧ Diosma.

Génesis 2:23

Ja̧danö, jojoma isujunö edinö jö̧ba̧lijetö: —Bisuma ötjö chiwe'ijudanö, chitebiyadanö ichejekwuju. Ja̧danö, isuju, jö̧ba̧lö ötjabikwuju iso̧tjö otikwujuja̧tjö— jö̧ba̧lijetö jojoma.

Génesis 5:2

Iso̧nöbi isujunöbi otidijetö Diosma. Ja̧danö, ja̧ mölema otidajawö̧nö dösölö̧jinö edö pjatatakwo̧sa, jö̧ba̧lö webijetö: Yebawö kwuju̧kwaduwo böjȩ ba̧kwemeachibanö kwöba̧jekwachaduwo, jö̧ba̧lö. Ja̧danö, otidajawö̧nö öbabijetö, Jojodö, jö̧ba̧lö.

Mateo 12:3

Jejenö yötja̧lökwe, Jesúsma baikwö atadinobe: —Bidö tjebö tjukwi̧ kwöpöjödaduwijayonö, sulökö. Jobadöma sule Davidmine damötjö ja̧inadanö ja̧badö. ¿Davidmine ja̧ina wene la'akatjöda kwöwaisachinaduwökiji̧? A̧wi̧chi̧lö̧jinobe Davidnöbi, iteda ömöayedönöbi, ja̧danö a̧wi̧chi̧lö̧jökwe Dios eju okwa tebachö, Diosnö iyawapja̧ emö ukwinobe Davidma, ¿jö̧tö? Jau, Davidma ja̧ Diosnö iyawapja̧ pan ukwinobe, ja̧danö ju'wibi David ömöayedöbi ja̧ pan tjukwinobe, ¿jö̧tö? Ja̧ pan kwöwaisaduwa, sule Diostjö jojodötjö ö'weje pjabatadöda tjukwobö jo̧be jö̧ba̧lö laebobe Moisés iwȩyudinama, ¿jö̧tö? Ja̧danö chömöledö, Davidma ö'weje pjabato̧ ö̧jokobetjö̧, la'akatjöda ja̧ pan ukwobö jwiinena, ¿jö̧tö? Jo̧kwaijayonö, la'akatjöda ja̧ pan ukwobö jwiobe jö̧ba̧lö Moisés iwȩyudina laebijayonö, ja̧ pan wene jwiinö ukwinobe Davidma, ja̧danö ju'wibi iteda ömöayedönö iyinobe, jobadöbi wene jwiinö tjukwobö, ¿jö̧tö? Jau, jojodö edö sulabenö kwadö jö̧ba̧lö yötja̧lo jö̧tja̧lijayonö, Dios öba a'otjö wene jwiinö tjukwinobe. Ötjö chöba̧ja̧di̧ waisachadöbi ja̧danö, ökwödöma edö sulabenö tjebö kwadö jö̧ba̧lö kwomukwataduwijayonö, Davidmine wene jwiinö ukwinadanö bidöbi Dios öba a'otjö wene jwiinö kwadö.

Mateo 21:42

Yötja̧lökwe, Jesúsma yöawinobe: —Ökwödöma ¿Dios iwene laebi̧ yöka̧linaduwökiji̧, baikwö laebi̧ma: O̧do otidadö biwa inawama mikwawököwa, jö̧ba̧lö tjöpöjödinawama, ju'wi inawatjö bajalekwönönö mikwawawa, abönö lödawawa baibinobe. Duluwo̧da jejenö baibobö ja̧binama, ja̧danö döbajale jalaka baibanö edadösa, isabenö otiwanö ja̧inobetjö̧, jö̧ba̧lö laebi̧ma, ¿yöka̧linaduwökiji̧?

Mateo 21:6

Jesús weaja̧danö Jesús öba̧ja̧di̧ waisachadö bulusujunöbi, jitji̧nöbi tjichejebinobe. Ikenama, jobadö buludö tjoma'anö tjökamijido̧ wamesado̧ tjöwaninobe, ja̧danö jejenö tjöwanajawö̧nö Jesúsma öwamatinobe.

Mateo 22:31

Ja̧danö, ökwödö wobajaletjö tjeachakwawa jwiobe jö̧ba̧lö omukwatadönö, baikwö yötawa: Ökwödöma Dios ökwödönö yöawina ¿la'akatjöda yöka̧linaduwökiji̧?

