Mateo 19:27 - Dios Iwene

²⁷ Ikenama Pedroma abebö a̧ja̧kwinobe: —Ökwödö kwöba̧ja̧di̧ waisachadöma okobe jwiinö dujuna̧lina junibö ökwökwö lubibö dichajabe, ¿jö̧tö? Jejenö ja̧diökwe, ¿taji iyakwa̧daja̧ Diosma ökwödönöma?— jö̧ba̧lö.

Mateo 19:27 Iomraidhean Croise

Mateo 19:26

Atjebökwe, jobadönö edö Jesúsma atadinobe: —Jojodö tjujulunö tjö̧jiboböma jwiobe. Jo̧kwaijayonö okobe jwiinö ja̧obö juluwo̧ Diosma, ja̧danö Dios pjaatitjö̧ma ji̧kwa jo̧be— jö̧ba̧lö atadinobe Jesúsma.

Mateo 19:28

Aebökwe, Jesúsma atadinobe: —Isabenö yötawaduwakwö chömöledö, okobe jwiinö 'yayinö Dios otidena, ja̧danö ötjö jojo baibanö jeminökwe salöinö dewaka teakanö, inesö la'aka luwo̧ iteakanö chö̧wenama, ökwödö chökömanö lubibajadöbi a̧li̧nösamutjö dökalatajanö kwö̧waduwakobe, Israel jojodötjö a̧li̧nösamutjö du̧ju̧tajasaso jojodö tjuluwedö bakibaduwanö.

Mateo 9:9

Jobetjö labeibö Jesúsma kweachinobe, ja̧danö jelo̧ Mateo mikwo̧nö edinobe, la'aka luwo̧ itea balada impuesto ötjabi̧ balada emajibo̧nö. Mateo otidobe mesasötenö ö̧bobe edinobe, ja̧danö Jesúsma Mateonö weinobe: —Ötjö chökömanö ichi, chöba̧ja̧di̧ waisacho̧ baibanö— jö̧ba̧lö. Jejenö weökwe, Mateoma a̧laibö Jesús ökömanö ichinobe.

Marcos 10:28

Ikenama Pedro jö̧ba̧lijetö: —Ökwödöma jo̧ba tea juna̧lo̧ omukwati̧danö omukwatöködösa. Ökwödöma okobe jwiinö junibö ökwökwö dichijatö— jö̧ba̧lijetö.

Marcos 2:14

Ikenama jobetjö ȩwa̧jö, Jesúsma Alfeo itji̧, Leví mikwo̧nö edijetö, la'aka luwo̧ balada emajitjena bo̧nö. Jo̧bama la'aka luwo̧ balada emajiena otido̧. Jo̧banö edö jwöbijetö: —¡Ötjökwö ichi!— jö̧ba̧lö jwöbijetö. Jejenö jwöökwe Levíma a̧laibö 'yi̧jetö Jesúskwö.

Lucas 14:33

Jau chömöledö, böjȩtjö abönö omukwatadöja, ja'öda kwöwaekwaduwapji jö̧ba̧lö, ja̧danö ötjö chöba̧ja̧di̧ waisachadö batjibobö omukwatadöbi jejenö jweinö omukwatönö tjomukwatobö jo̧be, isabenö chöba̧ja̧di̧ waisachadö batjibobö tjösödojobö jö̧ba̧lö. Ja̧danö, ötjö chöba̧ja̧di̧ waisachadöma wotjenanö kabatö jwaikwöda ötjönöda tjösödobö jo̧betjö̧, abönö otiwanö tjo̧mukwatobö jo̧be, isabenö chöba̧ja̧di̧ waisachadö batjibobö tjösödojobö tjöpöjödojobö jö̧ba̧lö. Ja̧danö, okobe jwiinö tjujuna̧li̧ mikwawökö ji̧ jö̧ba̧lö lödibö, chökömanö tjichobö tjöpöjöditjö̧ma, isabenö chöba̧ja̧di̧ waisachadö batjiboböma jwibadö— jö̧ba̧lö yöawinobe Jesúsma.

Lucas 15:29

Aebiökwe, itji̧ abönö pöema o̧'wo̧ sulinö yöa̧linobe: Edi chabe'do, ötjöma lekwe o̧biya ökwö weköbi̧ chotidajabe, ja̧danö bakwötanöbi weköbi̧tjö wainö ja̧tijökötö. Ötjöma isabenö kwitji̧ otiwanö ja̧bö ö̧jo jö̧a̧li̧danö ja̧bö chö̧jajabe chabe'do, jo̧kwaijayonö chömöledökwö cho̧'wo̧ ösöwachibobö la'akatjöda kwajwinö kwaköbinokobe, mikwawö̧kö̧ chiwo iti̧nöbi kwaköbinokobe chömöledökwö pjiesta chukwoböma.

Lucas 18:28

Yöa̧liökwe, Pedroma Jesúsnö yöa̧linobe: —Ökwödö kwöba̧ja̧di̧ waisachadöma ditea dujuniboböma öpöjödökodösa. Ökwödöma otiwanö okobe jwiinö dujuna̧lina junibö ökwökwö lubibö dichajabe— jö̧ba̧lö.

Lucas 5:11

Jemi ikenama, o̧pesobu ö'öbönö tjölamatenama, jobadöma okobe jwiinö tjujuna̧li̧ lödibö Jesúskwö tji̧'yinobe, Jesús öba̧ja̧di̧ waisachadö batjibanö.

1 Corintios 1:29

Jejenöobetjö̧ bakwo̧bi deakobe Dios öba a'otjö ja̧nö, Aaa, ötjöma otiwo̧sa jö̧ba̧lö yöa̧lakwo̧ma.

1 Corintios 4:7

Jau chömöledö, ökwödöma ju'wedönötjö o̧penönö otiwadöböködöja chömöledö, ju'wedönö kwöpöjödaduwo jö̧ba̧lö. Okobe jwiinö kwujuna̧laduwi̧ma, Diostjöda ichobe, ökwödötjödamaökö, ¿jö̧tö? Ja̧danö, Diosda ökwödönö iyinobetjö̧, ¿tajawedö Aaa, ju'wedönötjö o̧penönö juna̧ladösa jö̧ba̧lö kwomukwataduwobö chömöledö? Jejenö kwomukwataduwoböma jwia chömöledö, Dios iyinada kwujuna̧laduwobetjö̧.

Deuteronomio 33:9

ja̧danö jobadöma otiwanö weköbi̧ tja̧ja̧kwinobe. Jau chuluwo̧, sulabenö omukwatadö tjabe'donöbi tjojo'donöbi, tji̧tji̧munöbi omukwatökönö, jwaikwöda ökwö weköbi̧da tjösödinobe, ja̧danö yö̧ne tjömöledönö ösödökönö tjö̧jinobe, –Dios wei̧ma bidö dömöledötjö bajalekwönönö mikwawi̧, –jö̧ba̧lö. Ja̧u jejenö omukwatö weköbi̧ a̧ja̧kwö tjö̧jinobe, ökwöda weköbi̧danö ja̧bö.

Filipenses 3:8

Jau chömöledö, ja̧ jawabi, okobe jwiinö ju'wi jawabi mikwawökö ji̧ jö̧ba̧lö, inesö mikwawi̧da chisakwobe chömöledö, jwaikwöda Chuluwo̧ Cristo Jesúsnö chöwaisobö chisakwobe babema chömöledö, ja̧da inesö mikwawi̧ jö̧ba̧lö. Wanedö yötawa: Sula'wo tjikwi̧danö ikwö lotinobedanö ichejekwa, mikwawökö ji̧ jö̧ba̧lö, Cristonöda chemo jö̧ba̧lö,