Marcos 12:10

Ina yöbawijetö: —Ökwödöma kwedinaduwobe Dios iwenetjö laebi̧ma, baikwö: Inawiyatjö o̧do otidadöma, bakwawa emö, Biwama sulabawa, jö̧ba̧lö, öpöjödö lobijadötö. Jo̧kwaijayonö, lotjinawada jelewatjö bajalekwönönö otiwawa baibijetö. Isabenö, ja̧wa la'aka junawa baibijetö.

Marcos 12:26

Ina jö̧ba̧lijetö: —Ju'wibi yötawa, wobinadö yemidanö tjeachajakwawa wene. Ökwödö saduceo jojodöma, wobinadöma yemidanö tjetjachajokobe, jö̧ba̧lö, kwomukwataduwobe. Abebö cha̧ja̧kwa ökwödönöma. ¿Kwomukwataduwiji̧ Moisés iwȩyudina, Diosma jo̧banö ösötjetjö ökwöla ubi̧danö ubinö yöawi̧ iwȩyudinama? Isabenö ökwödöma Dios iwene edöködödanö yöka̧laduwobe, Wobinadö yemidanö tjetjachajokobe, jö̧ba̧löma. Diosma Moisésnö jö̧ba̧lijetö, Ötjöma ökwödö kwa'dödömine Abraham, Isaac, Jacob tjuluwo̧ Diossa, jö̧ba̧lö.

Marcos 2:25

Jejenö jö̧tja̧lökwe Jesúsma atadijetö: —Bidö tjebö tjukwi̧ kwöpöjödaduwijayonö, sulökö. Jobadöma sule Davidmine damötjö ja̧inadanö ja̧badö. Davidmine ja̧ina wene ¿la'akatjöda kwöwaisachinaduwökiji̧? Ja̧danö, Davidnöbi, iteda ömöayedönöbi kwakwawa jwiawö̧ a̧wi̧chi̧lö̧jinobe.

Lucas 10:26

Aebökwe, Jesúsma atadö abebö a̧ja̧kwinobe: —Ökwö yöba̧lö kwedemima, Moisés iwȩyudina laebi̧ma, ¿dakwö laebobeda?— jö̧ba̧lö abebö a̧ja̧kwinobe Jesúsma.

Lucas 6:3

Yötja̧liökwe Jesúsma baikwö atadinobe: —Bidö tjebö tjukwi̧ kwöpöjödaduwijayonö, sulökö. Jobadöma sule Davidmine damötjö ja̧inadanö ja̧badö. Davidmine ja̧ina wene ¿la'akatjöda kwöwaisachinaduwökiji̧? A̧wi̧chi̧lö̧jinobe Davidnöbi, iteda ömöayedönöbi, ja̧danö a̧wi̧chi̧ lö̧jökwe Dios eju okwa tebachö, Diosnö iyawapja̧ emö ukwinobe Davidma, ¿jö̧tö? Jau, Davidma ja̧ Diosnö iyawapja̧ pan ukwinobe, ja̧danö ju'wibi David ömöayedöbi ja̧ pan tjukwinobe, ¿jö̧tö? Ja̧ pan kwöwaisaduwa, sule Diostjö jojodötjö ö'weje pjabatadöda tjukwobö jo̧be jö̧ba̧lö laebobe Moisés iwȩyudinama, ¿jö̧tö? Ja̧danö chömöledö, Davidma ö'weje pjabato̧ ö̧jokobetjö̧, la'akatjöda ja̧ pan ukwobö jwiinena, ¿jö̧tö? Jo̧kwaijayonö, la'akatjöda ja̧ pan ukwobö jwiobe jö̧ba̧lö Moisés iwȩyudina laebijayonö, ja̧ pan wene jwiinö ukwinobe Davidma, ja̧danö ju'wibi iteda ömöayedönö iyinobe, jobadöbi wene jwiinö tjukwobö, ¿jö̧tö? Jau, jojodö edö sulabenö kwadö jö̧ba̧lö yötja̧lo jö̧tja̧lijayonö, Dios öba a'otjö wene jwiinö tjukwinobe. Ötjö chöba̧ja̧di̧ waisachadöbi ja̧danö, ökwödöma edö sulabenö tjebö kwadö jö̧ba̧lö kwomukwataduwijayonö, Davidmine wene jwiinö ukwinadanö bidöbi Dios öba a'otjö wene jwiinö kwadö— jö̧ba̧lö atadinobe Jesúsma.